[color=rgba(0, 0, 0, 0.701961)]尋日喺Facebook 見到個朋友讚個賣首飾專頁，入去後見到啲飾物款式都幾特別，今日收工後就打算上去舖頭睇下。今日收工比較晏，見到個專頁寫收9點而時間都差唔多亦見到有個電話號碼，就打個電話問下係咪已經閂門，佢表示可以上去睇亦問我想揾乜野款式，我就同佢講我想搵對耳環，佢就話可以，但上面無eps,3千蚊先可碌卡，如果唔啱唔緊要。我話ok.佢就想做marketing research問我做乜職業？我答佢我做sales 零售。上到去舖內的sales已知我想搵耳環，我話想搵對綠色的，送人生日，佢話拎啲有閃石比我，我話唔要有石，我就話你比5分鐘我揀啦！之後佢就攞啲其他形狀的閃石比我，根本就唔係我想要嘅野我再問你地有冇啲耳環係夾的？佢地話無，要拎返去廠都要幾個月可能趕唔切，我諗既然趕唔切不如揀比自己啦，我見到專頁有貓頭鷹系列都幾得意就想睇下，佢地就話時間咁趕不如你有多啲時間先啦！然後佢地兩個自己對話講工廈過9點怕保安點點，我聽到當然知道佢好想我走啦，所以我就話咁我走先下次多啲時間先上黎。事情本來就完結，但是10分鐘後我收到個電話，就是頭先我打過話可以上去睇嗰個人，通話時間只有6秒，但是佢一開口就話我係某間舖頭派去嘅人(當然佢有講個間舖頭名叫lanes)特登去扮客，我話你搞錯咗，佢就cut咗我缐。我心入面真係非常不忿，就打返電話去，佢就話你仲夠膽打電話黎，又話你同你老闆講山水有相逢，你識咁做我都會咁樣樣做架，電話有哂錄音，話我騷擾佢，我話你報警我都唔怕，之後又再cut我缐。過咗一陣又whatsapp 我，內容（All phone record n cctv record in the shop keep for further investigate）我真係覺得而家啲痴線人越黎越多，咁驚人地扮客或抄你款不如唔好做。仲有你以爲好醒知道有間碟上黎扮客，但是又鬧錯一個真心想光顧你嘅客人，是非不分明明騷擾緊我又what's app 我卻話人地騷擾你，你知道你是打門口做生意嗎？
發表於 
返回列表
