如果諗住去洗牙就仲好啦,順便問埋
我有過兩次經歷,不過同你有少少唔同,我係食/飲凍野先發現,甜野反而無乜特別感覺!
第一次就係某日飲凍野時覺得有隻牙痺,開頭無為意,但一日比一日強烈,直至連飲/食熱野都有呢種感覺,我先意識到有問題去睇牙醫~原來有隻牙蛀左,我咁大個人第一次蛀牙,竟然仲要臨老先黎蛀
,最後當然拿拿林補牙!
由於有第一次經驗,當第二次牙痺時(刷牙漱口先發現),我就去睇牙醫,當時仲心諗:[唔係卦?蛀開有條癮呀?唔好咁對我好喎
?!],雖然同第一次相隔左幾年,但有邊個會想蛀牙
?????最後牙醫同我講無蛀牙(當時勁開心
!),我就問佢咁點解會覺得痺?佢話我有輕微牙周病令到牙肉蝕左少少,引致嗰隻牙變得敏感~聽落好似好彩,但佢同我講係無得醫
~我問佢咁唔通成世都痺
?佢話叫我再擦乾淨d牙,唔好比牙周病發作,等d牙肉回復正常就會無事!如是者,呢年幾我都無再發作喇
!
你睇~同樣係牙痺但會出左兩種答案!所以嘅case我都唔想估,情願建議你去睇牙醫問清楚!如果係蛀牙,及早處理~好過磨下磨下搞到要杜牙齦,到時就真係貼錢買難受(聽JM們講係又貴又痛!)!如果係其他問題,又可以得到牙醫嘅專業協助~
人生不如意事十常八九，最緊要跌低咗識爬番起身！活在當下，珍惜所有。
發表於 
返回列表
