畢業後,同學們都各有各忙,難得可以reunion就梗係要揀個適合嘅場地啦!有室內又有戶外地方嘅選擇唔多,最後我哋揀咗位於荔枝角嘅Party Monsters,大人同小朋友都玩得好開心呀!
橙色呢隻就係場地嘅chracter喇!係咪好可愛呢?
嘩!好熱鬧呀!小朋友們已經自動波去玩囉!
波波池一定係小朋友嘅至愛啦!
場地仲提供咗唔同種類嘅遊戲添!係小朋友發揮小宇宙嘅時候喇!
層層疊好似唔係咁玩㗎喎!但朗朗話係最新玩法。
不如出去戶外吸下新鮮空氣啦!原來有充氣城堡呀!you jump~ I jump~ 晴朗不停狂野喪跳,已經進入咗忘我境界喇!
肚子發出咕咕聲,仲等咩呀?開餐喇喂!
到會order滿$2000送蛋糕,好抵呀!hoho~ (智多星到會)
食飽啲呀!叉滿電又再玩過囉!食得快好世界,食得摩冇鼻哥。食完仲可以扭波波!
晴晴要咗隻粉紅色小兔子,好可愛呀!
魔術表演時間,人人都睇得好投入,到底一陣會發生咩嘢事呢?
朗朗都來試下抽牌先。
睇完表演,不如玩下紋身囉!小朋友正為自己挑選靚靚紋身貼紙,好熱鬧呢。
一個跟一個排好隊,人人有份永不落空。
Happy Reunion!!! 大合照,大合笑!
唔經唔覺,同學們已經陸陸逐逐結婚生仔喇!今次reunion真係一個好難得嘅機會,可以畀大家聚下。傾下笑下又一日,好開心呀!Party Monsters嘅職員服務好好,只要我哋提出要求,佢哋都盡量幫手。唔錯唔錯!好欣賞佢哋嘅戶外地方,下次想再嚟BBQ添呀!以下係更多場地照片:
夜晚著晒燈原來咁靚㗎!
有電子爐具可供客人煮食。
亦可以BBQ,正呀!
室內投映設施
小朋友玩樂區
夏天仲可以出戶外玩水添呀!