【自製玩具】手殘都做到。廁紙筒車仔。親子手作 | 環保玩具

Posted on March 31, 2018 By       4,097

又係車車系列,今次同大家分享呢個自製玩具,係適合同小朋友一齊做嘅。而且材料仲好簡單,仲係環保嘅自製玩具嚟。今次最重要嘅材料,就係每個人屋企都一定會有嘅「廁紙筒」。

廁紙筒平時用晒就會掉咗佢,其實都幾浪費。而家我哋就利用佢變身成為小朋友嘅玩具啦,做法非常簡單,手殘媽媽都會做得到o架!

材料:
廁紙筒
彩色紙/ 博士貼
漿糊筆/ 雙面膠紙
硬卡紙一小張 (剪出4個圓形做車碌)

做法:
1. 首先利用漿糊筆塗滿成張顏色紙/ 利用雙面膠紙貼滿成個廁紙筒或顏色紙上。

2. 將顏色紙/博士貼 貼上廁紙筒。

3. 利用界刀界出一個長方形,預留一邊作為車嘅椅背墊。

4. 貼上/ 畫上裝飾

5. <以下是Optional的步驟>

A. 利用螺絲批開四個窿,然後利用兩腳大頭針將車碌固定 (可動款)

B. 將四個車碌貼上 (固定款) *如果做固定款,四個圓形咭紙中間就唔需要開窿啦~

\\ 完成啦 //

今次呢個勞作和牛B都有份整,所以佢特別有成功感,特別開心,仲不停叫「爸爸,你睇下!」佢好想同人分享佢份喜悅。

 

小貼士:
點解車身(廁紙筒)我會用顏色紙/博士貼貼上去呢?
因為如果利用顏色筆嘅話,一來要塗滿成個筒要好耐時間,二來用錯顏料嘅話就會甩色甩到小朋友成手都係,加上直接將顏色紙貼上去係最方便、快捷。

可動款嘅車碌問題
建議車碌做大少少仲好,同埋車碌嘅咭紙要夠硬夠厚,個人認為好似紙皮盒咁厚就最佳。

Momo
一直不喜歡小孩的我,突然有一天我很想和老公擁有屬於自己的寶寶。半年內,我便有了屬於自己跟老公的小寶貝。從懷孕到寶寶誕生,這段時間改變了我很多!從不喜歡,去到很喜歡,每天都用心去愛孩子及家人。藉此分享懷孕、育兒心得。
 
  • 搜 尋
  • APP
  • 網 站
© Baby-Kingdom.com Limited. All rights reserved.