做左全職媽媽之後的確多左時間，可以同小JM撐枱腳同High-Tea！媽媽亦好樂意得閒個陣整下甜品或下午茶同小JM食，因為爸爸唔好食甜品，所以唯有搵小JM陪下媽媽，滿足一下媽媽既為食慾望！
今日媽媽又來攪攪新意思，整左個小小既滋味下午茶一齊同小JM嘆！
【烤焗蘋果麵包布甸】
材料：
嘉頓去皮方包數片
雞蛋一隻
牛奶一盒
日本蘋果半個
紅莓乾適量
提子乾適量
糖（可按個人口味調較）
*小JM既下午茶係無糖版喔!*
做法：
1.)預熱焗爐至180度
2.)先將蘋果去皮，切成小片。再將蘋果磨成蘋果蓉，備用。
3.) 將雞蛋打勻， 再加入蘋果蓉，備用。
4.)預備好牛奶，將牛奶加入蛋液及蘋果蓉內攪拌（如需加糖，可以加入牛奶中攪拌）。
5.)取出數片已去邊方包，先切成條，再切成小塊並置於碗中。
6.)將已經預先攪拌好既牛奶蘋果蓉蛋液加入碗中。
7.)最後在面頭加上紅莓乾或提子乾。
8.)完成後即可放入焗爐烤約30分鐘左右，即成。
如果想面層脆口一啲， 蛋液可以唔駛加太滿。而且加咗蛋液後亦唔需要按壓麵包。
對於呢個咁香甜味美嘅下午茶，小JM亦表示好喜歡，緊係啦，表層有小JM最鍾意嘅紅莓乾同提子乾呀嘛。
如有任何查詢/合作，歡迎聯絡我同小JM 參與產品試用或者各樣活動。
媽咪既Email係： sleepyceci＠hotmail.com
小JM既Facebook Page： 傑。斯與晴（Jolie Babe。小JM の 成長印記）
