自由講場 今日: 255 | 主題: 1299064

積分: 51912

101^#

發表於 08-11-8 03:10 |只看該作者

原文章由 sandy816 於 08-11-8 01:48 發表
我仔仲話要話返二年級.佢上年個班主任果班呀 .舊年佢個班主任超細心.日日放左學都打兩三個電話搵呀仔.問佢做哂功課未?執好書包未?超好人
今年個班主任.超唔鐘意我仔.我第一次打電話比佢.佢就同我 ...

一遇着D唔接受我地班仔既班主任,我地同個仔都好慘囉!我仔上年個班主任就係呢庭人黎,我知佢係一個經驗老到既老師黎,但就係佢唔識對我地呢班仔同家長囉!好似絕緣體咁,唔同我地溝通不特只仲要係咁反彈我地,我仔上年個班主任真係好似有情緒病,燥狂得好勁,完全覺得佢係專登針對我呢位無用既家長,一開始又係唔肯同我地講多句野,佢好寸咁投訴完我仔唔該我完要我教好個仔後就收線,連傾都唔俾機會我地傾,我個口仲郁緊响樹講緊野,佢已經CUT我線!連校運會嗰日,個個都跟班坐,佢就一立到我响度無走到(嗰日我係專登請假去陪我仔去玩校運會架),佢就一野質番我仔去我心口度,要我自己湊仔囉!我嗰日係忍喊忍得好辛苦!結果連校運會都無參加到,我同個仔就咁傷心地離開學校,我嗰日係咁勁深呼吸唔俾自己响街同响我仔面前喊,一湊左我仔俾我老豆,去咗番工,去到公司樓下我已經忍唔住又係咁食番煙,煙駁煙三四支咁係咁CHUR,只係想將壓抑响心裡面既委屈傷心難過全部經一團團煙咁呼哂出黎...上到公司我老細都忍唔住話:"你好大陣煙味喎!你做咩事呀?"連我老細都睇得出我好唔開心,even我扮無野對住佢笑口勢勢...我老細一咁講,我差D忍唔住喊出黎,但都同我老細呻左陣話咗俾老細知我仔D野...搞到又要老細安慰番我轉頭...好瘀...!!!

我今年年頭抑鬱都係呢個班主任一手造成...你睇番我今年九月開學,我仔今年個班主任好好,好細心,知道今年會做我仔班主任,佢暑假都專登去台灣進修去讀關於如何教自閉症小朋友學習之類既課程...開學第一日已經好主動同我講會同我合作會同我有多D溝通...我已經好開心...佢又對我仔溫柔,好似對BB咁對我仔,我仔依家真係好開心咁番學,唔再係上年咁同我一齊頭頂有舊烏雲咁死氣沉沉咁番學放學...所以班主任咩態度都好重要...

你都係唔好再接觸呢位班主任喇...轉移目標睇下有咩訓導主任嗰D可以代替個班主任同你保持溝通,同埋一定要有學校社工幫你,有個社工做你同學校老師之間既中間人始終最好,少好多誤會同爭拗,至少都有個人(社工)明你同個仔啦,自己又會好過D.唔好灰心,或者下年又會遇到個好班主任呢~~~同埋我諗除咗個班主任外,學校都會有老師仲好鍚好關心你囝囝,正如我囝囝一樣,上年我都係聽D鍚開關心開我仔既老師(佢地無份教我仔架)同我講番我仔學校情形,我至知我仔响學校俾同學蝦得有幾慘咋!同埋上年都係有呢幾個老師鼓勵同支持我同個仔,我地至捱過咗!所以你唔好灰心呀!希望在明天!!!

私人傳訊

積分: 51912

102^#

發表於 08-11-8 03:15 |只看該作者

原文章由 maggieymh 於 08-11-8 02:10 發表
仔仔媽咪:
你呢番話令我好感動呀
......唔好意思我有d離題

始終知道自己唔係咁強,都需要自我輔導等自己可以有個理由令自己再努力D去教好個仔嘛~!唔想再好似以前咁,因為搞唔掂個仔,成日覺得個仔真係好曳好令人討厭,搞到自己憎咗個仔,咁樣查實對件事情無幫助,仲搞到自己同個仔更加唔開心同關係唔好囉!做得佢媽咪,點無用都要幫佢架喇!佢都係睇我做人,我唔掂,佢更加唔掂嘛!在於我仔眼中,我係佢最好朋友(我仔成日同我講既),我係唯一明白佢既人,我係唯一支持住佢既人,我亦係唯一幫到佢既人,或者我响人眼中我呢個人真係可有可無,但至少依家,我係我仔心目中最重要既人黎,竟然有個人仔咁重視我,我應該開心至係!所以都要自己積極樂觀D去面對架喇!你都要加油!亞媽真係唔易做!

私人傳訊

積分: 51912

103^#

發表於 08-11-8 03:30 |只看該作者

原文章由 sandy816 於 08-11-8 01:54 發表
星期二.我仔本手冊寫住"趁老師寫黑板.用紙不停拍大腿.發出聲音.嚴重影響班房秩序"
我睇到後.深呼吸.問佢點解.佢又係果句"我唔知.我控制唔到自己呀"我同佢講.你下次試下做之前諗下媽咪會好傷心.仲會好擔心你.睇下會唔 ...

你囝有無食開ritalin黎控制個情緒同行為?或者有無做感統訓練?兩者是但一樣都一定要做喎!如果唔係,你同個仔只係困獸鬥,好難改變個狀況架!始終你真係要明白個仔真係唔想自己係咁樣,佢真係控制唔到自己架!

你仔嗰D咪輕微囉!我仔嗰D好激架!佢上年試過無啦啦撕爛哂師兄師姐(高年班哥哥姐姐)D功課簿,結果個訓導主任仲要係專門睇特殊嗰PART嗰位走黎打電話好勞氣咁叫我無辦法都要有辦法去搵人提早接走我仔,話學校唔係淨係照顧我仔一個囉!我覺得佢講得好涼簿同好殘忍!結果就係嗰次我放工癲咗去到學校,明明已經見到我仔好傷心咁伏低响枱痛哭,我都可以扯開佢大巴大巴咁星埋去!跟住倒哂佢D書出黎當住佢面同咁多人面前逐本撕爛哂佢!搞到我仔好傷心,番到屋企我又喊住當住我仔面前撕爛哂佢幾十本漫畫珍藏,然後丟出後樓梯,我仔係傷心到喊唔出眼淚得聲同抽搐...我係咁喊住咁問我仔:"媽咪咁鍚你,但點解你要咁對我?""明明媽咪一直好俾心機教你,點解你係都要咁做,搞到媽咪成日俾人話我唔教你?""你要媽咪點樣對你教你?"係咁重複呢幾個問題,我仔都答唔出...佢成日都有同我講,佢有試過控制自己情緒同行為,但忍左一陣都忍唔到,成日D同學又專登講野激佢,佢忍得好辛苦!同埋嗰年佢真係完全唔知自己做乜,唔知點解自己會撕爛人地D書....嗰刻真係KICK到好實,唔知點做...

係去到今年五六月開始俾佢食葯,佢至好咗好多...至少我呢個暑假終於教到佢英文,之前連一隻英文字佢都背唔識又唔明,依家佢連grammer都開始明,以前科科食蛋,依家開學後幾次測驗默書,竟然有合格仲有八十分...呢D係我發夢都唔會夢到!所以我覺得依家當務之急,你先安排咗囝囝去見醫生先,等醫生開葯或者你出去搵感統訓練,等個仔個過度活躍問題控制到,個人定咗自然容易D去學習同做好自己.呢樣真係好重要囉!

如果你未接受到食葯呢個方法,想試下感統訓練既,我可以介紹我朋友俾你,佢收得比出面平,你可以同我朋友傾下,睇下佢有咩方法可以幫到你囝囝,至少都幫輕咗你,等你無咁辛苦,又明白個仔處境.

你有興趣既,你PM我啦.唔好灰心呀!知嘛!至少都有我明你感受.

私人傳訊

積分: 51912

104^#

發表於 08-11-8 03:37 |只看該作者

原文章由 luckycharm 於 08-11-8 01:53 發表

咁係咪應該帶佢去check吓呀?請問邊度有得check呢?真係唔知點教佢.

咦?原來你囝囝未評估架?咁除咗呢樣,你仔仔有咩方面你會覺得佢係專注力不足或者過度活躍問題?

私人傳訊

VKwan

珍珠宮

積分: 38391

105^#

發表於 08-11-9 01:51 |只看該作者

收到啦，我明白啦，雖然我做唔到咩實質既協助，但本主一顆做人母親的心，我一定會(仲要教埋我個仔)比多d寬容同埋體諒來對待別人。

各位媽咪，你地都要堅強，撐住你地仔女呀！

原文章由 ~仔仔媽咪~ 於 08-11-7 23:32 發表

你好叻呀!一個湊住三個,仲要有個ADHD小朋友要照顧...我以前係好想至少生三個小朋友架!但自從我仔歲幾兩歲開始出問題時,我已經唔敢再生,以前有好多老師(我仔幼稚園老師)問我點解唔生多個小朋友呢?我都話我自己依家 ...

私人傳訊

積分: 13433

BK Milk勳章畀面勳章

106^#

發表於 08-11-9 15:29 |只看該作者

好彩既係.我仔學校個校長.佢好明白我地做父母既心情.依幾日.日日放小息.校長都會拖住我仔遊花圃.叫佢拔下草.又同我仔傾心事.我仔同我講.話好多時都同校長傾心事.校長話佢keep到乖仔就比佢"做大事".校長仲帶佢去校長室傾計仔.佢日日都追住我問咩叫做大事?我都唔識答佢呀

我自己諗返轉頭.可能呀仔見家姐有服務生做.細佬就做班長.佢可能有比較.覺得自己無用.所以"玩放棄".

原文章由 ~仔仔媽咪~ 於 08-11-8 03:10 發表

一遇着D唔接受我地班仔既班主任,我地同個仔都好慘囉!我仔上年個班主任就係呢庭人黎,我知佢係一個經驗老到既老師黎,但就係佢唔識對我地呢班仔同家長囉!好似絕緣體咁,唔同我地溝通不特只仲要係咁反彈我地,我仔 ...

私人傳訊

積分: 13433

BK Milk勳章畀面勳章

107^#

發表於 08-11-9 15:35 |只看該作者

我無比藥佢食呀.但就試緊置頂果隻魚油丸比佢食.
我女之前個人一緊張.夜晚就會賴尿.仲會成日"meet"手皮.食左隻魚油丸兩個月.就無再賴尿.訓覺都唔會大叫.
依家試下比呀仔食.睇下會唔會有改善.
真係乜辦法都出齊.少爺唔知幾時先會比係生路我行

原文章由 ~仔仔媽咪~ 於 08-11-8 03:30 發表

你囝有無食開ritalin黎控制個情緒同行為?或者有無做感統訓練?兩者是但一樣都一定要做喎!如果唔係,你同個仔只係困獸鬥,好難改變個狀況架!始終你真係要明白個仔真係唔想自己係咁樣,佢真係控制唔到自己架!

你仔嗰D咪 ...

私人傳訊

積分: 13433

BK Milk勳章畀面勳章

108^#

發表於 08-11-9 15:41 |只看該作者

我一個揍三個.一個無事.第二個就頂上.輪住黎.個心真係好"支力"呀

原文章由 ~仔仔媽咪~ 於 08-11-8 01:37 發表

我仔次次出事,我都係咁問佢,佢都係咁答我...查實我好明佢既難處,但有時佢出事所帶黎既後果,我同個仔都未必承受得到囉...

不過我地呢班仔好需要我地父母撐住,要記住呢個世上 ...

私人傳訊

積分: 51912

109^#

發表於 08-11-9 16:27 |只看該作者

原文章由 VKwan 於 08-11-9 01:51 發表
收到啦，我明白啦，雖然我做唔到咩實質既協助，但本主一顆做人母親的心，我一定會(仲要教埋我個仔)比多d寬容同埋體諒來對待別人。

各位媽咪，你地都要堅強，撐住你地仔女呀！

...

多謝您呀!

私人傳訊

積分: 51912

110^#

發表於 08-11-9 16:49 |只看該作者

原文章由 sandy816 於 08-11-9 15:29 發表
好彩既係.我仔學校個校長.佢好明白我地做父母既心情.依幾日.日日放小息.校長都會拖住我仔遊花圃.叫佢拔下草.又同我仔傾心事.我仔同我講.話好多時都同校長傾心事.校長話佢keep到乖仔就比佢"做大事".校長仲帶佢去校長 ...

你囝就好啦~~遇到個咁有愛心既校長...我囝就有D唔好彩,上一任校長就好似你囝呢一個校長咁有愛心,成日主動同我囝傾偈同玩,我囝考試唔合格,又會好溫柔微笑住坐低鼓勵&安慰我囝順便安慰埋我...但幸福咗一年,第二年佢退休,依家呢一任既校長真係...........唔係話佢無愛心,佢都極度有心去教班小朋友,只係佢地唔接納我地呢班有問題既小朋友,佢上任頭一年已經有家長(佢囝囝係自閉症小朋友)都苦口苦面咁同我講左,呢個新校長咁既方針同諗法(想將我仔呢間弱雞小學變成英文程度高既名校),我地呢班家長同小朋友實受苦...都話呢個校長係唔會再理我地呢班仔...嗰時我唔認同亦唔明點解佢咁諗,但之後連我仔第二年小一班主任又係咁講到咁灰,跟住我仔遇到既對待,之後校長用咩態度黎叫我早D湊仔個仔叫我唔好唔教仔...........完全好感受到係咩一回事囉.不過上年連我都崩潰埋,個仔今年食住葯咁番學又遇到好既班主任而乖咗定咗開始讀到書後,呢個校長都開始對我既態度無咁差,至少我同佢打招呼,佢唔再係唔睬我當我透明,而係都俾番個禮貌點個頭笑得好親切咁示意同我打番個招呼.已經算係咁...依家之前話個校長唔好既家長,都自我安慰咁同自己同我講番,佢話D校長同老師唔係衰,只係唔識做校長同老師啫,佢地唔識唔好鬧佢地,咪等我地呢班家長教佢地點做校長同老師囉...幾時都要同佢地好好傾偈,唔好同佢地有任何argue,唔好話佢地唔掂,自然佢地會積極D做好自己個位架喇....可能對於大家,呢個家長似係講晦氣說話咁,但對於我地呢班家長黎講,只好用呢堆晦氣說話黎自我安慰自己,唔好成日個心都諗人地對我地有幾衰,幾時都要自己諗人地都係好人黎,係唔識點對我地呢班家長同小朋友啫...我諗咁樣諗得無咁負面,大家個心都會舒服D.

我仔依家就鐘意同學校個教學助理同自己班主任傾心事同玩囉!又成日小息一手捉住班主任走去同班主任睇學校花園度D昆虫(小強,蜘蛛,,,

mouth: ),個班主任又難得咁有耐心陪我仔日日睇埋呢D咁既核突昆虫,又好細心咁講解D昆虫又同我仔傾哂偈...至少連我仔覺得英文老師好惡(依家唔惡喇,對我仔好好)呢樣野都只係班主任知,我仔無同我講架.你話一個老師有愛心起上黎,個小朋友真係隨時可以FD過對住亞媽.所以我覺得我仔依家咁好,最大功勞都係呢班好老師咁有愛心去關心愛鍚同體諒我仔同我呢個無用家長.

原來你囝囝排响中間,實會有比較架...我都係兄弟姐妹中排中間嗰位,我大佬同細佬兩個都讀書好出色,我大佬又叻賺錢,個個都當佢係偶像咁欣賞佢,我細佬係好smart嗰隻,好似係得我呢個妹同家姐仔咁梅咁無用咁,都會有比較同埋一直都好想自己做好D,有一番事業...不過我太早結婚生仔,個仔又有呢個問題,所以我既夢想都無可能實現,依家我又狠心quit咗份工,又是全心全意去親自教個仔,我都唔敢再奢望自己响事業會有咩成就~~~唯有叠埋心水做個好媽媽啦.

私人傳訊

積分: 51912

111^#

發表於 08-11-9 16:51 |只看該作者

原文章由 sandy816 於 08-11-9 15:35 發表
我無比藥佢食呀.但就試緊置頂果隻魚油丸比佢食.
我女之前個人一緊張.夜晚就會賴尿.仲會成日"meet"手皮.食左隻魚油丸兩個月.就無再賴尿.訓覺都唔會大叫.
依家試下比呀仔食.睇下會唔會有改善.
真係乜辦法都出齊.少爺唔 ...

mouth: 我仔就係對魚呢樣野好敏感,食多春魚食魚油丸都會HIGH爆,以前我有試過買幾樽GNC魚油丸俾佢食,點知食幾次都係咁HIGH既效果,結果都無再俾我仔食,我仔唔受得卦...

mouth:

私人傳訊

積分: 51912

112^#

發表於 08-11-9 16:58 |只看該作者

原文章由 sandy816 於 08-11-9 15:41 發表
我一個揍三個.一個無事.第二個就頂上.輪住黎.個心真係好"支力"呀

都好明你感受,我淨湊一個已經不斷訓低,你湊住三個的確唔係每位媽咪可以做到既事,不過唔好灰心,要記住我地依家既努力,將來一定會有成果架!仔女好快長大,都係差幾年啫,我地俾心機同努力埋呢幾年就可以舒服番哂架喇~~~

私人傳訊

積分: 13433

BK Milk勳章畀面勳章

113^#

發表於 08-11-9 19:03 |只看該作者

我諗我仔想校長係媽咪.多過我係佢媽囉

原文章由 ~仔仔媽咪~ 於 08-11-9 16:49 發表

你囝就好啦~~遇到個咁有愛心既校長...我囝就有D唔好彩,上一任校長就好似你囝呢一個校長咁有愛心,成日主動同我囝傾偈同玩,我囝考試唔合格,又會好溫柔微笑住坐低鼓勵&安慰我囝順便安慰埋我...但幸福咗一年,第二年佢 ...

私人傳訊

積分: 13433

BK Milk勳章畀面勳章

114^#

發表於 08-11-9 19:04 |只看該作者

唉!!就係差幾年就上中學.我驚到時仲唔聽教呀

原文章由 ~仔仔媽咪~ 於 08-11-9 16:58 發表

都好明你感受,我淨湊一個已經不斷訓低,你湊住三個的確唔係每位媽咪可以做到既事,不過唔好灰心,要記住我地依家既努力,將來一定會有成果架!仔女好快長大,都係差幾年啫,我地俾心機同努力埋呢幾年就可以舒服番哂架喇~~ ...

私人傳訊

積分: 51912

115^#

發表於 08-11-9 22:11 |只看該作者

原文章由 sandy816 於 08-11-9 19:03 發表
我諗我仔想校長係媽咪.多過我係佢媽囉

有時小朋友最聽最信任既未必係父母...想當年我仲做小朋友時,都係成個心聽哂信哂學校老師講既道理,反而我父母嗰堆就無乜...所以父母同學校老師既角色都係好重要.

私人傳訊

積分: 51912

116^#

發表於 08-11-9 22:13 |只看該作者

原文章由 sandy816 於 08-11-9 19:04 發表
唉!!就係差幾年就上中學.我驚到時仲唔聽教呀

mouth: 所以趁依家我地仲食得住佢地,我地仲未七老八十就好拿拿聲有咩就好教哂個仔喇...升到中學去到反叛期,我地班ADHD仔真係唔知點教好...我都好鬼驚~~!!!

私人傳訊

凱晴爸爸

別墅

積分: 611

117^#

發表於 08-11-9 22:55 |只看該作者

原文章由 elizerza 於 08-11-8 01:28 發表
1.1 何謂注意力缺失與過動障礙（ADHD）？

所謂的注意力缺失與過動障礙（Attention Deficit / Hyperactivity Disorder，ADHD），在兒童期最常出現。而以注意力無法持續的集中、過度的活動力、及衝動性為特徵。

ADHD又分為：
◎複合 ...

多謝ELIZERZA的資料!

私人傳訊

凱晴爸爸

別墅

積分: 611

118^#

發表於 08-11-9 22:58 |只看該作者

各位媽咪, 多謝你們的回應, 令我對呢個症了解多咗!

私人傳訊

BBIX

男爵府

積分: 5148

119^#

發表於 08-11-9 23:03 |只看該作者

請問3歲半男仔可否依家斷定ADHD/ ADD 架? thks

私人傳訊