懷孕前後今日: 30|主題: 329687

收藏本版

發帖

返回列表

跳至頁

樓主: mmem

3 456 7...16

積分: 10297

81^#

發表於 15-7-4 16:21 |只看該作者

好好睇, 恭喜晒

私人傳訊

mmem

洋房

積分: 82

82^#

發表於 15-7-4 18:44 |只看該作者

回覆：mmem 的帖子

頭先食飯，奶奶提起產前檢查，所以返到屋企，我就即刻搵我位好朋友 Sandy 請教一下

八十後既 Sandy 係一位全職媽媽，上年年頭開刀生左個仔仔，換句話，即係早我個B一年出世

Sandy得知我有左BB，佢好替我倆公婆高興，仲介紹左佢位醫生比我做檢查，又分享左好多經驗比我聽，聽到佢係開刀生既，佢話: 雖然係捱一刀，但成個過程都好順利，住院四日，出院已經唔洗食止痛藥，傷口係開刀後兩星期就冇感覺，所以下胎會繼續開刀。

本身未懷孕既我，已經一心諗住將來生BB會揀開刀，但又唔清楚開刀傷口既痛楚會唔會好強烈，如今聽到 Sandy 既分享，嘩！四日就連止痛藥都唔洗食，即係痛極有個譜啦！當堂令我對開刀生既決心加強十倍，呀唔係，係一百倍至真。

老實講，其實我本身係幾忍得痛，以往去親美容院，人手針清黑頭油脂粒既時候 (因為返工日日化妝，加上鐘意食動物內臟既關係，所以我比較多油脂粒同暗粒) ，就算係清足大半個鐘，由其係清到鼻翼鼻頭位，簡直痛到我流眼水，但我都可以面不改容，而且我都幾麻煩，凡係見到摸到既粒粒，我都會要求清哂佢，所以連幾位美容師都讚我可以忍咁耐，又唔郁又唔縮。另外激光脫毛，讀書年代用蠟機脫毛個啲痛對我黎講都係濕濕碎，或者大家都會覺得: 車，美容院針清，脫毛個啲有幾痛呀，我都忍到啦！咁容許我長氣啲，再分享多個忍痛例子，哈哈

早兩年，仲係做女個時，有一晚同男朋友 (即依家既老公) 、佢朋友、加朋友女朋友四人約會。食飽飯飲完糖水，男朋友就做司機車朋友們返歸，當時係男朋友同佢朋友坐前面，我地兩個女仔坐後面。咁到左友人住所後，佢地落車，我就自然坐返前面啦，咁我一坐上前坐位時，見大家都仲係臨別歡送，又話再約又講唔該哂又話拜拜咁，基於禮貌上，大家仲講緊野，我坐上車後冇即時關門，諗住大家講埋先關，但朋友見我坐好，拉緊安全帶，就順手幫我關車門，此時此刻

嘭

我眼都大埋，因為朋友係我隻手拉緊安全帶時幫我關車門，所以我食指同中指比度門夾住...個一刻痛到吖...好似火山爆發咁...但好戲在後頭...朋友見度門關唔實，有野un住，佢又好快手拉開再關一次

嘭

講都唔信，我隻手痛到唔識縮，所以再一次被度門夾到...朋友又好奇怪點解度門關黎關去都唔實...呢一刻我終於忍唔住

我: er...其實你夾到我手
朋友: 下，真係架？唔好意思呀，痛唔唔痛？
男朋友: 咁蠢架你，夾到都唔出聲既，拎隻手黎睇下

我忍痛話: 唔痛唔痛，夾到少少姐，冇事 (當時我用另一隻手掩住夾親既手指，因為費事阻大家咁多時間，明明痛到暈低，我都強忍話冇事)

朋友女朋友: 有冇搞錯！你點關門架？夾到人都唔知！

我: 冇事呀，夾到少少姐，夜喇，快D返上去啦

於是，朋友道歉後，拖住女朋友就轉身走左，而我同男朋友都開車離開

第二日，因為兩隻手指腫得太犀利，紅到發紫，我有D擔心，所以先死死氣去睇醫生，醫生見到都話: 嘩，你夾到咁，竟然可以忍左一晚？咁忍得痛既你...

所以一講起忍痛，其實我係OK架！不過講返生仔，我想開刀既原因並唔係因為驚陣痛，即使所謂既十級痛，我都有信心可以承受到，畢竟人生我，我生人，所以我唔擔心。反而，我真正驚既係要剪會陰，雖然個個都話個刻已經痛到唔知剪緊，又話見到BB個下既喜悅已經蓋過連針既痛，但知道下面要被剪開又要連針，呢種心理壓力真係好大......

不過我只係岩岩有左，Sandy話遲啲先決定咩生產方法都未遲，放鬆D啦香港人！最後，佢提醒我聽朝訓醒，記得早啲打去醫生度約檢查，因為好既產科醫生，通常booking都好full，唔係肯比錢就有得你睇，傾完電話，收線，沖涼，訓覺

好喇，就係咁，我懷孕既第一天就咁完結

翌日，訓醒，起身刷牙，又係浪口吐水之際，又作嘔，個胃不停反不停想嘔，但又嘔唔出，真係好辛苦

抖順條氣就打去 Sandy 介紹既 C醫生度預約檢查，原本我想揀星期六做檢查，但要等三個禮拜先位...咁我就轉揀星期一至五任何時段，結果都係要等一星期，即係下星期一先有得睇。因為心急，所以我最後揀左下星期一

搞掂哂就換衫返工喇

•續•