小孩在幼稚園到底做什麼?老師:個頭挨咗落同學仔度……媽:好可愛啊!

Posted on December 15, 2017 By       5,226

bkmilk_20170114_fb_cute

IMG_9326

爸媽們都會很想知道到底小寶貝在幼稚園過得怎麼樣,尤其像貓町媽媽這種在職媽媽,無辦法接送小火子返學、放學,所以更想知道小火子在學校過得好嗎,開心嗎?從遊戲中窺探小孩的想法

雖然我不能每天在校園外迎接小火子,給他一個大大的擁抱… 還好這個小朋友喜歡與我玩返學遊戲。 房間的一角成為了學校,記得個多月前我們第一次玩返學遊戲時,我問小火子學校有咩玩ga?  小火子竟然如數家珍地告訴我: (為保護私隱,老師以英文字母作代數)

學校有A老師,會我地做教手工
Miss B, 會教英文同唱歌
仲有珍姐,係去廁所既
同埋C老師,最鐘意惡既

(最鐘意惡,哈哈! 我內心其實已經笑死了)  不過其實很難忘又很開心,因為這是小火子第一次主動告訴我學校的事物,讓我對小火子的校園生活有了基本的概念,也讓我知道他在學校接觸的事物,其實很多都有印象,為他帶來大大小小不同的衝擊,在我面前這個小朋友彷彿又長大了。

現在的返學遊戲不時會增加一些新元素,有時小火子會同我講: 「你要比心機,有我陪你,唔駛喊ga」 (這應該是媽媽和老師跟他對話的混合版); 有時是: 「我拎d教具比你玩」(然後就把成箱的玩具火車推進來);或者是: 「今日係SHOW & TELL,你介紹呢兩間火車啦。」 透過遊戲就可以窺探小朋友在學校的生活片段。

school

透過傾計 了解小朋友多一點點

貓町媽媽很喜歡和小火子傾計,什麼都都會聊,不過有時想透過傾計了解小火子在學校裡的生活卻不一定奏效。 有次因為快輪到小火子進行SHOW & TELL,就是每個小朋友都要帶一樣東西回校向老師及小朋友介紹。 因為小火子比較慢熱,怕他會緊張,所以希望在家先與他練習,在練習時先透過傾計打開話題:
「SHOW& TELL 好似好好玩wor,少傑介紹左咩玩具呀?」
小火子: 「好似無wor…」
我: 「咁梓俊呢?」
小火子: 「我都唔知道…」
好似唔work tim….突然間,小火子: 「雅雯帶左相機呀!」
Bingo! 咁就可以繼續傾啦: 「相機,係唔係玩具相機呀? 咁你想帶咩介紹比同學認識呀…..

1

Processed with VSCO with a4 preset

家校合作

除左陪小朋友做功課,睇手冊上既每週學習活動外,想了解小朋友既學習表現,透過學校提供既資訊及與老師溝通當然是有效的方法之一啦。

感謝學校其實都提供左好多方法比家長了解小朋友在校既學習情況,好似10月底就為幼兒班家長舉辦了一個新生適應分享晚會,講解一下整體幼兒學習表現,也製作了小朋友上課的短片,讓家長們可知道小朋友在校的大概學習流程及情況。 至於像我一樣不能每天到校接放學的家長,如果可以抽空參加一下由學校提供予家長或親子的活動,有機會認識一下不同老師,彼此談談天,那就可增強對學校的了解及信心。

至於班主任也會約個多月致電家長傾談一下小朋友的學習情況。 記得上一次老師致電貓町媽媽,說小火子仍然比較慢熱,但在唱遊時開始主動跟老師做動作啦,(那很了不起啊呀) 不過有時都會唔專心,試過兩次上緊堂時將個頭挨左落旁邊既同學度,應該係玩緊….. 」 對不起老師,我聽到呢度,再想像埋個畫面,實在覺得太可愛啦,而且小火子在學校有朋友仔一齊玩實在太好啦~

thumbnail (2)

thumbnail (1)

仲有,小火子學校有用EVI平台,只要我在手機下載了EVI APP, 就可以知道小火子的出席紀錄,簽收通告,又可以下載學校活動相片,睇到呢d活動相片,見到佢開開心心咁做手工,做生日會主子角,就知道佢已經習慣並喜歡學校既生活,那媽媽就放十萬個心啦~

雖然媽媽唔可以接你返學放學,但我都會努力去了解你在學校做什麼~ 希望你每日返學都要開開心心呀!

謝謝收看,如果喜歡貓町媽媽的文章或想觀看更多親子玩樂情報,歡迎到訪貓町媽媽的facebook專頁:

貓町媽媽 親子 玩樂 扮靚日誌

貓町媽媽
愛文字,愛貓,愛手作,希望趁小情人(阿仔)還願意黏在身邊的時候,可以拖著他的小手遊歷更多地方。 相信成為快樂媽媽才可以養育出快樂的孩子,所以深信要不斷學習,同時亦要繼續貪靚才可以成為自信快樂的媽媽。
 
  • 搜 尋
  • APP
  • 網 站
© Baby-Kingdom.com Limited. All rights reserved.