AMANDAPOPO
見係你囡囡用刀傷你, 真係難受,
真係要收好家中的利器, 免生意外.
大家幾咁不喜歡對方都好, 都不能動武, 係底線.
現在佢要求醫, 因為不是反叛, 是生病.
試試以照顧病人的心態去與囡囡相處, 就像她小時候發燒感冒一樣.
不要以為她在反抗你.
相信佢都難受, 陪伴她一定走過這個難關吧.
mei006036
我仔無返學時係13歲, 升上中二那年.
記得果年, 放完聖誕假後就無返了, 連期考都冇考齊..
試下不要話佢了, 因為要聽都一早聽了, 再講, 佢都聽不入耳.
不話佢, 佢反而覺得奇怪, 會反思…
其實佢話想殺你, 又試過燒炭, 可能情緒真係出現問題.
先把打機, 返學等放下.
不針對這些問題, 可修補關係先.
佢喜歡外遊嗎? 試下有冇機會行開下.
打機只係他想逃避現實, 試下同佢商量下不考DSE,
報學手藝的課程, 做學徒等. 現在不考DSE, 不等於一世冇前途.
不要講殺人這些了.留得命仔在, 一切有轉機.
如果覺得辛苦, 就上來呻下啦.
呢度個個都係過來人,
知道有幾心痛, 不能找到真正的解救方法, 至少不用聽那些
冷言冷語, 覺得孩子的不對, 都是阿媽不懂教…
互相鼓勵下, 扶持下.