少年成長 今日: 0 | 主題: 15847

積分: 518

1^#

發表於 14-7-21 17:23 |只看該作者 |倒序瀏覽 |打印

我有一仔一女，女15，仔12, 兩個都青春期。

我同c6經常喺教女問題上嘈。留意！係教女，唔係教仔，教仔無問題，因為教仔基本上管教方式同嚴謹寬鬆程度一致，所以，如果只有我們夫婦及兒子在家(女兒不在家)，家庭平靜，和諧，沒有太大衝突。C6對我一直很好，為人純品，單純，單獨相處時，也非常享受二人世界，結了婚接近20年，算是甜蜜、溫馨。

但往往一談論在女兒的管教上，就會有激烈兼激動的爭論。今早又嘈了。

在家，我對女兒是嚴母，C6是慈父。C6經常埋怨我教女時令家庭不和諧。C6由細錫到個女濃，佢要乜比乜佢，甚至佢未要求都買比佢。就喺個女未到十二歲嘅聖誕節，未得我同意之下，送一個全新iphone比佢做聖誕禮物。我一直都唔鍾意C6不斷提供物質，C6又話呢樣又制果樣又制，個女第日去做援交賺錢買自己想要嘅嘢仲死，總之，好多好荒寥嘅原因解釋點解要買嘢比個女。我就同C6講，我地應該教佢一個正確價值觀令到佢去做一啲應該做嘅嘢而唔係用物質滿足佢。不過，c6到依家都拿揑唔到價值觀vs物質，也許佢家庭背景問題，屋企唔係有錢，但奶奶好鍾意買嘢有關，基本上愛同送嘢係掛勾嘅。次次佢都為咗供應物質上嘅嘢比個女，同我拗到火紅火綠。依家C6好多時鬧個女(極少，有時我迫佢)都係因為個女用iphone，個女無時無刻都攞住個iPhone，放學一放低書包，攤喺張沙發度睇iphone，晚上12點幾1點都係攞住個iPhone。考試期間亦iphone不離手。見家長攞成績表，＂平時分＂全部唔及格(因為唔交功課)，老師話＂考試分＂都唔差中間位置但未至於好好(的確，個女好聰明)，老師話個女其實好聰明好有leadership，佢喺班中係一姐，同老師、同學講嘢好寸咀，但同學服佢，分析能力同思維也很好，但做人沒有動力無目標，嚟緊兩年要應付公開試，佢唔可以再係咁，佢肯發力一定得，不過要呢個暑假開始發力。話需如此，暑假開始，除了iPhone，還是iPhone。我同C6講如果唔係佢比個iphone個女，結果唔係咁(女一直都係精英班，呢幾年唔係)。C6又辯駁話呢個引誘係現代90％嘅家長面對嘅問題，又話科技進步，佢地都要識。我同C6講1)即使呢個係遲早面對嘅問題，做父母並唔係要自行提前喺無要求之下比呢個引誘佢；2)就算比咗都應該有規範，唔係為所欲為，要比準則同規矩；3)呢啲科技要識唔洗用時間浸，依家D細路你比佢用兩三日，佢用得叻過你，根本唔駛學。用iphone規矩C6現在有比，但唔係當時比，今時今日先收緊先比準則，個女啋佢都儍！

女兒很難教，一言九鼎，我要求她做一些事情，好聲好氣，佢啋我都儍，往往要由好聲好氣變成This is an order， you must do it！咁就十次有五次跟住做。C6基本上對佢無要求(因為要和諧)，如果要求個女做嘢，十次有十次耍返佢轉頭，兼牽住鼻子走，被個女帶到無雷公咁遠，結果通常都唔係喺要求佢嘅事情上。又或者為咗和諧，就妥協一些事情，或用一些東西去交換令個女跟著做)。

今時今日，我個女日日放學唔會做功課，一係㩒iphone一係上網睇youtube。佢細個時哮喘底依家發育期，叫佢唔好飲凍嘢，佢每日放學返屋企都一大杯凍飲，最喜歡食零食、魚蛋、燒賣、撈麵。中午帶飯送去學校，不是原個連飯餸帶返返屋企，就係連飯壼都漏喺學校。經期到，痛到攬住個肚典床典蓆，叫佢以後唔好飲凍嘢食垃圾嘢，煲黑糖羗茶比佢飲，飲完舒緩咗，第二日煲咗一枝送去學校比佢，點知原枝連發臭薑茶一個星期之後先記得攞返屋企，第三日又如常放學一大杯冰凍飲品。我只比有限零用錢，因為我唔想佢濫用兼學校同屋企好近步行返學，另外，佢有幾多洗幾多，都唔知佢D錢喺邊度黎(阿嫲會搵借口比利是)。喺屋企食完零食、飲品盒到處係。除咗條褲條褲可以維持企喺度嘅狀態站喺房度。食完晚飯，要求佢分擔家務幫手執枱，佢問：點解要執？又問：點解細佬唔執(事實係細佬前一晚執完，佢晚晚都無執)。攞咗成績表話同佢傾下老師對佢嘅comments同成績，佢入咗廁所一個鐘，出到嚟11點半入房熄燈瞓覺。爸爸叫佢出廳同佢傾，大吵大鬧話：你唔好咁煩！我要瞓覺！跟著大被蓋過頭。

事源今天女約了同學去書展，我唔想直接有衝突(費事C6又話家庭唔和諧)，我要求c6要女兒交代回家時間。

C6：你今日幾時返屋企？
女：我點解要講幾時返屋企？(說時面目猙獰)
我同C6講：佢出街就要交代返屋企嘅時間！(C6通常都O咀，唔識得答個女，要我話比佢知點答。
C6：你出街就要交代返屋企嘅時間！
女對C6講：我成日講咗啲時間，你又改早啲！我就算講都係講預計嘅時間，講嚟有乜意思，我點解要講？
C6語窒，駁唔上，我介入(我唔想，但只有介入，因為每次都腦充血，見頭暈。但無辦法，一定要講。)
我：你要講一個合理嘅返屋企時間，你講嘅時間唔合理，爸爸當然會counter offer返一個時間比你，問你係尊重你。但唔通你話12點先返，爸爸都話OK呀？！
我唔想我繼續講，我同C6講：佢就算講預計時間都好，1)佢一係喺預計時間返到屋企；2)同佢傾假如預計時間返唔到屋企佢要點做！

嘈完，無幾耐，個女出咗街。C6坐喺沙發，面色賬紅，好似虛脫咁，就同我嘈，又話我無同個女慢慢坐低傾下，又話成日家無寧日！

我同C6嘈，我話要佢話個女，佢就覺得好痛苦好辛苦。我講我話我夠丨痛苦啦！次次都腎上腺上昇。我話個女又話我勞氣，搞到嘈嘈閉。要佢話又話搞到佢好辛苦，佢要家庭和諧。我駁佢家庭和諧人人都想，咁係唔係樣樣good聲吞咗佢唔出聲就可以和諧？有啲嘢你依家唔教唔出聲，係！無錯！依家會和諧，但係係假象，問題未解決，遲早問題都只會加重，到時只會嘔突，唔會更加和諧。佢出街要求佢交代返屋企時間有乜唔啱？可以忍咗佢遲啲先問下一次先講咩？！係唔係我要求佢先問，我晤要求就唔洗問就會家庭和諧？

我同c6講根本呢個係困局，我見到C6鬆我就會緊，我見到佢緊我就會鬆！因為我覺得個女未成年，做父母點都好都要喺可以教嘅時候去教，教得幾多得幾多，我接受唔到兩個都鬆，規範一定要比！我話個女佢又話我唔好好同佢傾，我同c6講一日比個女睇到我同佢方向唔一致，我講乜都無用！

我同C6講我同佢嘅爭拗點解只係喺個女度？點解個仔無？因為佢會教個仔，佢唔會買額外嘢比個仔，我地管教方式一致。(不過，個仔對C6有條刺，佢覺得爸爸偏心！我係覺得係比較出嚟，唔係C6唔錫個仔，不過比個女嘅嘢過份咗，所以個仔咁諗，當個仔儍嘅咩？)

一係佢教個女，但要firm唔好語窒囉，我教佢點同個女講，佢學完同個女講又答唔上咀又惱羞成怒。

我覺得我同個女傾，ok無問題，但C6要同我配合，大家方向一致。我話佢時企喺我果邊。(C6有時會，但到時到候會縮，縮完好多時仲要話返我，基本上C6好錫我，但喺管教個女嘅事情上，經常出賣我。)

我好嬲！佢成日認為我要佢話個女，但其實我唔覺得係話，我想佢同個女講嘢要肯定要firm。我唔知點解要佢同個女講嘢firm佢會覺得咁吃力？我真係想反問返點解教個仔時唔感到吃力？如果用教個仔嘅時候嘅平常心、方向、語調唔係就得咩？

我c6咁，我可以點？

0 0 0

私人傳訊

積分: 518

2^#

發表於 14-7-22 14:48 |只看該作者

今朝，女坐喺飯枱，計時器喺飯枱，我叫佢幫手㩒個計時器，我煲緊涼茶同煲水要計時，個女又問：點解要佢㩒？(㩒一下又幾咁困難，咁都唔幫？咁都要問點解？)又話：你乜都要我自己做返？點解你果啲嘢要我做？我話：我依家要求你做嘅嘢係大家嘅嘢，我煲水煲涼茶係大家飲，大家都有份飲！你自己嘅嘢我當然要求你做返，你自己嘅嘢自己做係訓練你嘅自理能力！至於家務係大家嘅嘢，每個人都要做每個人都要分擔！

個女每次講嘢嚟橫節曲，顛倒是非黑白，一係咬住一點唔放！

頭先一點半食完嘢，我叫仔同女兩個休息到兩點開始做功課。兩點仔已經埋位做功課，個女就又攞住部電話㩒，5分鐘後我又叫過，佢啋我都儍，又話要答嘢(所謂答嘢即傾計)繼續㩒，我問仲要㩒幾耐，佢又話我理得佢咁多，關我乜事！我話比個時間我仲會㩒幾耐，佢就直情唔答我繼續㩒，我話我入廚房出嚟佢要放低部電話，我出嚟仍然㩒緊，我話佢佢又話我好咁快出㠟。我㩒咗個計時器一分鐘，一分鐘之後計時器響，佢繼續㩒，啋我都儍。卒之搏鬥咗十五分鐘先開始做。

私人傳訊

KVV

大宅

積分: 1452

3^#

發表於 14-7-22 14:59 |只看該作者

回覆 el0128 的帖子

我囡11歲, 都係成日拎住部電話, 日日為左部電話家嘈屋閉.

點評

el0128 最慘C6搞隻鑊出㠟要我執手尾，執唔到又話我唔理個女。其實佢依家咁嘅年紀，理咪盞衝突重大？早知今日，何必當初？根本乜都係佢管教個女嘅問題！發表於 14-7-22 16:53

el0128 邊個比佢用？我一直都唔贊成用智能電話，最好拖得就拖，愈細個開始用，但我C6喺管教問題上好短視，只睇到當下個小朋友開心。發表於 14-7-22 16:48

私人傳訊

shpfamily

伯爵府

積分: 16747

4^#

發表於 14-7-22 17:35 |只看該作者

好典型的青春期呀.....
留位學野

個人意見, 15歲女可能要用懷柔政策, 溫柔D, 表現愛多D, 唔好極權統治咁, 可能會受D. 不過你話好聲好氣唔會聽, 真係濕滯... 莫非要寫信?

點解要講幾點返 : 擔心夜返危險, 過左時間未返可能出事要報警
點解要佢GUM計時 : 一家人係咪咁計較呀?

私人傳訊

積分: 60447

5^#

發表於 14-7-23 14:04 |只看該作者

回覆：喺管教問題上成日同c6嘈(好長)

本帖最後由 birdbird 於 14-7-23 18:43 編輯

老實說，若然我仔是如此態度同我講野，我已“星”佢好耐。

現階段，我覺得你老公唔出声當幫忙，教女的責任由你出面。

個女，不用再那麼好照顧，不要再送飯送涼茶到學校。零用錢只給最minimum 的，個女想額外有錢就要做家務，尤其現在是暑假，要比d責任年青人。

身外物，叫你老公唔好多事幹買比個女，要個女提出，比理由及同你地商量何時買，如何買。

個女去街，你問佢幾点返，如佢鬥氣唔答，你就定個回家時間比佢，遲返就沒收电話1天，犯兩次就停去街2星期。先小人後君子。

手機，你試下私下轉個data transfer 慢的plan 比個女，屋企有限度供應wifi, 如只是晚8-10, 阻阻佢用手機上網

私人傳訊

積分: 60447

6^#

發表於 14-7-23 14:09 |只看該作者

回覆：喺管教問題上成日同c6嘈(好長)

你12歲的細仔有沒有智能電話？

私人傳訊

每日媽媽

男爵府

積分: 7346

BK Milk勳章

7^#

發表於 14-7-23 15:58 |只看該作者

引用：今朝，女坐喺飯枱，計時器喺飯枱，我叫佢幫

原帖由 el0128 於 14-07-22 發表
今朝，女坐喺飯枱，計時器喺飯枱，我叫佢幫手㩒個計時器，我煲緊涼茶同煲水要計時，個女又問：點解要佢㩒？ ...

留位學嘢~

你囡會唔會同你傾心事，趁暑假唔駛趕功課/測驗/考試，修補下關係，關係好時容易入手好多。

私人傳訊

積分: 518

8^#

發表於 14-7-23 17:22 |只看該作者

每日媽媽發表於 14-7-23 15:58
留位學嘢~

你囡會唔會同你傾心事，趁暑假唔駛趕功課/測驗/考試，修補下關係，關係好時容易入手好多。

暑假同平時無分別，佢都唔做功課，測驗都唔會溫書！考試前一日揭兩揭，考試成績合格囉！佢有天聰，不過咁嘅學習態度，嚟緊公開試等於行鋼線。

私人傳訊

積分: 518

9^#

發表於 14-7-23 18:05 |只看該作者

birdbird 發表於 14-7-23 14:09
你12歲的細仔有沒有智能電話？

有！不過C6對仔嘅管教正常啲，亦好少提供物質(基本上佢唔理仔，仔大部分嘢由我管教。)比智能電話佢用我set咗好多守則，所以個仔唔過份，而且每樣嘢比佢都好珍惜唔會亂嚟！
女嘅智能電話比佢時C6無同我商量過，好多時提供不必要嘅物質，比嘅時候對佢無要求，無期望。所以我個女係飯來張口，要求提供嘢時好理所當然。因為c6鬆手，我提供嘢時有要求，個女就好寸咀問：點解呀？要咁點解就要咁呀？！完全唔知權利同義務(其實佢知，不過佢打橫嚟，佢知吹佢唔賬！)C6喺呢啲事情上，又咋聽唔到，避開自己一直以嚟闖嘅禍！佢唔繼續就算，不過個循環系統仍然生生不息：c6未得我同意提供物質>>>反曬枱話c6其實累死個女唔係錫個女兒>>>個女唔聽我知笛，只做自己喜歡做嘅嘢，駁咀>>>同C6講叫佢睇結果，佢好怕同個女有衡突，避開當睇唔到>>>唔係經一事長一智，c6仍然未得我同意繼續提供物質。

我發悔氣同C6講，你再我有我講，你有你做，我就當生少個，以後唔教！佢咁做，我點教！

C6可以因為個女考試只㩒電話唔溫書(因為我唔出聲，睇下C6點！)，氣到擲爛咗個女個電話。但C6可以第二日執返個電話义電(你話佢义嚟做乜？)，然後口震震話我知擲壞咗部電話(我都無佢咁好氣)。當晚(仍考緊試)，個女見個電話义緊電又想攞嚟㩒，點知發現個電話壞咗，寫張post it比個order比C6(奴隸獸)：＂我考完試前必須修理好！＂第二日中午(weekday)C6飯都唔食嘢都唔做，嘥幾個鐘去又一城Apple store修理電話。修理完啲data無曬仲要比個女鬧！

錯！唔止比個女鬧，我都鬧佢！我話個女比order你，你做乜一定要滿足佢。個電話壞咗咪由得佢等佢安安樂樂讀書囉！(無電話果兩日，屋企少有嘅太平！)

C6奴隸獸成咁，我可以點？

私人傳訊

積分: 518

10^#

發表於 14-7-23 18:33 |只看該作者

每日媽媽發表於 14-7-23 15:58
留位學嘢~

你囡會唔會同你傾心事，趁暑假唔駛趕功課/測驗/考試，修補下關係，關係好時容易入手好多。

一時時，佢睇心情！有乜要求買嘢之類就搵爸爸，當然，所有嘢無條件嘅！
我成日同C6講，無條件嘅應該係愛，唔係物質，物質嘅嘢係無止境嘅，你提供得幾多？佢第日叫你買層樓比佢，你又死比佢？

講咗十幾年講到囗都臭，仍然將物質同愛掛勾！

佢咁錫個女，但個女可以對佢講一啲好大逆不道嘅說話：

－呢啲嘢點解唔係佢做唔係你做係我做？
－鬧個細佬白痴仔
－人地邊個邊個同學零用錢點解多過我咁多？
－下？考慮買舊書？點解要我買舊書？
－人地阿邊個邊個屋企好大好親㗎喎？
－唔好再送飯比我，難食到死！(仔一樣咁食)
－食物西瓜淨返中間果部分唔甜，遞比個爸爸：你食埋佢！

奴隸獸繼續願意做奴隸獸，一個願打一個願捱，我可以點？

－食西瓜淨返中間果部分唔甜，遞比個爸爸：你食埋佢！

點評

birdbird 先教好你老公, 你才有發表於 14-7-23 18:41

私人傳訊

makmakmimi

大宅

積分: 3649

11^#

發表於 14-7-23 18:38 |只看該作者

回覆：el0128 的帖子

其實你囡囡咁大個好難再用硬工對佢，佢會反感，你亦會難受，我會采用不問不理不給政策，當佢有任何須要會自動要出聲，再作你認為合理嘅要求，例如，佢要出街就必娛零用錢，你可合理地要求幾時要回到家中，遲到就沒有下次。

私人傳訊

積分: 60447

12^#

發表於 14-7-23 18:41 |只看該作者

el0128 發表於 14-7-23 18:33
一時時，佢睇心情！有乜要求買嘢之類就搵爸爸，當然，所有嘢無條件嘅！
我成日同C6講，無條件嘅應該係愛， ...

先教好你老公, 你才有望教好你個女.

私人傳訊

積分: 60447

13^#

發表於 14-7-23 18:50 |只看該作者

樓主,
其實你有時都要企硬, 你女完全知道<有權利有義務>,
但家中沒人強制佢作義務, 佢唔做的, 你忍佢, 幫佢做埋.
你幫佢做的, 佢亦唔感恩, 覺得係老馮.
咁樣的年青人, 心態唔得, 就算唔讀書, 出去社會做事都唔會有咩成果.

所以, 你現在要硬起心腸, 不用對個女太好.
佢話唔好送飯, 就唔洗送飯
(講真, 中學生喇, 你仲送飯?! 一係比佢出街食, 一係比佢自己帶飯!)
零用錢真係唔洗比咁多, 佢要額外野就要先做家務.
比番d責任佢, 有點自律, 好過飯來張口.

你老公方面, 問佢, 如果有咁好似佢個女個性格的人在佢office 返工,
佢會唔會繼續請呢個人?! 如果佢個仔個女朋友係咁, 佢想唔想個仔同個女仔分手?
叫佢自己反思一下, 佢就知佢個女將會係一個不受歡迎的年青人.
佢要立下決心同你一起教好個女.

私人傳訊

積分: 518

14^#

發表於 14-7-23 19:02 |只看該作者

makmakmimi 發表於 14-7-23 18:38
其實你囡囡咁大個好難再用硬工對佢，佢會反感，你亦會難受，我會采用不問不理不給政策，當佢有任何須要會自 ...

我都知！依家我另一半無條件供應嘛，係人都搵佢唔搵我啦！點會捨易行難？

私人傳訊

每日媽媽

男爵府

積分: 7346

BK Milk勳章

15^#

發表於 14-7-23 19:16 |只看該作者

引用：Quote:每日媽媽發表於 14-7-23 15:58 留位

原帖由 el0128 於 14-07-23 發表
暑假同平時無分別，佢都唔做功課，測驗都唔會溫書！考試前一日揭兩揭，考試成績合格囉！佢有天聰，不過咁嘅 ...

有冇同佢傾過將來想做乜嘢? 佢冇目標就唔知讀書為咗乜，要同佢傾下。

另想俾意見，佢唔想食你帶俾佢d飯，其實會唔會係覺得同其他同學好另類，佢d同學冇人帶飯或送飯到學校?

私人傳訊

積分: 518

16^#

發表於 14-7-23 19:25 |只看該作者

birdbird 發表於 14-7-23 18:41
先教好你老公, 你才有望教好你個女.

教咗十幾年喇！佢其他嘢乜都聽我講，除咗縱個女之外。不過，咁多年我有我叫佢唔可以對個女點點點，佢有佢繼續點點點，依家問題累積白熱化。
尤其有時我專登唔理個女，等佢睇下佢一直以黎做嘅嘢嘅禍害，佢為避免衡突一就當睇唔到，一就忍唔住話我好唔教個女。縱佢繼續縱，只係享受個女心情好冧佢時，一有頭暈身㷫唔讀書，就想出我呢隻Queen去話個女，我同佢講大家都係父母你都可以話，因為佢要求我話我又交返個波比佢(我要比佢知佢依家搞到個女變咗點？以後仲提唔提供不必要嘅物質？)，比個女駁咀駁到面紅耳赤走返出黎，又惱羞成怒，話我迫佢話個女搞到家嘈屋閉(都唔知點解佢推我去就唔家嘈屋閉？)

其實，我C6個人好善良，好單純，好純品。不過佢由細到大屋企無乜錢阿媽都買名牌童裝比佢著，呢啲愛同物質掛勾嘅價值觀都好根深蒂固。佢D兄弟姊妹，就算無乜錢都係名牌奴隸。

呢樣植根咗價值觀我呢個下半世接手嘅人好難改佢！

私人傳訊

積分: 518

17^#

發表於 14-7-23 19:29 |只看該作者

本帖最後由 el0128 於 14-7-23 19:41 編輯

每日媽媽發表於 14-7-23 19:16
有冇同佢傾過將來想做乜嘢? 佢冇目標就唔知讀書為咗乜，要同佢傾下。

另想俾意見，佢唔想食你帶俾佢d飯， ...

多謝你嘅意見！佢想唔食我絕對無問題，我已經無帶比佢食。不過，我想講係態度問題，唔係事情嘅解決問題。佢嘅態度反映咗佢無感恩嘅心，亦無禮貌。
P.S.屋企喺學校附近

私人傳訊

積分: 518

18^#

發表於 14-7-23 19:38 |只看該作者

birdbird 發表於 14-7-23 18:50
樓主,
其實你有時都要企硬, 你女完全知道,
但家中沒人強制佢作義務, 佢唔做的, 你忍佢, 幫佢做埋.

你講緊果個係我c6唔係我，我要求佢食完飯執枱，爭拗咗十分鐘企硬要佢執，佢卒之死死氣發脾四拋張枱布，張膠枱布就喺垃圾桶，不過成地骨！

私人傳訊

每日媽媽

男爵府

積分: 7346

BK Milk勳章

19^#

發表於 14-7-23 20:00 |只看該作者

引用：Quote:每日媽媽發表於 14-7-23 15:58 留位

原帖由 el0128 於 14-07-23 發表
一時時，佢睇心情！有乜要求買嘢之類就搵爸爸，當然，所有嘢無條件嘅！
我成日同C6講，無條件嘅應該係愛， ...

試下問番佢點解咁做，點解咁問同咁講，俾佢試下反思個問題~

－呢啲嘢點解唔係佢做唔係你做係我做？
* 因為我哋係一家人，會互相幫助，你作為我個囡，亦應盡孝道，見到媽媽需要幫手，唔需要叫才幫手的。

－鬧個細佬白痴仔
* 點解要咁樣話細佬?如果細佬咁話番你，你會點?

－人地邊個邊個同學零用錢點解多過我咁多？
* 點解需要咁多錢?(這個要知原因才能再解釋給她)

－下？考慮買舊書？點解要我買舊書？
* 點解一定要用新書? (同佢講要識節約，可考慮買舊書慳回來的錢可給一半她作零用)

－人地阿邊個邊個屋企好大好親㗎喎？
* 所以就係要你讀好書，將來才有咁大咁靚嘅屋住。

－唔好再送飯比我，難食到死！(仔一樣咁食)
* (另有回覆給了你，請參考)

－食物西瓜淨返中間果部分唔甜，遞比個爸爸：你食埋佢！
* 這時候爸爸一定要出聲: 食剩俾人食係好冇禮貌，唔喜歡食便放低(記得千萬不可跟執佢手尾)，下次都唔好食喇。

奴隸獸繼續願意做奴隸獸，一個願打一個願捱，我可以點？
* 恐嚇你c6，再做奴隸獸，佢第日就唔會專重你。

私人傳訊