銅鑼灣係一個時尚地帶，但爸媽 shopping 嘅同時，小朋友就只可以係到悶？今次美國冒險樂園 Jumpin Gym U.S.A 係銅鑼灣皇室堡 13/F 嘅 4000呎親子樂園 – Planet J Kids 已經開幕，等各區嘅爸媽多一個特別嘅親子好去處！
Planet J Kids 設六大好玩遊戲區，六大遊戲區精心設計，激活好玩基因，令小朋友興奮放電之餘，更着重親子元素，強調父母與小朋友一同享受互動體驗，共創愉快童年回憶。
入去玩前4部曲，探熱～戴手帶～消毒雙手～除鞋，記住要著襪仔呀！
Planet J Kids 係美國冒險樂園首間學前 BB/幼童嘅遊樂場，明白父母需要。另有方便照顧嬰兒/ 幼兒的設施，例如換片房、餵奶房，亦非常重視安全，專業公司除甲醛和消毒)。
遊戲區加入了有益小朋友心智及身體發展既元素！六大遊戲區分別係《創意積木城》、《奇幻互動地帶》、《勇者之丘》、《太空彈步》、《想像工作室》及《休悠小島》。
第一區：創意積木城
無論想做工程師、建築師，定係設計師，小朋友既世界咩都有可能！哩區除左好玩既「瀡滑梯」，仲有俾小朋友自由發揮既安全大型軟膠積木，自己屋仔自己起，無難度啦！
成長元素：發揮想像力 + 創造力
有好多大 LEGO 比小朋友自由砌！
兩條綠色滑梯，唔好睇佢好似好短咁，瀡落黎都好快下架！
第二區：奇幻互動地帶
想係室內同”光”玩遊戲？呢個區就啱哂啦！大型投影光幕俾小朋友大玩互動遊戲，要「動手動腳」運動下之餘，仲要同身邊朋友仔好好合作，先玩得盡興架！
成長元素：官感刺激；鍛練反應。
一班小朋友好興奮地向螢幕掉波波，可能平時唔可以向住屋企電視掉野，今日就情緒爆發，大大力向住螢幕掉波波！
第三區：勇者之丘
面對色彩繽紛既小小攀石場，即使平日較文靜既小朋友，都會被激發動力，想挑戰一下。小朋友挑戰成功後既自信笑容，父母睇到都開心埋一份啦！
成長元素：鍛練大小肌肉；平衡左右腦發展；加強手腳協調。
哩個小小攀石牆，在姐姐輔助下，芊嶠都好大膽挑戰！
放電樂園又點少得波波池！藍白色波波，比人嘅感覺好似置身於海上，小朋友嘅每一步都係興奮嘅遊玩體驗。波波海上仲有可愛嘅紅鶴，小朋友坐上去捉實扶手，爸媽就可開動啦，推住小朋友係波波海上暢遊。
第四區：太空彈步
在軟軟彈彈的彈床上，小朋友比平日跳得更高，跑得更快，也可以挑戰各種動作。在充氣跑道和充氣滾筒中，父母更可以同小朋友一齊運動*，親密互動。
成長元素：全身性運動；加強下半身肌力；加強前庭平衡感。
(*為保安全，需視乎現場情況，並按現場職員指示為準)
跳彈床絕對係放電位，跳呀跳，媽媽見到都想跳埋一份！
哩個充氣滾筒不得了，望落好刺激，但芊嶠年紀比較細，玩嘅時候真係要小心，最怕會整親頸！所以係玩嘅同時，家長都一定要確保小朋友安全！
第五區：想像工作室
要玩得投入，設施很重要！所以我地已經為未來廚神、工程師、畫家……準備好各式玩具道具啦！
成長元素：刺激想像力、鍛練社交能力。
有各式各樣嘅玩具任選，無論係 baby 定小朋友，都一定有野啱玩！
哩邊簡直係女孩子天地，有埋手推車比小朋友 shopping 買野，芊嶠真係購物狂上身，係咁放野落車！
仲有木製枱凳，小朋友拎玩具坐係到慢慢玩都冇問題！
芊嶠最開心就係見到有醫生出診套裝，每次見到都愛不釋手，拎住出診套裝就醫生上身，周圍幫人探熱，睇病，仲要幫人打針添！
第六區：休悠小島
小朋友擁有無窮活力，但如果父母「被放電」之後想休息下，咁「休悠小島」就啱曬啦！哩區設有沙發，可以同小朋友睇下繪本同伴讀故事書，如果小朋友仲有電嘅話，都可以玩同區既迷你 BB 波波池或軟墊攀爬組合架！
成長元素：休息係為了玩更長嘅路。
哩邊就有個小童區，如果細小嘅小朋友，係哩個區到玩，都比較安全，因為滑梯都是軟膠墊造嘅。
仲有得一試做船長嘅機會，劻霖一見到就爬上去，我都係第一次見佢爬樓梯咋！可想而知佢有幾想玩！哩架船由軟膠墊造成，所以小朋友爬都冇問題！
另外，都有好多不同嘅幼兒玩具，提供比細小嘅 baby 玩，真係好啱劻霖玩，佢直情玩到唔想走！
如果想參加靜態少少嘅活動，可考慮報手作班，如導師在場，可即場報名，再即時上堂！
**狗仔手作袋，一款$30。
**附上全日任玩收費表，最平$80就可以全日任玩，收費已包一個身高130cm以下嘅小童 及 一位家長。
========================
Planet J Kids
地址：銅鑼灣皇室堡13樓1301-1305號
查詢電話：2441 2778
營業時間：11AM – 9PM (Mon – Sun)
網址：http://www.jumpingym.com/planetjkids
Facebook專頁：https://www.facebook.com/PlanetJKids/
