請問居屋可唔可以轉名架?

SkyTracy

因想攞奶奶既綠表買居屋,唔知買左落黎之後,可唔可轉名,或加名??

王國熱話 怕乳癌可以去那裡檢驗?? 慢性子宮頸發炎 古怪既m 顏色 腰椎間盤突出

2008c9

可以轉名或加名, 不過銀行會重新估值

catjeffcat

原文章由 SkyTracy 於 08-10-15 05:15 PM 發表
因想攞奶奶既綠表買居屋,唔知買左落黎之後,可唔可轉名,或加名??

用 99 個名佢都要攞番間公屋出黎, 仲有規定左業主一定要有 99 個名. 其實想詳細 D 打去房處問比較好.

SkyTracy

多謝晒兩位!!thanks!!

wm720915

可加名不可轉名.

j0

好似要補地價...

tingchichi

可以. 但要有特別原因先可以轉名.

Lovely媽咪

原文章由 catjeffcat 於 08-10-15 17:20 發表

用 99 個名佢都要攞番間公屋出黎, 仲有規定左業主一定要有 99 個名. 其實想詳細 D 打去房處問比較好.

唔一定要有99個名,我前夫都係用綠表抽居屋,到攪手續既時候只係我前夫一個做業主.但我唔知可唔可以你同時做埋業主?
居屋冇得加名,只可送業權,即當你老公將間居屋既半份業權送俾你就得,但要先同房署申請再同銀行講要改業權,因為要要做個另一份按揭合約.

塵大聞

原文章由 wm720915 於 08-10-15 17:41 發表
可加名不可轉名.

好耐之前99有問過律司, 想轉名比c6, 結果都係可加名不可以轉名, 但唔記得左係咩原因喇

catjeffcat

原文章由 Lovely媽咪 於 08-10-15 06:13 PM 發表


唔一定要有99個名,我前夫都係用綠表抽居屋,到攪手續既時候只係我前夫一個做業主.但我唔知可唔可以你同時做埋業主?
居屋冇得加名,只可送業權,即當你老公將間居屋既半份業權送俾你就得,但要先同房署申請再同銀行講要 ...

我呢度講的意思係公居的戶主去申請居屋個戶主係一定要做業主, 咁其他家庭成員都可以自己落唔落名都得, 因為怕老人家攞左個名出黎被 d 衰仔衰女趕走而規定, 咁居屋有戶主個名係業主就唔怕被仔女趕走.

SkyTracy

原文章由 catjeffcat 於 08-10-15 22:51 發表

我呢度講的意思係公居的戶主去申請居屋個戶主係一定要做業主, 咁其他家庭成員都可以自己落唔落名都得, 因為怕老人家攞左個名出黎被 d 衰仔衰女趕走而規定, 咁居屋有戶主個名係業主就唔怕被仔女趕走. ...

好似好複雜咁,其實,我奶奶申請公屋,目的係換綠表俾我地買居屋,因我地無資格申請公屋,所以,張綠表係無我地名.奶奶不嬲同大嫂佢地住開.佢冇話我地買左居屋後,會同我地住.因大嫂間屋,佢有份俾首期.依家,佢話冇錢在首期方面幫我地分擔少少.所以, 申請張綠表俾我地買居屋.我地擔心,如果唔可以轉名,第日有一日,奶奶百年歸老後,間屋個業權,點算??

loloma

原文章由 SkyTracy 於 08-10-16 09:38 發表


好似好複雜咁,其實,我奶奶申請公屋,目的係換綠表俾我地買居屋,因我地無資格申請公屋,所以,張綠表係無我地名.奶奶不嬲同大嫂佢地住開.佢冇話我地買左居屋後,會同我地住.因大嫂間屋,佢有份俾首期.依家,佢話冇錢在首 ...

做張長命契囉..........

即係你99百年歸老時先轉去你c6度

november11

但居屋重有貨咩 ?

cello147

原文章由 november11 於 08-10-16 10:00 發表
但居屋重有貨咩 ?

2手掛

SkyTracy

係呀,二手自由市場.

諺諺mum

因為間居屋份契冇你地個名, 做唔到長命契, 只可以係律師樓立一張平安紙, 如果第日你99百年歸老, 間屋係由你老公繼承, 免得第日兄嫂們去爭.

我亞媽個間居屋都係咁.

諺諺mum

如果二手自由市場的居屋, 補咗地價就任何人都可以買, 唔使用公屋換

原文章由 SkyTracy 於 08-10-16 10:04 發表
係呀,二手自由市場.

SkyTracy

原文章由 loloma 於 08-10-16 09:45 發表


做張長命契囉..........

即係你99百年歸老時先轉去你c6度

做張長命契係點架?煩唔煩?是否要搵律師?可否轉我既名,我想層樓落我名.安全d,萬一日後C6變心,我都有層樓,唔使咁驚?同埋想問可唔可以一買落黎就轉?THANKS A LOT!!

SkyTracy

原文章由 諺諺mum 於 08-10-16 10:09 發表
如果二手自由市場的居屋, 補咗地價就任何人都可以買, 唔使用公屋換

但用公屋換,唔使補地價,可省一筆.

Doraemon_ng

可以轉名, 除名等. 我06年做過. 手續己辦妥.

轉名 / 除名要有以下原因:
1) 業主有病 / 年紀大
2) 業主離婚
3) 其它 (要房署批准)

我當年是家庭暴力事件, 搞上police, 再搵埋社工, 議員, 銀行及房署. 足足搞左成半年, 先搞掂.