BB仔瞓得好之陪瞓玩具
-作者: 豬B仔
雖然魚蛋頭未瞓到過夜，但係佢每晚覺嘅時候都要聽住瞓覺公仔，咁佢就會好快瞓到冧滋滋噶啦。今次魚蛋媽要介紹魚蛋頭嘅瞓覺伙伴——瞓覺叻。
話說魚蛋頭到依家都未戒夜奶，但佢已經9個月啦，每晚都仲係要啜幾次媽媽奶，魚蛋媽表示好想瞓返個好覺。但係我又唔想夾硬要魚蛋頭喊住咁瞓喎，咁魚蛋媽就唯有繼續生活係地獄度先啦。我知一定會有媽媽話咁樣唔得噶要畀佢戒夜奶噶啦，點都要狠心幾晚噶啦etc， blah blah blah。畢竟每個bb嘅發展都唔同，咁我都相信到一定時候魚蛋頭會自己瞓過夜噶啦畀d信心佢啦。
呢隻瞓覺叻就係陪住魚蛋頭每晚瞓覺，魚蛋頭最中意就係聽住d心跳聲瞓，就連魚蛋媽聽住心跳聲都會好快瞓著。
係魚蛋頭啱啱出世嘅時候，魚蛋媽就好想買只音樂公仔陪佢，但係睇到好多都係心大心細唔係咁啱。有日魚蛋媽如常look FB就睇到一個日本代購page，咁就㩒入去睇下啦，就咁啱見到呢只公仔，但係個價錢就高過預算。咁之後魚蛋媽就上日本Amazon就搵下啦，皇天不負有心人，竟然畀我搵到隻一樣嘅而且連埋運費價錢仲平咗1/3添，另外仲有Micky & Minnie畀你揀。
點解魚蛋媽咁鐘情呢隻瞓覺叻，因為佢有曬我所需要嘅5種嬰兒音樂2種同情景音，仲有好重要嘅心跳聲都有，心跳聲係可以令當時0-3個月唔願瞓嘅魚蛋頭平靜落嚟慢慢入睡，咁就解決咗魚蛋媽嘅一大難題。
好啦，魚蛋媽今次介紹到呢到先，大家可以睇埋條片聽下瞓覺叻嘅聲音噶。下次再同大家講下魚蛋頭放電記，88~
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
