楠媽現在是35Week 的大肚子，隨著妹妹臨盆在即，楠媽最近又重溫一下呢本「媽媽，我記得你」。
呢本書係楠爸舊年，係楠哥未出世既時候，代楠哥送比我的。我收到既一刻流了很多眼淚，好感動，因為從前的楠媽是一個貪玩又不憧事既人，是我讓小天使久等了。
呢本書講既係「胎內記憶」如果同大家既宗教信仰不相乎，請略過我。
書中主要提到每個來到世界既BB都係獨立既靈魂，佢地都有著各種不同既使命來到世界。胎內記憶是日本一位叫池川明既醫學博士做既研究，而且獲得獲國際專業認證。原來當中每3個孩子，就會有1個記得來到世上既原因。或者有人會覺得呢種「出生前的記憶」是小孩的童言童語，但神奇的是，儘管細節有些不同，共通點卻有很多。
佢地大概咁樣憶述：
「住進媽媽肚子之前，我自己待在「雲上」，
一個軟綿綿、無憂無慮的世界。我決定自己的出生，
選擇想要的媽媽。我一直等，直到遇到你，
我信你會是世界上獨一無二最棒的媽媽，
於是住進你的肚子，期待跟你相見。」
楠哥~你知道嘛? 你是媽媽心目中的小天使呢~
我經常反問自己，我有這麼棒嘛？值得一個小生命（現在是第二個）因爲我/我們家而來到呢個世界？好奇怪，當知道有人欣賞自己，反而對我黎講係一種鼓勵，我要更努力做好一個媽媽，唔可以辜負左呢個小生命對我既期望，預期說我地做父母，要教識孩子很多東西，教佢地懂事。倒不如說孩子令我們更出色，孩子令我們既生命得到更多，令我地成為一個更好既人。
很感激你讓我有機會做你媽媽呢。
很多人覺得，第二個既來臨會分薄了哥哥的愛，我想不是。楠媽好相信，緣份係天注定的。既然每個靈魂來到世界都有不同既使命。哥哥和妹妹一先一後也是注定的。如果我不是生了個氣質很好既楠哥哥，我想我沒有勇氣再生一個未知性格既妹妹。我有時幻想，佢地兩兄妹在天上既情況一定是這樣。
楠哥：「你在這裡等我，我覺得呢個媽媽好好，呢個家好開心。我就先去看看哦。你等一下就快快來跟我相會啦～」
楠妹：「嗯。知道!」
妹妹，哥哥幫你梳頭
請不要跟我說甚麼資源分配，時間分配這回事，因為呢D憂慮或者問題，係靠父母都可以化解的。
我這裡說純粹講愛，哥哥得到的愛是爸爸、媽媽、妹妹。3個人的愛。妹妹也是呢
他們除了爸媽之外，都多了一份手足之情既愛呀～又點會分薄呢？
妹妹，你現在要走進我們仨既生命了。緊張嘛?
楠媽
