心聲留言

跳至

首頁
1

尾頁
   0


民房

積分: 57


發表於 07-9-6 16:21 |顯示全部帖子


現在的我, 感覺就如這"Thinker"..........


AM7:00 人都未醒就要駕車送老婆去東區醫院覆診, 好多孕婦都會政府私家兩邊睇, 我們亦不例外....... 而今次主要係驗糖尿,因為儘管孕婦本身冇糖尿, 但在懷孕期間都可能產生突發性的"妊脤糖尿症", 患者體重會突然劇增, 周身亦出現水腫,連BB嘅Size都會因應增長得好快, 令順產極度困難, 所以多數要提前開刀, 而媽媽傷口也會較正常人難康復,亦有機會引發更嚴重的"妊脤糖尿毒血症", 總之就難搞啦!所以是次驗証非同小可, 不容忽視!

AM 8:30 登記 .....9:00 抽一筒血 (注意之前12個鐘內不可飲食, 水除外) ..... 9:10 護士請你飲一杯超甜 (老婆形容為飲到想嘔) 嘅糖水.... 9:15-11:15 睇有關"妊脤糖尿症"的影片, 11:15 再抽一筒血, 11:30 同護士講Bye Bye, 走得!

PM 12:00 接返老婆之後去了食晏, 因為之前冇食宵夜+早餐兩餐所以呢餐特別刷得勁!

PM2:30 老婆收到醫院來電:"我哋驗到你嘅血糖高咗少少喎, 想你下星期二再嚟留院10個鐘驗清楚, 好嗎?" 可以唔好嗎?唔驗會有事嗎?點解會有糖尿㗎? 係咪飲得水少呢? 關唔關食咗好多幫BB生多啲頭髮嘅芝麻糊事?咁為BB腦部發育而食嘅合桃糊又關唔關事呢?好似話果啲孕婦奶粉都好甜個喎? 定係食得澱粉質多得滯呀? 點解星期二要驗咁耐㗎?萬一真係驗到有"妊脤糖尿症"點算呀? BB會唔會有事㗎? 媽媽會唔會有事㗎?電話過後這些問題整整在我們倆公婆的腦子裡打滾了6個鐘............至今仍沒找到答案!

現在的我, 感覺就如這"Thinker"..........


他很黑, 就像命運安排一樣。 他很實, 就像我現在的腦一樣。 他在想, 因為問題明顯找不到答案, 亦係和我一樣...... 還有, 他很愁,因為他一點也不像開心, 反而覺得是有點擔心...... 擔心, 因為前面未知之數太多, 而自己知道的卻太少,這種"不安全感"實在折磨得我倆好緊要!尤其是身為人夫兼準爸爸的我, 一方面要假裝鎮定, 想盡辦法安撫此刻極度憂心的老婆,另一方面又要暫時忘卻煩惱, 令腦袋騰回一點空間來專心工作........ 難, 真係好難!

讀書時曾有一位叫"史文鴻"的教授講過:"其實做爸爸不比做媽媽輕鬆, 舒服" "媽媽懷胎10月, 仲要受皮肉之苦才生出BB來, 的確偉大! 但爸爸又何常不偉大呢? 對外又要辛苦揾錢,對內又要細心照料這一大一細, 有起乜事上嚟想幫又幫唔到, 正所謂:有苦自己知! 心痛有時可能比肉痛還要痛! 所以如果有得揀,有些爸爸寧願大肚果個係自己!" 他的說話依家諗返起都覺得一點沒錯!

現在的我, 可能太杞人憂天, 因為過了星期二可能會一天光晒, 但直至那天的來臨, 我個心, 我個腦, 我個樣...... 我的感覺就如這"Thinker"!

原自:http://hk.myblog.yahoo.com/nickeylu3333

首頁
1

尾頁

跳至