×

用戶登入

找回密碼 | 註冊


王國facebook
義工

全職媽媽 今日: 28|主題: 16093

查看: 2286 | 回覆: 37
打小朋友?


洋房

國民生產總值:65


發表於 16-10-13 01:16 |顯示全部帖子
話說,我自己真係好少打自己既小朋友,因為佢都算係叫做聽得明我講咩果種!(2歲多大)但係唔知點解就係每朝起身都係一定要喊,無事搵事黎扭果種!
今日未天光就喊,講咩都無用,咁就唔理佢等佢喊(因為驚自己忍唔住會打佢)
喊左個零鐘又訓幾個字,又再起身喊........一直咁樣去到9點幾!
諗住去完廁所,抹好眼淚再訓多陣,點知又喊!
終於忍唔住打左幾巴,見到紅左知道唔可以打面,就打大脾(同一位置)打到自己都手痛
可能小朋友知道我真係好嬲,亦都覺得痛,所以無再扭計!
再訓就12點幾先起身,一起身見塊面有手指印,隻大脾都瘀左就覺得好心痛,好驚!
覺得自己好似做錯事咁,又忍唔住喊!

到左老公差唔多放工,返黎之前都打電話話比佢聽自己打到小朋友瘀左!
但老公話我仲咩打佢面,我話忍唔住!
返黎屋企一句說話都唔同我講,淨係黑起口面,同幫小朋友搽油!
覺得我好似無野做無啦啦打小朋友咁,完全無想了解我做咩打小朋友?
覺得我完全好似罪人!

想大家比意見我,預左會有難聽既說話,因為始終自己都知打面唔好!

P.s自己係全職媽媽,無工人,要買餸煮飯!
每月家用8千包全部,除左水電煤,奶粉!
(自己真心覺得好少,因為只要老公講一句要買咩就幫佢買,但又唔會另外比返錢我)


王國熱話
10月尾又要考試啦~想收集呢兩個月小學常...
整壽司問題
怪味糖邊度買?
聖誕去韓國,邊度有平靚正既雪褸雪褲賣


男爵府

國民生產總值:8366


發表於 16-10-13 10:05 |顯示全部帖子

回覆:打小朋友?

你人工已經多過我。
不過有時炆起上黎係會失控。
你要唸下佢做咩事喊。
打都會,佢癲晒唔聽我講,而我又講左道理叫佢又唔停。
就會打手腳。
不過盡量唔打。


子爵府

國民生產總值:14873


發表於 16-10-13 12:07 |顯示全部帖子

回覆樓主:

佢未識表達做咩扭計喊……打唔係辦法……BB好慘,可能內裡唔舒服緊先扭架咋。


洋房

國民生產總值:65


發表於 16-10-13 13:20 |顯示全部帖子
回覆 shpfamily 的帖子

雖然話佢兩歲零,但佢比一般小朋友識得講好多野,其實佢識表達自己,但大多數起身都會喊!通常打完既幾日朝早就唔會喊囉!


洋房

國民生產總值:65


發表於 16-10-13 13:27 |顯示全部帖子
回覆 pretty_cat 的帖子

雖然你話我家用多過你,但其實睇返每個人搵錢既能力!!我明知我老公搵得多,但係就死都唔肯加比我!
其實每個月8千除左用係屋企上,交埋自己電話費,都無得淨!

而家好想出去做野多過揍小朋友,自己無錢真係好無安全感!
但係又無人可以幫我照顧小朋友,請工人姐姐又好驚!


子爵府

國民生產總值:11493

畀面勳章


發表於 16-10-13 15:53 |顯示全部帖子

回覆:打小朋友?

小朋友訓覺喊有好多原因,例如,佢瀨左尿係條片到,秋天個人會好燥,所以訓得唔到喊,發惡夢喊等等,了解原因最重要,打佢都無用,因為有些原因佢控制唔到。


別墅

國民生產總值:868


發表於 16-10-13 15:56 |顯示全部帖子
Seonh_k 發表於 16-10-13 01:16
話說,我自己真係好少打自己既小朋友,因為佢都算係叫做聽得明我講咩果種!(2歲多大)但係唔知點解就係每朝 ...

盡量唔好打,了解下係唔舒服仲係無理取鬧,打完真係會自責。


洋房

國民生產總值:65


發表於 16-10-13 19:54 |顯示全部帖子
回覆 zone 的帖子

已經介左片,連半夜要起身去廁所都無問題!發惡夢佢會覺驚,會要求我抱,但係多時就係無理咁喊先係最辛苦!
自己一腳踢做哂所有野,連抹眼淚都唔比爸爸抹,指定一定要我做!
生左小朋友咁耐都未試過連續訓到4,5個鐘以上,自己完全唔夠訓真係好辛苦!
最衰係自己小朋友比一般小朋友訓得少,又唔中意訓晏就搞😭
我完全唔知點好!


洋房

國民生產總值:65


發表於 16-10-13 19:55 |顯示全部帖子
回覆 ly083 的帖子

唔打又唔會停,打左又心痛,真係唔知點做好!


翡翠宮

國民生產總值:79124


發表於 16-10-13 21:37 |顯示全部帖子
有冇佢既作息,飲食時間表,同埋飲食份量等資料參考?


翡翠宮

國民生產總值:91924


發表於 16-10-14 13:28 |顯示全部帖子
大人一定要忍讓架,同佢講下道理,唔好打面


洋房

國民生產總值:65


發表於 16-10-14 18:01 |顯示全部帖子
回覆 bosch 的帖子

要呢d資料係.......?只係你想要定有關d咩野?


洋房

國民生產總值:65


發表於 16-10-14 18:03 |顯示全部帖子
回覆 wahiuma 的帖子

其實自己本身都已經忍左好耐,可能呢排煩緊入幼稚園既事就燥左少少!


翡翠宮

國民生產總值:79124


發表於 16-10-14 19:07 |顯示全部帖子
Seonh_k 發表於 16-10-14 18:01
回覆 bosch 的帖子

要呢d資料係.......?只係你想要定有關d咩野?

想睇你你個小朋友飲食同作息上有野拎佢攰或者炆憎.

小朋友食得唔夠 (我指全日吸收到卡路里, 唔係睡前飽唔飽), 同埋作息時間唔適合小朋友的話, 可能會影睡眠質素, 脾氣等. 未必一定係呢個原因, 唯有乜都試~

有時小朋友訓得唔好, 可能係半夜發夢, 睡前玩得刺激等, 又可能根本冇原因, 唯有父母要忍.

小朋友長期訓得唔好, 攪到大人都攰, 咁成家人脾氣都差d.

我都有過情緒失控而打仔既黑暗日子, 平靜番後就反省. 以前對住大仔唔識處理咪炆, 之後二仔三係咁就知原來係個loop 黎, 而家 EQ 都高埋,只係小朋友太無理咁曳至打, 亦唔會失控. 你都唔好咁炆, 慢慢黎, 加油!


洋房

國民生產總值:80


發表於 16-10-14 19:28 |顯示全部帖子
我個仔都兩歲 又係成日發皮氣喊 完全唔聽我話,日日咁對住,我都控制唔到自己,有打過佢塊面,我仔出到街又係成日失控


洋房

國民生產總值:65


發表於 16-10-15 02:23 |顯示全部帖子
回覆 bosch 的帖子

通常都係10點11點起身,不過因為介左片連半夜訓訓下都識醒,跟住叫我起身同佢去廁所,所以好多時6,7點都會醒一醒去廁所返黎再訓!起左身就食奶,跟住我地就會出街食野!出街都係食飯或者麵多!
近期訓練佢多行路小坐車,所以都會踩單車出去,再行一段5至10分鐘既路食野!
食完就會買餸,買完餸就返屋企(同出黎既路程一樣,行5至10分鐘,再由我踩單車一齊返屋企)
返到屋企就食個麵包或餅乾就再訓一,兩個鐘!
起身就沖涼再玩一陣就食飯(8點),食完飯就玩下睇下電視,11點刷牙上床,不過通常都12點到先會訓著!

而家要d小朋友早訓真係好難,因為我老公屋企人住樓下,佢地會同佢玩到11點先比佢返上黎!


洋房

國民生產總值:65


發表於 16-10-15 02:25 |顯示全部帖子
回覆 Yanyanyanip1 的帖子

我仔其實都係訓醒果下會喊,平時出街真係比較乖,通常都係見到爸爸,爺爺麻麻先會扭計,因為佢地好寵佢,我以1對3,4果下真係好痛苦!


大宅

國民生產總值:1672


發表於 16-10-15 09:00 |顯示全部帖子
點都唔好打面,好傷自尊!我最多打手仔同patpat!


翡翠宮

國民生產總值:79124


發表於 16-10-15 09:30 |顯示全部帖子
Seonh_k 發表於 16-10-15 02:23
回覆 bosch 的帖子

通常都係10點11點起身,不過因為介左片連半夜訓訓下都識醒,跟住叫我起身同佢去廁所, ...
我估你知道問題邊度. 你個小朋友實在太夜訓, 佢夜訓連帶你都冇得抖, 咁樣真係好辛苦. 佢係咪日日都要去親戚屋企玩到11點 (即係~12點訓?!)? 你老公唔會到時到侯出聲話要返屋企? 班親戚咁樣真係"玩" 細路, 仲玩埋你兩公婆. 試下搵辦法少d 去親戚度玩... 唔去玩果日俾小朋友早d訓.

小朋友下年返學係咪打算返下晝班? 如果你唔想佢成日去親戚屋企, 安排小朋友返上晝好d, 有藉口早走或者少d 上去, 小朋友早d 訓你地早d輕鬆, 小朋友第二朝起身夠精神會冇咁扭.

你個小朋友朝早會叫醒你同佢去廁所. 你試下佢夜晚去訓前飲少d 水, 或者睡前1個鐘唔好飲水, 睇下可唔可以一次過訓12個鐘. 不過朝早街外開始有雜聲, 小朋友可能會被嘈醒. 如果唔介意衞生問題, 夜晚放個potty 響小朋友房入面或門外, 叫佢自己用果個potty, 我d 仔女房同廁所響唔同樓層, 我怕佢地半夜會碌落樓梯或者玩樓梯, 所以夜晚要閂埋個安全閘, 放個potty 響房度.

朝早唔好俾奶, 要食固體食物, 簡單d 俾麥皮, 或麵包+奶, 咁會有奶又飽肚.

8點食飯, 11點去訓, 仲有冇食野? 如果唔去探親戚, 試下skip 個午睡, 佢要9點去訓.

講到尾, 成個時間表改早會好d... 固體三餐跟正常時間食, 中間夾2餐小食對小朋友腸胃好d.

另一方面, 小朋友到2歲幾係扭d, trouble two 之後仲有個horrible three.


洋房

國民生產總值:65


發表於 16-10-15 12:02 |顯示全部帖子
回覆 bosch 的帖子

好多野我跟本無得控制,我奶奶果d直頭住樓下,佢話要煮飯比我個仔食,佢成日覺得我煮既野唔岩我仔食,我仔細d果陣我叫佢6點煮,慢慢就7點再變8點,跟本唔理我講既野,如果我平時帶左我仔去我自己媽媽到,通常都早食加沖埋涼,10點幾返到屋企就刷牙可以訓!但老公家人就會上黎睇住我仔刷牙,之後好似搶仔咁話帶佢落去一陣!基本上小朋友知道有得玩,就會又唔願訓!我奶奶果d 10點食飯都得嫁!平時如果我仔10點11點訓左,佢地會上黎話咁早訓左啦,我會答佢唔早啦,應該再早d!但佢地跟本唔會理我講野,我老公又唔會出聲,我仔無得早訓,我都無得早,但我老公唔理,佢會自己訓著!唉.......

我試過唔比我仔訓晏搞,,一黎我老公會話我點解唔比佢訓,二黎試過好多次食食下飯訓著左!
其實最大問題都係出係我仔食晚飯錯曬既時間,我諗住等我幫我仔報好曬幼稚園,搞掂哂所有野自己煮返飯佢食,咁就可以早d訓,時間可以正常返!
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎