【小車迷好去處】尖沙咀TOMICA探知館 款式齊、多嘢玩!

Posted on December 14, 2017 By       3,292

我家嘅和牛B雖然係個女仔,但佢同小男孩一樣都好鍾意玩車仔。所以我哋帶咗和牛B去TOMICA探知館到潮聖,以後唔洗等商場大型展覽都有得睇TOMICA車仔同路軌啦~

TOMICA探知館位於人流旺區尖沙咀美麗華,店舖雖然唔算好大,入面有一個遊戲區,有工作台可以做工作坊或者睇TOMICA嘅圖書,而且玩具款式仲好齊全。

兒童遊戲區,進入遊戲區之前記得先除鞋呀。

遊戲區旁設有鞋架、幾張矮櫈仔,方便著鞋/ 俾家長坐喺旁邊觀察小朋友。

玩具有車仔、路軌、停車場、動物系列等。

動物系列係我自己個人最喜愛嘅,而和牛B呢,兩者比較之下我覺得佢都係比較鍾意玩車仔多啲。

試玩完,就可以隨住佢嘅喜好去選購TOMICA貨品。

除咗兒童遊戲區之外,探知館入面亦有工作坊、圖書角。
 

如果睇過鍾意嘅話,TOMICA嘅圖書亦可以購買。

TOMICA手繪車工作坊,呢一款係特別款嘅車仔$49.9,只有一隻色。入面會附部一張卡紙有3折,兩面都畫得。畫完之後,張卡紙放入車卡內就完成了。

TOMICA嘅Display櫃真係好吸引呀!! 有我鍾意嘅動物系列,仲有和牛B同和牛爸爸最鍾意嘅路軌總合。

我覺得動物系列有好處嘅,可以令佢更容易認識所有動物。有啲款仲會發聲,真係好好玩呀!!

動物系列仲分咗陸地同埋海洋類,所以我自己就超級鍾意!

除咗玩具、圖書之外,探知館內仲有好多TOMICA文具精品。用自己鍾意嘅文具返學,上堂都專心啲呀~

玩具款式超齊,有啲款我出面未見過添呀!

商務印書館 x TOMICA 探知館

電話:2904 1988

地址:九龍尖沙咀美麗華商場 – B1地庫B1024號舖

開放時間:星期日至四: 11:00 – 21:00; 星期五至六: 11:00 – 21:30

Momo
一直不喜歡小孩的我,突然有一天我很想和老公擁有屬於自己的寶寶。半年內,我便有了屬於自己跟老公的小寶貝。從懷孕到寶寶誕生,這段時間改變了我很多!從不喜歡,去到很喜歡,每天都用心去愛孩子及家人。藉此分享懷孕、育兒心得。
 
  • 搜 尋
  • APP
  • 網 站
© Baby-Kingdom.com Limited. All rights reserved.