少年成長

收藏本版
發帖
返回列表
跳至頁

首頁
1

尾頁
   1
tramtram


伯爵府

積分: 18901


發表於 16-7-7 11:36 |顯示全部帖子
本帖最後由 tramtram 於 16-7-7 11:44 編輯

小女中一, 學校分中，英文班. 現時是英文班, 上學期英文成績吾理想, 落車邊緣人, 下學期大家都努力, 我常鼓勵佢，陪伴佢，佢自己都肯補習，考試都主動溫習（我知係可以做得更好）但以佢平時，懶散性格，佢有咁表現我都滿足。出來成績都有進步，特別是英文，大家都鬆一口氣，我心想可以開心放暑假，但琴日班主任，通知總分欠幾分, 要落車，中二要轉去中文班。老師提我地，要加緊留意佢品行，因其他班同學冇咁純品. 其實，我最擔心就係佢又要從新適應一班新同學。有時，好矛盾驚佢冇朋友，但又驚佢識左 d 壞朋友， 青春期朋輩影響會好大. 現在，佢熟同學我都見過好乖，好純品。 另外，就是學業，本來，我覺得跟不上，轉中文班, 上堂可能會易d 明白, 可能是好事. 但呀女，又話到選科中文班會蝕底， 因某些科目會先給英文班同學選先, 我個心又沉下來，其中一科 （商科）就是呀女, 想選科目. 而家，唯有鼓勵佢下年繼續努力，向自己中意科目進發，爭取好 d 成績。我真係覺得香港教育，令學生，父母，老師好大壓力.
私人傳訊

濛查查


伯爵府

積分: 17001


發表於 16-7-7 20:34 |顯示全部帖子
英文科冇曵學生？中文科就壞學生？同一間學校，有分別？我淨係知，精英班學校會谷d，老師咁講，我覺得佢好唔啱囉！未又係同一間學校，唔係應該要互相幫助？我話你知吖！全英中都有曵小朋友！唔好怪我咁講，小朋友英文唔係咁得，先要降grade 上堂唔明白，對佢一d好處都冇，中二加把勁，到時未升番！至於你話識新同學，佢地原本就同一間學校，基本上，之前成日都會見到，祇不過冇傾過計，小朋友好快熟落，啱傾佢地自然會走埋一齊！
學校係社會縮影，中學亦開始大，朋輩之間，佢小朋友自己handle ，做父母多d同佢傾計，有問題，佢自然會同你講
私人傳訊

Hanayori


伯爵府

積分: 18543


發表於 16-7-7 21:38 |顯示全部帖子

回覆樓主:

呢位班主任對中文班有偏見？同一學校咁批評其他學生.....無語。
私人傳訊

tramtram


伯爵府

積分: 18901


發表於 16-7-7 22:00 |顯示全部帖子
本帖最後由 tramtram 於 16-7-7 22:26 編輯

多謝兩位意見.

私人傳訊

qkhui


大宅

積分: 4147

睛靈勳章


發表於 16-7-8 09:53 |顯示全部帖子
好明白樓主心情, 我仔都係讀中中,都係入了英文班. F.1 時真的很大壓力. 因F.1有進出機制. F.2升F.3 就大弓了. 因如果英文成績不達標, 就要退出英文班. 幸好最後都可以留下. 9月就升F.3 了. 其實F.1時, 仔自己都壓力大. 雖然口裡講中英文班都所謂. 但心裡大家都好想可以留下. 所以絕對明白你們的感受.

但我跟其他媽咪一樣, 中文班學生唔一定品格唔好WOR. 我仔回來講, 因F.1時有9個同學都轉佐去中文班, 他們讀得好開心. 成績都有進步. 信心都大了. 噉全級有學生比較NAUGHTY 其實都好正常. 叫囡囡自己分析. 有咩事一定要回家跟你們講就無問題 , 加油 !
私人傳訊

tramtram


伯爵府

積分: 18901


發表於 16-7-8 10:33 |顯示全部帖子
本帖最後由 tramtram 於 16-7-8 12:01 編輯
qkhui 發表於 16-7-8 09:53
好明白樓主心情, 我仔都係讀中中,都係入了英文班. F.1 時真的很大壓力. 因F.1有進出機制. F.2升F.3 就大弓 ...

好多謝妳分享，我女學校係傳統中學，可能就係有中，英班機制，班主任常常將成績掛在咀邊 （理解佢都想學生成績一直 keep 到)，我女小學時是活動教學，所以，我一家都有點不習慣，經過大家意見，我自己都有反思， 吾可以標籤其他班同學，妳們是說得對，我會叫佢自己分析。另外，想請教妳是否中文班會對中4選科有影響，女說某科目會優先比英文班同學選先. 我女講中2成績好，當然要好好，可以家長提出申請轉回英文班，但我諗好似對女學習都有影響，部份科目一年英一年中又轉英，她都好難適應，我會開學後向班主任，打探下，大前提，中好英也好，都要鼓勵她繼續努力學習。
私人傳訊

hahawin


大宅

積分: 2554


發表於 16-7-8 15:28 |顯示全部帖子
tramtram 發表於 16-7-7 11:36
小女中一, 學校分中，英文班. 現時是英文班, 上學期英文成績吾理想, 落車邊緣人, 下學期大家都努力, 我常鼓 ...
我囡囡也是讀中中，他們有３班英文班，１班中文班，但其本上分別不大，書都是一樣，數理都係全英，只係中文班堂上老師會用英書中教，不過我自己覺得學生的品行係沒有分別，唯一唔同我覺得可能係學習氣氛，對於選科應間間學校都有唔同的組合，但ＤＳＥ用中文同英文考無分別，係張成績單唔會寫出來你用（中文／英文），努力一樣可以入Ｕ，所以就算中文班都叫囡囡唔好放棄。
私人傳訊

tramtram


伯爵府

積分: 18901


發表於 16-7-8 17:23 |顯示全部帖子
本帖最後由 tramtram 於 16-7-8 17:24 編輯
hahawin 發表於 16-7-8 15:28
我囡囡也是讀中中，他們有３班英文班，１班中文班，但其本上分別不大，書都是一樣，數理都係全英，只係中文 ...

多謝分享，呀女話中文班，地理，西史， 科學會用中文教，其他科冇變，不過，忽然3科轉了，對她都是一個大考驗。我覺得學習氣氛對她都好緊要，因我女性格好性，同太吾專心，易受外來影響。不過，我都要向正面想，不要過分擔心。佢自己有目標，就要努力爭取。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見