×

用戶登入

找回密碼 | 註冊


王國商店facebook專頁
王國facebook

夫婦情感 今日: 52|主題: 31101

查看: 1416 | 回覆: 17
go 有冇掛住以前個男友或者暗戀既人?


大宅

國民生產總值:2729


發表於 04-8-10 11:27 |顯示全部帖子

有冇掛住以前個男友或者暗戀既人?

我依家結左婚年幾, 有時發夢都會夢到我暗戀左好耐既男仔, 可能我同個男仔timing唔


大宅

國民生產總值:2342


發表於 04-8-10 19:48 |顯示全部帖子

Re: 有冇掛住以前個男友或者暗戀既人?

我都會架!我地係同事黎,大家都有男女朋友,所以冇發展,
但公司d人仲以為我地拍緊拖,可想而之我地幾啱key.
最終我都結咗婚(同樣好幸福),大家都有所避忌.依家冇做,
巳經好耐冇見,同你一樣,間唔中發夢見到佢會好開心,有時
gathering見到,都有種講唔出嘅感覺.


男爵府

國民生產總值:9110


發表於 04-8-10 20:55 |顯示全部帖子

Re: 有冇掛住以前個男友或者暗戀既人?

會架
仁德厚澤載福慧輝炫矢志盛風華


複式洋房

國民生產總值:125


發表於 04-8-11 00:19 |顯示全部帖子

Re: 有冇掛住以前個男友或者暗戀既人?

間唔中都有!
有時發


別墅

國民生產總值:966


發表於 04-8-11 00:34 |顯示全部帖子

Re: 有冇掛住以前個男友或者暗戀既人?

有架,感覺好遺憾.
成長的代價,就是家人一個一個地離我而去嗎? 長大,正是越來越多的痛苦與孤寂. 他們的離開叫我心痛... 我永遠記得,他們給我的就是一生中最好的東西。


別墅

國民生產總值:540


發表於 04-8-11 01:02 |顯示全部帖子

Re: 有冇掛住以前個男友或者暗戀既人?

有架,諗起初戀男朋友,會有D遺憾,覺得個陣大家仲細,唔識互相體諒,攪到分手收場,有時諗起覺得如果仲一齊,佢會唔會好似而家個老公咁就我,初戀都是甜蜜的,留作回憶無所謂,最重要而家個老公對自己好,錫自己,仲有......唔好發開口夢叫住第二個人,咁就該胃啦


子爵府

國民生產總值:10714


發表於 04-8-11 01:39 |顯示全部帖子

Re: 有冇掛住以前個男友或者暗戀既人?

有時都有架~不過都冇見好多年lu,有時諗起佢,會想知佢而家生活過得點,結左婚未......同埋會諗下如果當初冇分開,而家我地會點law,學你地咁講,唔係仲愛佢,不過d感覺真係好特別
生左三個寶寶,係我一生中最快樂的事!


複式洋房

國民生產總值:142


發表於 04-8-11 14:59 |顯示全部帖子

Re: 有冇掛住以前個男友或者暗戀既人?

我仲好掛住佢! 分開o左十幾年都係o甘! 無法放開自己. 我與他都分別結婚了, 他早也看開了, 惟獨是自己不能自拔.

我現任老公不賭, 不煙, 不嫖, 主要是不理我. 每日都無溝通, 有任何問題都要自己解決, 好辛苦, 病了他也可不知. 由拍拖到現在我都知這是懲罰.

以前我每晚都會為前男友祈禱, 只要他開心就得o刺, 因為係我無理話分手. 我跟神說我所得的不快, 希望能用同等的份量獻給他的是快樂, 也許我不會介意自己的哀傷, 這也是我應得的.

十幾年之後我依然不快, 但我覺得我受的懲罰已夠了, 我亦相信他活得很好, 很快樂. 只餘下我一顆孤心.


大宅

國民生產總值:2729


發表於 04-8-11 15:52 |顯示全部帖子

Re: 有冇掛住以前個男友或者暗戀既人?

sallysaddy,

你唔好咁唔開心啦, 睇到我都眼濕濕咁...放開d, 心情都靚d

原來都有咁多人掛住以前個男友或者暗戀既人, 咁我都唔會覺得自己唔正常...


子爵府

國民生產總值:11510


發表於 04-8-11 23:36 |顯示全部帖子

Re: 有冇掛住以前個男友或者暗戀既人?

我同你一樣,我都唔知呢啲算唔算係暗戀,少女荳牙夢罷...鐘意埋啲靚仔...:-P 到我識到佢時,我已經係同緊我老公拍拖,佢仲要係我老公啲朋友,無幾耐我就有BB結婚生仔,初時我都會有呢啲感覺,可能咁啱嗰排啲朋友猛同我講話佢對我有feel...女人係鐘意幻想既...^^:........;但依家我就無乜點諗起佢,可能一嚟知同佢啲性格唔夾,二嚟我好鐘意好愛我老公,覺得我老公好好,所以我唔會令自己做同諗埋啲對唔住我老公既事... 不過有時我老公激親我/我覺得老公唔鍚我,我都會任性啲會諗吓佢...不過都只係諗一陣,之後就唔會諗,始終我真心愛既唔係佢嘛!

[quote]
garytai 寫道:
我依家結左婚年幾, 有時發夢都會夢到我暗戀左好耐既男仔, 可能我同個男仔timing唔


子爵府

國民生產總值:11510


發表於 04-8-12 00:35 |顯示全部帖子

Re: 有冇掛住以前個男友或者暗戀既人?

如果發開口夢或者同老公親熱時叫錯第二個男人個名,咁到時真係該胃囉~~~!!!
emilylin 寫道:
......唔好發開口夢叫住第二個人,咁就該胃啦


大宅

國民生產總值:2729


發表於 04-8-13 10:52 |顯示全部帖子

Re: 有冇掛住以前個男友或者暗戀既人?

唔會咁大獲麻!


侯爵府

國民生產總值:20034


發表於 04-8-22 00:56 |顯示全部帖子

Re: 有冇掛住以前個男友或者暗戀既人?

ex-bf 係响我心裡,我地開始拍拖時佢剛剛辦離婚,後尾唔知佢同老婆點解又响番埋一齊;其實分手之後都曾經聯絡過,當時我仲未結婚,但佢老婆知道咗,仲打電話比我.....我地有過一段好轟轟烈烈既愛情(拍拖一年多,日日見足十幾個鐘除咗sleep之外),好深刻,呢世都唔會忘記


別墅

國民生產總值:638


發表於 04-8-22 01:07 |顯示全部帖子

Re: 有冇掛住以前個男友或者暗戀既人?

都有架!可能當時重細,覺得他唔夠細心,所以提出分手,佢又蠢到死,又無追番我,重要比佢亞媽以為我玩他.我聽人講佢傷心到走了去巴西.唔知佢依家點.佢都幾靚仔的,好似金成武. :cry:
[img align=right]http://www.imagestation.com/members/doreme04[/img]


大宅

國民生產總值:1013


發表於 04-8-22 04:53 |顯示全部帖子

Re: 有冇掛住以前個男友或者暗戀既人?

以前2個男朋友都唔好﹐又傷心。
都有試過發夢見到拒地﹐不過係惡夢0黎既
所以無掛著拒地架啵
而家稔返以前只會覺得自己傻
哈哈~




大宅

國民生產總值:2729


發表於 04-8-22 22:20 |顯示全部帖子

Re: 有冇掛住以前個男友或者暗戀既人?

DoReMe媽咪 寫道:
都有架!可能當時重細,覺得他唔夠細心,所以提出分手,佢又蠢到死,又無追番我,重要比佢亞媽以為我玩他.我聽人講佢傷心到走了去巴西.唔知佢依家點.佢都幾靚仔的,好似金成武. :cry:



嘩! 咁靚仔, 我好鍾意金成武嫁


男爵府

國民生產總值:7751

畀面勳章


發表於 04-8-23 07:35 |顯示全部帖子

Re: 有冇掛住以前個男友或者暗戀既人?

掛乜鬼吖 都past tense 咯
而家整係掛住今晚煮乜嘢比老公食呢


大宅

國民生產總值:1032


發表於 04-8-23 13:20 |顯示全部帖子

Re: 有冇掛住以前個男友或者暗戀既人?

我都好掛住以前個男友呀,雖然自己已結左婚四年,仲有個仔,仲有一個年尾出世,以為可以放底而個人,點知知道佢上個月結左婚,我個心就有d不自然,唔開心的感覺
© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎