 |
|
BB仲有兩個幾月就兩歲，但佢學講嘢好慢，連嗲哋、媽咪都唔肯多講，見到佢鍾意食嘅嘢就立即講食食，好多嘢佢都聽得明，同佢講BYEBYE會揮手，講錫錫識得KISS我，但就唔願用個嘴表達意思。
佢晚晚瞓都好依賴奶嘴，想同佢戒一直都戒唔到，一唔比佢食就喊死，會唔會係佢太依賴吸啜而影響佢？我可以同佢做啲乜訓練佢學講嘢呢？ |
|
|
2017年03月24日 |
|
 |
|
一般22 個月嘅小朋友能夠聽從簡單指示, 同埋講簡單詞語,例如媽媽食飯, 爸爸去街, 不過每個小朋友語言發展步伐都唔同一樣, 媽媽要增加日常生活同佢講野嘅機會, 例如同BB 抹面時一邊抹一邊講而家抹眼仔, 抹鼻鼻; 去商場時指住衣服講買衫衫,買鞋鞋。 亦要多問小朋友問題, 例如南瓜好唔好食,食飽飽未, 俾佢有多D 參與日常生活對話嘅機會。媽媽平時講野時口型要誇張D,播唔同嘅兒歌去俾佢學發音。多D 帶小朋友去同講野叻嘅小朋友一齊玩,例如大少少嘅表哥表姊, 對佢講野都有幫助架!
小朋友太過依賴奶嘴容易造成齒顎咬合不正，有機會影響發音，小朋友要係3 歲前戒奶咀。媽媽係BB 瞓前講故事俾佢聽， 同佢玩遊戲，可以轉移小朋友依賴注意力，減少啜奶嘴架!
|
|
 |
|
|
|
