D1: 皇崗 > 酒店
早上: 大約10點左右在皇崗關口左手邊17舖, 報到坐shuttle bus去酒店, (因為比預約的時間早咗到, 所以我們要waitinglist坐車, 最後分咗三架車坐, 每架車係相隔20mins), 車程大約半小時, 是小巴, 約22坐位, 有分去東菄及深圳的觀瀾湖酒店小巴。 (大家記得Book酒店時, 一定要提前10日預約坐車, 如即場有機會要付錢, RMB60/位)
到酒店check-in後, 只有兩間房ready, 另外4間未有房, 我們到中餐廳食午餐, 價錢跟香港的酒樓價錢相約 (但是人仔計), 價錢可以接受。食完飯後, 其他4間房, 還未有房鎖匙, 酒店即時提供幾張免費飲品券給我們。
下午2:00-3:00, 我們預約了烹飪課程,做湯圓, 整完會即場煮比我們食, 小朋友都玩得好開心。做完後, 終於拎整房鎖匙, 可以返房休息, 有的游泳, 10月的關係, 水有啲凍, 泳池邊有提供4-5個圓水泡。
酒店自助晚餐6:30開始, 食物種類不算太多, 食一晚就夠。我們覺得早餐自助餐較好食。第二晚, 酒店無自助晚餐提供,但可以去東莞觀瀾湖食自助餐,或留深圳觀瀾湖餐廳用現金券食。
* * * * * * * * * * * * * * * * * * * * * * * * * * * * * * * *
D2: 酒店 > 觀瀾新城(MH Mall)
早餐: 自助餐可以食到10:30, 早餐後, 我們坐Shuttle Bus去觀瀾生態園, package住客, 可以免費入場, 可以用親子券玩入面的活動, 如: 旋轉木馬/遊樂場/跳床/水上艇等....
中午, 我們行去觀瀾新城(MH Mall), 就係對面, Mall入面有好多野食, 價錢比酒店的餐廳平宜。午餐, 我們係3樓食順德菜, 大小20人, 叫咗十幾碟餸, 食到好飽, 都係1千人仔左右。
之後,我們去了3樓溜冰, 親子package包一小時溜冰, 可以租手套/護膝/護手/頭盔等(幾元人仔)。
而打保齡球係B1, 注意: 保齡球有時段限制, 星期日下午2點後, 一條line要補20元, 三張券, 可以有5個人打, 租鞋要RMB5, 我們只要了2條lines, 一條比小朋友玩, 一條比大人玩, 補了RMB40, 另租了9對鞋, 點都平過香港玩。保齡旁邊有啲遊戲機, RMB1 換一個幣, 平均都係1, 2個幣一次, 平。
晚餐: 我們去了3樓的小蝶(新派中菜), 價錢好合理, 又好食, 份量都大份, 我們又係叫了十幾碟,食到飽, 都係千一左右, 好抵。
之後, 在B1 坐shuttle bus回酒店。
* * * * * * * * * * * * * * * * * * * * * * * * * * * * * * * *
D3: 酒店 > 皇崗
早餐後, 原本打算去打高爾夫球, 原來星期一草場要休息, 唔開。我們只好轉去游泳。12點check-out後, 寄存行李係酒店, 我們就去玩波波池/玩沙畫/打乒乓球, 波波池門口, 可以免費打印相片一張。
午餐, 我們用package的現金券, 係酒店中餐廳食野, 我們6間房, 有RMB3000, 叫了十幾碟餸+甜水, 最後埋單都係2千6左右。
午餐後, 大約3點左右, 我們就離開, 由於我們過了預約的shuttle bus時間, 我們又要waitinglist坐車, 最後都要分三架車, 先走得晒。