BB七色便便, 咩色最健康?

Posted on August 5, 2016 By       7,064

20160805_STOOL2

上篇分析了成人不同顏色便便(按此),咁BB呢? 紅橙黃綠啡黑白,咩色先算健康?BB未識說話,其便便是最能直接反映身體的健康情況。

 

初生BB頭一兩天的便便多呈墨綠色,是胎糞。之後幾個月,BB便便一般為泥黃色,全奶B便便通常為一pat,有少少渣,似花生醬。有時便便留在腸時間短,就會偏黃;如果留在腸長少少時間,則會偏啡。兩種都是健康便便顏色。

 

當BB開始引入固體食物,便便開始成形,會較硬身,而且顏色會轉深,開始似成人的便便。同成人一樣,如果進食了某些深色食物,如紅菜頭、紅蘿蔔、菠菜、藍莓等,便便亦有機會染色。

 

但如非進食深色食物,而便便出現紅、黑或白色,則有可能代表腸道有發炎,甚至出血情況,宜立即帶BB睇醫生檢查。

 

另外,BB有時未能完全消化食物,便便會出現食物殘渣,如粟米粒、菜渣等。但如經常出現「食乜疴乜」,則有可能是消化和吸收力異常,要多加留意。

 

相關閱讀:

鑑貌「便」色

 

圖片來源:

https://i.ytimg.com/vi/3DDTO620W9M/maxresdefault.jpg

 

營養師 Annie
於醫學美容中心任職營養師主管多年,現為私人執業營養師,主要服務對象為家中三寶: 囡囡和一對龍鳳胎。其他工作包括:幫助人客體重管理、改善血糖、血脂、膽固醇、懷孕前後營養跟進等問題,為多個健康專欄分享營養資訊,以及舉辦健康講座。
 
  • 搜 尋
  • APP
  • 網 站
© Baby-Kingdom.com Limited. All rights reserved.