親子王國

標題: 梁蘇記雨傘 [打印本頁]

作者: 高齡產婦    時間: 08-6-23 17:00     標題: 梁蘇記雨傘

大家請不要買梁蘇記雨傘呀!
我老公一心想買把好D嘅雨傘, 大大把, 等我哋兩個都唔會濕身, 所以三百幾蚊都算, 只係一心諗住梁蘇記會係好嘢, 點知...

1) 唔夠5日, 第一把傘就斷咗, 之後去換過一把新嘅...
2) 唔夠兩三個星期, 又再斷咗, 係另一個部份, 今次唔比換, 只係REPAIR, 但真係好冇信心囉!

原來梁蘇記雨傘係咁...:;pppp:
作者: 安於現狀    時間: 08-6-23 17:03

聽人講維修都幾貴
作者: evergreenj    時間: 08-6-23 17:15

仲以為會好耐用,原來都係20蚊貨仔,唔好搞咯!
作者: debbyma    時間: 08-6-23 17:16

我老公個把摭無問題喎
作者: 713050    時間: 08-6-23 17:22     標題: 回覆 #1 高齡產婦 的文章

可唔可以講下點情況會整斷 ?
作者: jk67jk    時間: 08-6-23 17:55

原文章由 安於現狀 於 08-6-23 17:03 發表
聽人講維修都幾貴

視乎維修哪一部份,有d 部份完全免費,終生保用的,例如遮骨。

梁蘇記出名"com"用的,應該係舊款的鋼骨雨傘。 近十幾年興的鋁骨雨傘,真係冇噤com 架! 如果住處近佢舖頭,又或成日會路經的話,佢免費維修,都化算ge。
作者: caryfox    時間: 08-6-23 18:00

梁蘇記仲有門市咩?
作者: 豬仔mami    時間: 08-6-23 18:04

原文章由 高齡產婦 於 08-6-23 17:00 發表
大家請不要買梁蘇記雨傘呀!
我老公一心想買把好D嘅雨傘, 大大把, 等我哋兩個都唔會濕身, 所以三百幾蚊都算, 只係一心諗住梁蘇記會係好嘢, 點知...

1) 唔夠5日, 第一把傘就斷咗, 之後去換過一把 ...



唉,我地都領教過,得個名
作者: wkchoy    時間: 08-6-23 18:35

唔係話人手造又有保養, 應該好耐用咩
我成日唔見遮, 所以唔捨得買咁貴
作者: babywork    時間: 08-6-23 18:39

好似西九龍中心有門市
作者: 1928mickey    時間: 08-6-23 18:42


作者: 曲曲    時間: 08-6-23 18:42

西九龍中心及沙田中心都有舖

乜原來得個名?
不過我只會買數十元的雨傘
作者: 小白427    時間: 08-6-23 18:44

沙田市中心都有門市。
作者: eva1320    時間: 08-6-23 19:13

係呀, 之前果把唔見左, 果日我想去買返把, 有個C9係度發哂火, 話買左幾個月就生锈, 返而用左成10年果把都未生锈, 佢話宜家D料差左好多喎, 見佢咁講, 我都走人LU

原文章由 小白427 於 08-6-23 18:44 發表
沙田市中心都有門市。

作者: 小科豆    時間: 08-6-23 19:20

好似仲貴過買過新的一把
原文章由 安於現狀 於 08-6-23 17:03 發表
聽人講維修都幾貴

作者: 小魚兒正正    時間: 08-6-23 19:59

原文章由 小科豆 於 08-6-23 19:20 發表
好似仲貴過買過新的一把

個人覺得ok喎..我用左成10年
係d骨成日要整姐
因我成日放入袋
我媽話我just到咁
佢把都係一起買都ok喎.....好少反
可能你要買貴少少先會好
我把10年前都要成2佰幾
計番條數ok啦又防uv
作者: Leomummy    時間: 08-6-23 20:26

我今年初係尖沙咀地鐵站入面d舖果度買咗一把縮骨傘,話係日本貨,超輕及防uv,都要$2xx,點知用咗幾個月,就斷咗其中一支骨
我仲諗住去梁蘇記買把貴d既傘,諗住會耐用d,貴d都無所謂喇
咁‥‥而家仲有乜嘢傘係耐用㗎mouth:
作者: sunnybon    時間: 08-6-23 20:28

佢地係講遮骨永久保養, 但係我試過把遮的遮骨變形攞去整, 個姐姐祇係用個鉗鉗幾吓就俾番我, 如果係咁, 我都識整啦 仲要話係3佰幾元一把的防風反骨遮
作者: JennyKwok    時間: 08-6-23 20:32

唔係永久包修既咩, 我早十年前在西九龍中心 (有間分店) 門口寫明永久包修既!!
作者: caryfox    時間: 08-6-23 20:59

我有一把近卅年的梁蘇記縮骨傘,
現在還可以用的,傘骨無生锈,
但係釘的位置有D锈
記得買咗百零幾元,用咗好多年,
只係傘骨是折斷咗一次咁多,

比佢修理過一次,
不過傘面D花就好老土, 紅色底, 小花朵,
當年D亞姐們,用來結婚出門都係果D,
係我當年小學返學用,
中學畢業之後就無再用,
D同學見我傘底個圓環,
寫上梁蘇記雨傘廠出品,
知係貴貨,當年真係幾威,
依家點可以拿出來見人,
實比人笑我係大陸婆,

作者: Abbie_mimi    時間: 08-6-23 21:00

Mine is ok. At least when it's very very windy, my 縮骨遮冇反.
作者: 露比仔    時間: 08-6-23 21:13

我個把無斷到,但黑雨個日用佢公司把傘返公
竟然漏水, 1心諗住買把貴少少又可以有保障....
點知1肚火

把傘都係買咗1年到咋
都唔知拎唔拎去維修


[ 本文章最後由 露比仔 於 08-6-23 21:16 編輯 ]
作者: 凱晴爸爸    時間: 08-6-23 23:09

原文章由 高齡產婦 於 08-6-23 17:00 發表
大家請不要買梁蘇記雨傘呀!
我老公一心想買把好D嘅雨傘, 大大把, 等我哋兩個都唔會濕身, 所以三百幾蚊都算, 只係一心諗住梁蘇記會係好嘢, 點知...

1) 唔夠5日, 第一把傘就斷咗, 之後去換過一把 ...



我都試過買咗唔夠一個禮拜把傘就爛咗, 我仲以為自己用得粗魯咋!
作者: 史力奇    時間: 08-6-24 01:35

算數吧!我買個把直身遮用第一次就漏水,第二次就斷骨整左幾次都無整放埋一邊
作者: 高齡產婦    時間: 08-6-24 10:10

係呀, 係遮骨斷囉, 係唔洗錢, 但好煩下囉, 用兩用又咁...我就係住沙田, 先會去買, 總之好失望!  佢話終生保用, 但我睇佢都好快close啦, d嘢咁差...

係唔同地方都斷, 第一把冇原因, 第二把老公話有dd wind, 一吹就曲咗, 下次再開, 就斷埋!  但我把一百幾十蚊嘅遮仔都用咗好幾年冇事啦...


原文章由 jk67jk 於 08-6-23 17:55 發表

視乎維修哪一部份,有d 部份完全免費,終生保用的,例如遮骨。

梁蘇記出名"com"用的,應該係舊款的鋼骨雨傘。 近十幾年興的鋁骨雨傘,真係冇噤com 架! 如果住處近佢舖頭,又或成日會路經的話,佢免費維修,都化算ge。 ...

作者: 高齡產婦    時間: 08-6-24 10:13

妳講開又講, 係呀, 第一把都有漏水呀, 在線位漏水呀, 真離譜呀 !

原文章由 露比仔 於 08-6-23 21:13 發表
我個把無斷到,但黑雨個日用佢公司把傘返公
竟然漏水, 1心諗住買把貴少少又可以有保障....
點知1肚火

把傘都係買咗1年到咋
都唔知拎唔拎去維修
...

作者: eva1320    時間: 08-6-24 10:35

我唔見左果把都有漏水呀
作者: Homosapien    時間: 08-6-24 10:45

我把梁蘇記傘用左10年都有少少漏水,傘骨維修過幾次。雖然維修唔洗錢,但係次次都要等幾個星期,都幾煩。
唔通買幾把傘 做後備咩mouth:
作者: 高齡產婦    時間: 08-6-25 14:48

係囉, 三百幾蚊一把遮, 仲要預備後備遮, 真吹脹呀!
今日typhoon 3, 老公唔敢再用佢啦, 唔係一開, 佢又斷骨, 就煩死人喇...

原文章由 Homosapien 於 08-6-24 10:45 發表
我把梁蘇記傘用左10年都有少少漏水,傘骨維修過幾次。雖然維修唔洗錢,但係次次都要等幾個星期,都幾煩。
唔通買幾把傘 做後備咩mouth:

作者: 焯媽媽    時間: 08-6-25 23:47

原來而家還有梁蘇記, 我聽了這個名幾十年啦..
作者: yanyanbee    時間: 08-6-25 23:52

提示: 作者被禁止或刪除 內容自動屏蔽
作者: jone    時間: 08-6-26 08:53

而家d風雨咁勁 , 買把平平哋 , 著件雨褸出街仲穩陣lar
作者: fengfeng    時間: 08-6-26 12:42

我當年拍拖時都用 $2xx 買左把梁蘇記送畀男朋友 (而家老公) 但用幾次就壞,要攞返去整,整完隔一排又再壞 ... 攪到我冇晒信心,以後都唔再買啦
作者: dincat    時間: 08-6-26 12:51

以前d鋼骨遮係好come架, 我讀書時有一把2摺縮骨遮, 用到遮布都殘晒把遮仲好好, 鋼骨遮係重d, 真係遇風都無事

而家出d幾摺遮, 係細把, 但無鬼用
作者: happypenguin    時間: 08-6-26 14:38

我阿女把限量版,防風UV超輕超細縮骨傘(夠佢自己遮多啲),由佢2歲起用到家陣就嚟5歲都仲好ok喎!周不時都有d同學仔既家長話想買但買唔到。〔記憶中都好似要成300蚊,相等於4件雨衣〕 
作者: CYK    時間: 08-6-26 16:13

我家中都有幾把,成$300左右,我覺得佢D直傘就會好耐用,摺傘就未必,但感覺上比一般的摺傘好...

我買過一把日本摺傘,在千x百貨買,$70,用左一次,第2次用時,個傘頭就鬆左,開唔到把傘,真係好嬲,之後,就用梁蘇記,起碼"香港製造"...用時都記得自己支持過有香港集體記憶的用品...

都成5年,幾把傘都仲OK...我姊姊十多年前買俾我那把,我都仲用緊...但D花真係"娘"左D...
作者: EVA222    時間: 08-6-26 16:19

原文章由 CYK 於 08-6-26 16:13 發表
我家中都有幾把,成$300左右,我覺得佢D直傘就會好耐用,摺傘就未必,但感覺上比一般的摺傘好...

我買過一把日本摺傘,在千x百貨買,$70,用左一次,第2次用時,個傘頭就鬆左,開唔到把傘,真係好嬲,之後,就用梁蘇記,起碼"香港 ...

應該唔係日本貨,記得係日本行公司,雨傘賣得幾貴下.
作者: primera    時間: 08-7-21 16:50

原文章由 史力奇 於 08-6-24 01:35 發表
算數吧!我買個把直身遮用第一次就漏水,第二次就斷骨整左幾次都無整放埋一邊


yes,請大家真係三思後才買! 本人兩年前向深水埗分店買左一把自動傘(黑色), 跟住一落雨就攞去用, 點知漏水, 跟住攞去整, D sale好不禮貌,(可能太多客唔休做啦), 話同我做放漏, 但要兩星期! 咁我咪放底囉. 取回後等再落雨又攞出街用..點知都係漏水...火都0黎!又落返去整...今次佢話換過把新的比我....咁我咪又等下次落雨再用..點知都係漏.....我又再次攞返去...個sale都認得我...開始超級不好禮貌的對待!!同我講:"冇得再換把新的啦, 因為冇貨, 只有幫你做放漏."我又要雨星期, 我又放底, 之後取回後又係漏水....我真係唔想再攞去整啦!!但買左成幾舊水, 跟住攞返去, 又見到個sale, 佢真係認得我啦....我今次同佢"曹"左一陣, 佢都係話只可以幫我做放漏...(其實我都唔知佢地做乜放漏...做過幾次都係漏!!)唉...我今次話過整埋最後一次...之後再漏的話.我真係拋去垃圾筒算....點知結果都係一樣漏!!咁我真係有D唔死心,我今次去沙田果間分店問一問(其實唔太想見到深水埗果sale啦!)我話可唔可以換布, 佢又係不禮貌地答可以, $90蚊起, 我問佢有冇得睇下版, 佢即攞本相薄比我睇,跟住我再問佢邊隻會冇咁容易漏水,佢即答:"我答唔到你喎,隻隻布的質料都唔同,漏的話咪攞返來整!" 我再問...咁如果整完都係漏呢? 個sale 又答:'咁咪攞返來再整攞!'唉......咁樣我都冇晒計..之後出門口攞個垃圾筒掉左啦! (以上所講的係真人真事) 如想証明我所講的話, 可以直接走去深水埗同sale講黑色自動傘事件,佢地一定知乜事!
作者: vegie    時間: 08-9-7 02:12

我有把縮骨遮用左只有幾個月, 都有漏水問題. 初時以為因為太大雨至會有事, 始終覺得係名牌, 而且賣二百幾元. 不過昨日不算大雨, 都會滴水, 收遮時看到一點點水珠在遮布上(內面).今日專程去深水步分店問. 售貨阿姐打開檢查, 好快就指出幾個位置"磨到好薄", 所以漏水唔出奇, 而磨薄是因為我把遮放在手袋, 沒有用遮套套好. 我聽到就好勞氣, 反問她遮本身有無問題, 她說人人用法唔同, 有人用得粗D, 不過其他客從來無這個問題, 言下之意好明顯. 當時有其他客人, 而我亦好勞氣, 越講越大聲. 然後埋邊counter有個男人說"布唔包嫁, 如果唔係就蝕本. 不過俾你換過另一把啦". 於是最終我換了另一把. 不過我都再同個售貨講, 街邊幾十元的遮, 我一向放手袋都無事, 無理由二百幾嘅就一定要用遮套. 如果係一定要咁, 店方就應該提醒客人.
總之覺得他們態度好有問題, 講真亦幾失望, 到底是香港的老字號.
作者: 棨瑩    時間: 08-9-7 09:24

我屋企都有把梁蘇記縮骨遮,雖然就係貴佐D(二三百蚊),但是幾“come”用,用佐二三年!




歡迎光臨 親子王國 (http://www.baby-kingdom.com/) Powered by Discuz! X1.5