本帖最後由 Winterch123 於 15-9-28 18:21 編輯
KateC2012 發表於 15-9-27 18:24
各位,有事請教
家母數日前因癌症離世,終年63 , 此病已折磨了她三年多 , 今日離開,雖然已經得到解脫 ...
念地藏經對亡者同在生一樣有好處,
而且消業障效果奇佳(個人體驗),
至於點解會有時有有緣眾生嚟聽同有咩功效,
前幾頁有位師兄解釋得好好。
但經文有效與否全在念者之心,
你咁問即係驚會招陰,
有心理陰影,
到時實捕風捉影,驚餐飽。
如果咁,我勸你不如念佛同念佛說阿彌陀經,
地藏經最多超度上天,
但念佛/ 阿彌陀經分分鐘可以超度亡魂到西方淨土。
你每次念之前喺心入面同先人解釋西方淨土點解咁殊勝,
鬼有五通實聽到。
阿彌陀經十幾分鐘就念完,
短短地又易明,
你每日用真誠心念幾次,再加幾千聲佛號,
如果攰,可以默念,唔洗一定讀出聲,
之後再迴向。
同時可以幫佢去正信寺廟寫下牌位,
應該最多幾百,
或者捐下錢做善事,
直接將功德迴向俾佢
做咩善事都得,最好就供養三寶。
盡量唔好殺生,至少唔好為佢而殺。
如果你鍾意抄經,又用 Apple 機,
我建議可以用「手抄佛」依個 app,
我以前成日靜靜地坐喺屋企抄,
抄完迴向就得。
月落星沉,回首前塵,如黃粱一夢
誰知曉心事難了? 生死緣劫怎由人?
聚散如浮萍,誰獨遺恨?
葉落無聲,惟願再無聚散,今對佛前求懺悔。