Baby Kingdom - 親子王國 香港 討論區

標題: 是否有錢才好生兩個B ? [打印本頁]

作者: babaxmama    時間: 13-2-11 23:56     標題: 是否有錢才好生兩個B ?

本帖最後由 babaxmama 於 13-2-19 07:33 編輯

心思思想生多一個,不過阿媽唔贊成,話有餘錢才好生多一個。佢見我家姐同我貴養個女, 好似培養得唔錯. 我同c6都喜歡小朋友, 宜家貴養緊一個, 兩個b可能要平養. 兩個B 的經濟負擔重嗎?各位JM 認為家庭收入多少才可考慮生兩個B?


作者: twinsjenny    時間: 13-2-12 00:01

除左錢仲要有精神,時間,心機去教
我自問暫時都未有呢D野去支持
一個BB已經夠哂累 睇你咩心態
你要諗埋2個BB邊個湊~ 開支當然大
作者: wongjoetabo    時間: 13-2-12 01:54

回覆 babaxmama 的帖子

OF COURSE

作者: momoakira    時間: 13-2-12 13:04     標題: 回覆:是否有錢才好生兩個B ?

我自己因為兩公婆都要返工,收工8點半返到屋企,食飯食到9點15,跟住幫阿仔睇工功課簽回條都9點30,佢k1功課唔多,玩15分鐘就擦牙10點前佢要訓覺,我計過如果我生多個我真係唔知可以分幾多時間比兩個仔女,每人30分鐘?爸爸一個,媽媽一個?我知好多人都係甘,但係我唔想,每日放工按門鐘,我都聽到阿仔跑住幫我開門,大大聲媽咪返尼啦,佢係屋企摳左一日就係等爸媽收工同佢玩,時間真係好唔夠雖然放假我會盡量補償帶佢去玩,但係都覺得好唔夠除左錢我覺得時間都好緊要,經濟環境唔好,唔敢做ftm~如果得老公一個搵錢會好大壓力,至於搵幾先夠就真係要問下你自己先知,有病睇私家同睇街症又唔同,住公屋同私樓,租定買,有冇負債,供養父母等n個因素,冇以上資料好難同你分析


作者: milky_peko12    時間: 13-2-12 16:55

撇除錢, 宜家乜都要同人爭(生前生床位, 生后幫阿B爭奶粉/學位.....ETC)
第一個都吾夠膽生

作者: wcpcelia    時間: 13-2-12 17:11

都要加埋本身的體力+精力
作者: kanting    時間: 13-2-12 17:50

有個伴,平有平養,贵有贵養。
作者: irisban    時間: 13-2-12 17:57

其實如果你有多個你個大就會同個細玩, 唔會成日要你同佢玩, 同埋成長有個伴好重要, 你諗吓你第日老咗有咩事都係你個仔一個人去面對, 我有好多朋友都係獨生, 佢地都有同一個問題, 佢地都話第日一係唔生, 一係生兩個, 我想你可以將心比己, 如果你由細同大都係一個你依家會係點?
作者: bosch    時間: 13-2-12 18:41

小朋友有多個伴一齊長大點都係好事.  生左至少2個既jm (至少係3年抱2果d) 應該會睇得出2 個小朋友響同齡成長方面既分別.

如果講錢, 唔止睇收入, 仲要睇家庭開支.  如果生多個, 你地成家既生活質素既改變係可接受既話, 咁咪考慮一下.
  
仲有教養方面, 你都睇自己仲有冇時間同精力.   到時係要一齊玩一齊教, 分開教既話只會令父母筋疲力盡, 時間亦都唔夠分.
作者: wmkcnw    時間: 13-2-12 20:50

有個FD, 全家收入4萬幾, 生4個.
作者: louisachau    時間: 13-2-12 22:16     標題: 引用:都要加埋本身的體力+精力

提示: 作者被禁止或刪除 內容自動屏蔽
作者: I9528    時間: 13-2-12 22:20

錢只係其中一個考慮因素, 最重要係你同c6仲有無時間體力應付
作者: charlotte_un    時間: 13-2-13 06:01     標題: 回覆:是否有錢才好生兩個B ?

錢唔係大問題~最重要係你有無時間同精力一齊去應付到~




作者: christinetin    時間: 13-2-13 07:27

回覆 babaxmama 的帖子

唔止錢既部份,你估生出黎你唔使教唔使照顧架﹖ 你咪玩啦~! :;pppp:

作者: jvcfamily    時間: 13-2-14 11:31

除左$, 重要分配時間, 精神等,見到有朋友生左2個, 3年抱2的, 有開心, 亦有唔開心的時候. 好睇你自己..我自己1個夠了..
作者: 小兔貓    時間: 13-2-14 11:50     標題: 回覆:momoakira 的帖子

經驗分享有些問題真的不可以不考慮到。

說真的有冇時間去照顧?!有冇耐性去教育下一代?!除了錢!問題都唔少?!




作者: 舞娃娃    時間: 13-2-14 12:28     標題: 回覆:是否有錢才好生兩個B ?

唔洗有錢,但總不能太貧乏,始終香港地講的是「生活」而不單是「生存」的層面。
我角度係你心思思生,最難克服過果關就已經過了。不過錢對我來說仍然重要,我覺得時間心血總擠得出;但金錢係擠唔出,如果唔夠只能不斷省。

回你的提問,兩個小童,一般洗費,一般開支,踏實生活,連住屋,個人意見家庭四萬會舒服些。當然如果無,仍然可以過得好好,不乎追求點樣生活質素。

最後你媽意見雖然要考慮,但你先生的睇法才是關鍵,加油。


作者: kmskyu    時間: 13-2-14 12:49

我嚟都諗住生多個, 但又無考慮錢既問題喎...
多有多洗少有少洗.
我考慮既係, 生多個個大既無咁野螿. 又會學習照顧別人.
作者: hc1018    時間: 13-2-14 13:20     標題: 回覆:是否有錢才好生兩個B ?

有好有唔好嘅,有錢又未必會一定出個好小朋友,窮亦未必會一定出個無成就小朋友,在乎嘅小朋友本身性格,我有三個,入息唔算多,都好緊,但見大仔會見到妹妹喊會攬佢,妹妹見到有野食拎埋俾哥哥,但百厭起上黎,三個都會一世百厭,激氣,但見到一個小朋友家庭,我又會諗,若我得一個,我會帶到佢旅行見識多啲


作者: bobo1118    時間: 13-2-14 13:43     標題: 回覆:是否有錢才好生兩個B ?

睇下你點arrange 喇,針無兩頭利
樓主兩公婆收入和開支如何?邊個湊bb?


作者: Snoopy211    時間: 13-2-14 14:26

kanting 發表於 13-2-12 17:50
有個伴,平有平養,贵有贵養。
Agree !

作者: 小艾美    時間: 13-2-14 18:11

我覺得錢唔係唯一問題,但錢一定係一個好大既問題.
你諗下,本身你可以比個女/仔一星期上2次補習班,可以比佢著好食好.
如果家庭收入不變,生多個,即係分薄左大仔/女既資源....

我覺得想生2個最少月入5萬先考慮.當然啦....好多人都有話平有平養.不過比我就唔想.
作者: tangtinetine    時間: 13-2-15 12:27

生兩個當然會壓力大D,不過個人覺得都係豐儉由人!
我同老公一早就計劃生小朋友一生就要生兩個,原因係覺得將來我地老左,如果得一個孩子去承受兩老,太難為佢喇!生多個有個伴,一齊分擔下,一齊經歷成長!
作者: tantanmama    時間: 13-2-15 14:54

小艾美 發表於 13-2-14 18:11
我覺得錢唔係唯一問題,但錢一定係一個好大既問題.
你諗下,本身你可以比個女/仔一星期上2次補習班,可以比佢 ...

好同意. 我得一個女, 4歲, 粗略計算每月學費+興趣班要8千幾蚊. 生多個嘅話一定要cut個女洗費, 我兩公婆夾埋月入唔止5萬, 但生多個都覺得會手緊好多, 我真係唔想平養自己嘅仔女.
作者: Jessy    時間: 13-2-16 13:42

咁你生多個, 你的囝囡咪有個伴陪佢玩, 唔駛成日等你收工陪佢玩咁慘羅!!!

一係你可否搵份人工低少少但可以早d返屋企既工?? 我見你話8:30返家我都鄧你辛苦, 我都係在職媽媽, 我放工就去接我個囝再接我個囡放學, 返到家都只是7pm, 都仲有好多時間睇功課同相處, 你依家k1就話少d功課, 遲d k3好多功課咁你點攪??
作者: yukowong819    時間: 13-2-17 14:09     標題: 引用:有個伴,平有平養,贵有贵養。

提示: 作者被禁止或刪除 內容自動屏蔽
作者: Dragonmama2012    時間: 13-2-17 14:50     標題: 回覆:是否有錢才好生兩個B ?

如果唔係無人幫我湊,我都想生兩個,錢我就覺得兩個可以參加啲平啲興趣班,自己再用少啲都俾小朋友過好啲,但我又負擔唔到做ftm,依家個本地ee又表明湊唔到兩個差不多年齡


作者: Taimum    時間: 13-2-17 15:21

安排边個凑係一個問題,唔好生完就靠請工人或交比老人家凑!
作者: paulapang    時間: 13-2-17 15:40

生2個好難做ftm.....收入又會少左。唉
作者: Elainewong36    時間: 13-2-17 17:07

提示: 作者被禁止或刪除 內容自動屏蔽
作者: ying523    時間: 13-2-18 20:18     標題: 回覆:是否有錢才好生兩個B ?

提示: 作者被禁止或刪除 內容自動屏蔽
作者: SimStore    時間: 13-2-18 22:05     標題: 引用:生兩個當然會壓力大D,不過個人覺得都係豐儉

原帖由 tangtinetine 於 13-02-15 發表
生兩個當然會壓力大D,不過個人覺得都係豐儉由人!
我同老公一早就計劃生小朋友一生就要生兩個,原因係覺得將 ...
同意,所以我有兩個,一個小朋友太lonely啦,而且當我倆公婆走左之後,經濟同心靈負擔太重,冇人可以分擔




作者: kk0626    時間: 13-2-18 23:46     標題: 回覆:是否有錢才好生兩個B ?

我冇乜錢,都生左2個。平有平養嘛,冇哂自由同花光所有精力先係致命傷~點都好,我依然冇後悔生細佬出來,佢帶給我無盡嘅歡樂,辛苦都值得


作者: vevenuc    時間: 13-2-19 00:00     標題: 引用:我冇乜錢,都生左2個。平有平養嘛,冇哂自由

原帖由 kk0626 於 13-02-18 發表
我冇乜錢,都生左2個。平有平養嘛,冇哂自由同花光所有精力先係致命傷~點都好,我依然冇後悔生細佬出來,佢帶 ...





作者: wingyan008    時間: 13-2-19 01:20     標題: 引用:Quote:小艾美+發表於+13-2-14+18:11+我覺得

原帖由 tantanmama 於 13-02-15 發表
好同意. 我得一個女, 4歲, 粗略計算每月學費+興趣班要8千幾蚊. 生多個嘅話一定要cut個女洗費, 我兩公婆夾 ...
同意呀!我两公婆亦算高收入,老公做生意,囡一歲,佢食既野盡量買organic,安全至上,未讀書而家食物衫褲playgroup都洗幾千,亦吾想平養,暫時吾諗生多個,除左錢,我曰日已累死啦!如果湊两個命都冇呀


作者: koalababie    時間: 13-2-19 02:31

生唔難,養至最難。睇你自己想俾到下一代d乜咯,如果只係基本野,唔介意住遠d,行多d路少d搭公交車,讀平平d既公立學校,去公立醫院,自己煮飯少d出街食,唔好買咁多貴野,有二手用二手,少d出國旅行,興趣班參加社區中心果d,唔去私人既,買送有特價至買,屋企有人肯幫忙帶唔需要出面請人,無錢都總有辦法生存既。
不過如果你希望保持有quality既生活,錢就真係唔少得。
睇下你地兩口子負擔到幾多至考慮生唔生多個,有預算好d。全家人都要有共識,大家捱窮唔緊要最緊要一家人開開心心無遺憾既話,就ok咯。

作者: shirleyying    時間: 13-2-19 11:10

我同大部份諗既嘢唔同,我喺屋企係大家姐,有細妹同細佬,佢地有咩我要幫,我有咩事佢地係唔會幫,所以我而家唔覺得有個伴有幾咁重要,相反,我身邊好多獨生子女都好地地
作者: shirleyying    時間: 13-2-19 11:12

回覆 Elainewong36 的帖子

同意。我就係咁既媽媽,咩事都要我睇住先放心,所以唔會生第二個,盞累死自己
作者: Happi_Mum    時間: 13-2-19 13:44

我同意以上jm, 除了錢都仰要唸其他問題, 但錢的問題, 係真係要唸,

我生了一個, 而家4.5m, 我知做ftm 和生多個, 係對bb好, (好多書都有講)

但收入少了, 我怕比唔到好生活bb... 好似而家, 已經比以前慳咗, 多洗在bb身上,

出入打的, 請本地工人幫手, 睇私+醫生, 著有機棉, 買日本製的玩具...

樓主已經好好, 你+姐都有個, 可以比你bb有個伴吖, 我呢輩的親戚冇一個b

我每天都在想... 但bb一日一日大...  
作者: paulapang    時間: 13-2-20 00:41

kk0626 發表於 13-2-18 23:46
我冇乜錢,都生左2個。平有平養嘛,冇哂自由同花光所有精力先係致命傷~點都好,我依然冇後悔生細佬出來,佢帶 ...

好SWEET!
作者: queenie1985    時間: 13-2-20 10:54

我有個家姐, 但係感情一般, 平時有咩困難唔會同佢講, 佢亦都唔care, 只會得閒食下飯傾下無聊野, 同普通朋友差唔多.

有野既話, 我諗我會搵frd幫多過搵佢, 所以其實獨生既話有朋友就得, 兄弟姐妹未必可以互相依賴!
作者: yanxmak    時間: 13-2-20 11:42

其實最緊要睇下爸爸媽媽想投資幾多係小朋友身上,物質,名校,私校,直資,興趣班..... 同埋唔好同人比較。 
作者: yanxmak    時間: 13-2-20 11:47

船到橋頭自然直,我都考慮左好耐先生第二個,有兩個,要等佢地讀高中,我地先會有返自由。
但一個,諗到第二時佢自己孤伶伶好寂寞,有起事上黎無人可以商量......

生一個,父母舒服;生多個,孩子心靈充實。

作者: jojoplanet    時間: 13-2-20 13:57

babaxmama 發表於 13-2-11 23:56
心思思想生多一個,不過阿媽唔贊成,話有餘錢才好生多一個。佢見我家姐同我貴養個女, 好似培養得唔錯. 我同 ...

我會選擇平養兩個, 我D朋友只生一個係比到多D資源個小朋友但係佢地好孤獨, 佢地仲係細時成日係你陪住你唔覺但佢年紀越來越無一個弟妹佢地好悶. 到我地年紀大時有乜事佢都要一人承擔, 我覺得佢地會好慘...

有d人話有兄弟姐妹未必一定夾有, 其實佢地感情好唔好父母唔好偏心係好重要, 到佢地大咗呢d係佢地自己既造化, 但我覺得做父母係要比個機會佢地.

作者: slimmum    時間: 13-2-20 17:33

回覆 kanting 的帖子

"平有平養,贵有贵養。"我細過嗰個年代就WORK, 而家時唔同了.
作者: wingyee_ma    時間: 13-2-20 22:46

我覺得時間同精神,照顧先係最大問題mouth:
作者: kivien    時間: 13-2-20 23:33

我覺得照顧係一個問題.
如果你OK可以有人睇到既.生多個啦.

作者: bigbigdog17    時間: 13-2-21 11:53

本帖最後由 bigbigdog17 於 13-2-21 15:47 編輯

deleted









歡迎光臨 Baby Kingdom - 親子王國 香港 討論區 (http://www.baby-kingdom.com/) Powered by Discuz! X1.5