一言九「頂」:回應小朋友頂嘴的3種方法

Posted on April 11, 2018 By       3,860

上一次,小米跟大家談過小朋友頂嘴的現象。今次小米跟大家討論一下小朋友常見的頂嘴說話。

「我唔理,我要XXX!」

如果小朋友經常說以上的話,這可能是他正在表達他的需要或喜好。

爸爸媽媽回想一下,平時我們是不是以下指令的方式跟小朋友說話,而甚少傾聽孩子的心聲?特別在時間緊逼的時候,我們的聲線和動作是否比我們想像的大?

如果我們希望孩子有禮貌地回應我們,我們便應以身作則,做個好榜樣,讓孩子們模仿。

「我係做唔到架」「我都做唔到」「我就係唔要」「我都諗唔到」「我唔識」「我都係唔得架啦」……

大家聽到這類說話,很容易上火,可能會心想「明明係識,點解都唔去做?」,又或者「你唔試下,又點知?」等等。可是,孩子這個時候通常已經心灰意冷,又點能夠提起幹勁去做?

爸爸媽媽們回想一下,平時我們是不是常常向他們潑冷水?常常跟孩子們說出令他們沮喪的話?例如:「越幫越忙」、「睇死你一定唔得」、「都話咗你做唔完架啦」等等。

如果我們希望孩子們積極一點,便要多說鼓勵的說話,並把我們的要求拆細小一點。例如:

「我很欣賞你想要幫忙,我見到你很努力掃走客廳的垃圾,真係唔該哂你呀!之後呢,麻煩你留意下枱下面同埋凳下面,掃埋逃走緊嘅灰塵,咁我就會更開心架啦!」

「我見到你很努力想要完成功課,真係好乖呀!不過呢,呢版仲有兩條題目未做喎,如果你可以自動自覺做埋佢,咁我就會更開心架啦!」

「我好憎你呀」「你死咗去啦」「我唔要你」「我唔想再見到你」

作為父母,如果聽到自己的子女對自己講這番說話,我相信都幾心傷。到底一個孩子,心裏受了多少傷害,才能開口說出那麼傷害人的話語?孩子這些話是要引起我們注意:若果我再感受不到你的愛,你很快便會失去我了。

爸爸媽媽們,趕快傾聽兒女的心聲吧!如果大家不知道如何開口,可以參考以下開場白:
「我聽到你覺得好嬲,你先冷靜諗一諗,你想同我講嘅時候可以嚟揾我,我隨時都好樂意聽你說。」

「我聽到你咁講,我覺得好心傷,我相信你會知道咩講得咩唔講得,我現在先去廚房洗碗,你好好諗下,我哋等陣再傾。」

當然,如果小朋友係學其他人亂講,咁就真係要嚴厲地警告下佢。例如:

「注意你所講嘅說話,你講呢尐說話會令人嬲,咁係唔係你想要嘅結果?」

「其實你係希望XXX,咁你係咪一定要講呢尐說話,人哋先知道你想要乜?你覺得會唔會有更好嘅表達方式?」

爸爸媽媽們,記得記得:
1. 用心聆聽
2. 適度的自主
3. 多多鼓勵
4. 充滿愛的溝通

相關閱讀:

一言九「頂」:拆解小朋友頂嘴背後7大原因

小米
自己是一名大孩子,又育有一名兒子,更幫助其他家庭照顧他們的子女,偶而義務到學校講故事,並於學校座談會分享育兒經驗。
 
  • 搜 尋
  • APP
  • 網 站
© Baby-Kingdom.com Limited. All rights reserved.