×

用戶登入

找回密碼 | 註冊


王國facebook
義工

寵物趣談 今日: 14|主題: 13085

查看: 2013 | 回覆: 30
養狗前,請三思,要付出好多。


男爵府

國民生產總值:5835

BK Milk勳章


發表於 16-10-14 13:20 |顯示全部帖子
我好鍾意狗,但成日見facebook有人棄養,令人心痛,所以想寫出自己嘅經歷,等想養狗狗人仕有心理準備。
我自己有兩隻狗狗,養咗10年,其中一隻用咗我起碼10萬醫療費。

我想同d諗住養狗嘅人講,狗仔係好得意,而且好忠心,但你要budget埋佢嘅醫療費同埋要抽時間同佢散步。

講下我隻狗狗, 由佢8個星期大開始養, 兩歲已經兩隻眼出現白內障,做大手術,一隻眼救番,一隻眼救唔番要換人工眼,之後每三個月覆診,每日要用眼藥水(直到死) 去防青光眼,之後又對食物過敏,要食指定狗糧。3歲對打針敏感,全身出瘀血,要每兩日驗血。 5歲突然暈倒,又要急診。 7歲要洗牙,剛剛10歲又要再洗牙。

獸醫貴,你亦要抽時間照顧,去旅行亦要先安置狗狗。

如果你唔諗住出錢醫狗狗,請你唔好養;如果你冇時間同佢散步,請你唔好養;如果18年對你係一個負擔,請你唔好養;如果狗狗老咗,大小便失禁會令你唔開心,請你唔好養;如果你屋企人都唔鍾意狗狗,請你唔好養。

冇錯,養狗狗就係咁麻煩又貴,所以我請大家三思。

有狗狗令我好開心,佢哋伴住我兩個仔仔長大,得多過失,不過,老實講,出錢醫狗真係好肉痛,心又痛,遲d佢哋走又要喊一輪。

but a home without a dog is just a house.

王國熱話
結婚睇清邊個係朋友
懷孕中,唔知邊間食煙吹d二手煙過來,好...
住屋問題
可以比d意見我嗎?我多心定真的?


大宅

國民生產總值:1794


發表於 16-10-14 13:37 |顯示全部帖子


伯爵府

國民生產總值:19270


發表於 16-10-14 14:18 |顯示全部帖子
我宜家養緊一隻狗呀,但遲d要返工,驚佢一個人好寂寞好孤單。想養多隻陪佢,等佢有個伴,但唔知自己頂唔頂得順兩隻狗,亦唔知自己會唔會偏心,因為我好錫宜家隻狗。
好矛盾,唔知有無意見比到我呢?
係post到傾下好啦,不接受加好友同打招呼謝謝!


男爵府

國民生產總值:5835

BK Milk勳章


發表於 16-10-14 16:39 |顯示全部帖子
mwmyway 發表於 16-10-14 14:18
我宜家養緊一隻狗呀,但遲d要返工,驚佢一個人好寂寞好孤單。想養多隻陪佢,等佢有個伴,但唔知自己頂唔頂 ...

偏心就應該唔會,不過有好d嘢要考慮。
舊狗接唔接受新狗,你屋企有冇地方,你有冇時間。

其實多一隻狗冇咩工夫多咗,狗狗自己會搞點。

我會贊成讓兩隻,不過要錢同時間都無問題先好

又放假!!!


大宅

國民生產總值:2314


發表於 16-10-14 18:11 |顯示全部帖子
little_chamo 發表於 16-10-14 13:20
我好鍾意狗,但成日見facebook有人棄養,令人心痛,所以想寫出自己嘅經歷,等想養狗狗人仕有心理準備。
我 ...

我果隻腸胃敏感,嚴重會嘔血,医左8年,所有獸醫都吾知乜原因。朋友見到都吾敢養狗(見我用甘多錢)。唯有慳D,拉上補下。但最難頂D人講我大把錢,他系我家中1份子,有感情,吾通吾救咩!好彩D女已出身,可以揾医葯費。現在每3個月驗血,要食心藏、肝和甲狀葯,祇可以食狗糧,系處方糧(吾平)。每日分四餐,因為食得多會嘔。希望各位養之前,真系要三思!


男爵府

國民生產總值:5835

BK Milk勳章


發表於 16-10-14 18:20 |顯示全部帖子
雲妮鼠鼠 發表於 16-10-14 18:11
我果隻腸胃敏感,嚴重會嘔血,医左8年,所有獸醫都吾知乜原因。朋友見到都吾敢養狗(見我用甘多錢)。唯有慳 ...

無錯,狗狗都係一份子,盡力幫佢。

老實講,呢兩隻狗走咗之後我唔會再養狗。 洗費又多,又困身,佢哋離開又傷心。
又放假!!!


子爵府

國民生產總值:11075


發表於 16-10-14 18:45 |顯示全部帖子
本帖最後由 carlychoy 於 16-10-14 18:46 編輯

其實養狗真係要考慮好多嘢,尤其看見很多人話想養玩具貴婦,茶杯貴婦,大家真係要認真考慮,因為茶杯玩具等說老實是畸形了的貴婦...侏儒(唔知可唔可以咁形容,怕大家可能反感,但這是實話),很好可愛得意,但因為他們的骨骼比較脆弱,身體抵抗較差,所以有很多病會出現,我領養的狗狗養了半年了,他一歲兩個月就行唔到(幸好後來好返),患了類風濕關節炎,醫了3年,藥費3萬多,很多朋友說如我不領養他,很多人會因為狗狗行唔到就棄在街頭,也延誤他可以再行到的機會,所以如果想養狗嘅人真的要問清楚自己會不會真心付出金錢與時間比狗狗。


複式洋房

國民生產總值:292


發表於 16-10-15 14:00 |顯示全部帖子
真係模範主人


男爵府

國民生產總值:8768

wyeth冷知識勳章 環保接龍勳章 陪月勳章


發表於 16-10-17 15:35 |顯示全部帖子
回覆 little_chamo 的帖子

舉手... 舉腳.... 舉xxxxxxx.... 超級認同.

其實唔單止係狗狗, 每一種你自己要養既寵物, 其實就好似一個人仔!
要付出 = 時間 + 金錢 + 心機 + 心思 + 尊重 + 愛護 + 關懷 + ... + ..!

有主人只顧自己搵錢 自己娛樂, 寵物全天侯在家 = 坐監!!!

just share.... thanks a lot.....


複式洋房

國民生產總值:417


發表於 16-10-18 23:06 |顯示全部帖子
mwmyway 發表於 16-10-14 14:18
我宜家養緊一隻狗呀,但遲d要返工,驚佢一個人好寂寞好孤單。想養多隻陪佢,等佢有個伴,但唔知自己頂唔頂 ...
我自己都係KEEP住養2隻 , 之前仔大女細 , 佢地相處到 , 因為哥哥好就細妹 , 但哥哥走左 , 再養隻仔諗住會相處到但而家都大半年 , 家姐都仲係唔鐘意細佬~~我有諗過除左性格外 , 可能年齡都係問題 , 你隻狗狗幾大??


複式洋房

國民生產總值:417


發表於 16-10-18 23:14 |顯示全部帖子
carlychoy 發表於 16-10-14 18:45
其實養狗真係要考慮好多嘢,尤其看見很多人話想養玩具貴婦,茶杯貴婦,大家真係要認真考慮,因為茶杯玩具等 ...
養寵物真係考慮好多野, 之前我個仔 ,日日打皮下 , 佢又好瘦 , 我又唔熟手 , 經常打到佢流晒血 , 明明一日打1次, 因為自己失誤 , 變左一日打佢4,5次 , 心好痛 , 每日放工番屋企都會喊 , 因為又打針 , 但當然呢個係老左可能面對嘅

總之養寵物除左錢 , 心機 , 時間等等仲要勇氣~~


伯爵府

國民生產總值:19270


發表於 16-10-18 23:51 |顯示全部帖子
yanyan0217 發表於 16-10-18 23:06
我自己都係KEEP住養2隻 , 之前仔大女細 , 佢地相處到 , 因為哥哥好就細妹 , 但哥哥走左 , 再養隻仔諗住會相 ...

我隻狗7個月!前幾日問我姑奶借左隻狗黎相處幾日觀察我隻狗反應。佢好想同隻新狗玩,但新狗性格比較斯文,兩歲唔鐘意玩。開頭兩個相處唔到,新狗唔彩我隻狗,我隻狗又要食曬d野唔想留比佢。後尾兩個都好ok,可以癡埋一齊。不過新狗依然唔肯同我隻狗玩。

我仲帶過佢地出街睇自己照顧能力,覺得睇住兩隻狗有d辛苦,可能我隻狗屬於癲型,好多人話未見過跑得甘快ge細狗!其實係咪好多人都會分開帶散步呢?

唔知你可唔可以幫我睇下我適唔適合養兩隻狗呢?
係post到傾下好啦,不接受加好友同打招呼謝謝!


複式洋房

國民生產總值:417


發表於 16-10-19 00:17 |顯示全部帖子
mwmyway 發表於 16-10-18 23:51
我隻狗7個月!前幾日問我姑奶借左隻狗黎相處幾日觀察我隻狗反應。佢好想同隻新狗玩,但新狗性格比較斯文, ...
7個月BB通常比較活躍同唔懂得就力玩 , 我個女會吠一聲細佬 /會追住吠佢 , 我習慣係唔理佢地 , 寵物佢地會自己認清自己地位 , 但當然如果去到傷害就要停止佢~~如果你寶貝7個月又鐘意玩同冇護食等等係可以搵BB同佢相處下
不過如果養2隻BB , 最首先你懂唔懂點教 , 要拎番平衡 , 仲有因為差唔多大 , 老左醫藥支出亦係問題 , 我之前個仔每月醫藥都要8000 , 仲有其他問題 , 所以要諗清楚 , 呢D係我見解


伯爵府

國民生產總值:19270


發表於 16-10-19 00:33 |顯示全部帖子
yanyan0217 發表於 16-10-19 00:17
7個月BB通常比較活躍同唔懂得就力玩 , 我個女會吠一聲細佬 /會追住吠佢 , 我習慣係唔理佢地 , 寵物 ...

多謝你呀,我真係好矛盾
養一隻就輕輕鬆鬆,但我返工ge話,佢自己一個係屋企又好慘,每每想到呢一點我都唔想返全職
係post到傾下好啦,不接受加好友同打招呼謝謝!


複式洋房

國民生產總值:417


發表於 16-10-19 00:36 |顯示全部帖子
mwmyway 發表於 16-10-19 00:33
多謝你呀,我真係好矛盾
養一隻就輕輕鬆鬆,但我返工ge話,佢自己一個係屋企又好慘,每每想到呢一點 ...
如果你怕佢悶可以買D益智玩具俾佢 , 考佢智慧 , 又可以消遣 , 又有得玩


伯爵府

國民生產總值:19270


發表於 16-10-19 01:02 |顯示全部帖子
yanyan0217 發表於 16-10-19 00:36
如果你怕佢悶可以買D益智玩具俾佢 , 考佢智慧 , 又可以消遣 , 又有得玩

佢有成箱玩具,但我睇cam,只要我地唔係屋企,佢就會去門口等我地,咩都唔做,咩都唔玩。我地返黎時,佢先會係你隔離玩,都幾心痛!
係post到傾下好啦,不接受加好友同打招呼謝謝!


複式洋房

國民生產總值:417


發表於 16-10-19 01:22 |顯示全部帖子
mwmyway 發表於 16-10-19 01:02
佢有成箱玩具,但我睇cam,只要我地唔係屋企,佢就會去門口等我地,咩都唔做,咩都唔玩。我地返黎時,佢先 ...
益智玩具係可以放零食入去,靠佢動腦根先拎到,佢都唔玩?咁曳曳豬,你都裝左cam呀!我都有裝,我d朋友講笑,話冇晒私隱,去vv都要望住,好變態


大宅

國民生產總值:3778


發表於 16-10-19 09:29 |顯示全部帖子
mwmyway 發表於 16-10-19 01:02
佢有成箱玩具,但我睇cam,只要我地唔係屋企,佢就會去門口等我地,咩都唔做,咩都唔玩。我地返黎時,佢先 ...

我隻都係,一唔係屋企,開cam睇佢一係瞓咗,一係守住門口,好彩平日我係屋企陪佢時間算多


伯爵府

國民生產總值:19270


發表於 16-10-19 10:41 |顯示全部帖子
Caleung 發表於 16-10-19 09:29
我隻都係,一唔係屋企,開cam睇佢一係瞓咗,一係守住門口,好彩平日我係屋企陪佢時間算多
...

係,我隻狗狗覺得佢好有性,雖然有時我係廚房,佢係廳,但佢知道我係屋企都會自己係廳玩。但如果我出左大門就唔肯玩,有時真係比佢吹漲。
係post到傾下好啦,不接受加好友同打招呼謝謝!


別墅

國民生產總值:580


發表於 16-10-19 11:27 |顯示全部帖子

回覆樓主:

很好的post!


另外
非常支持領養,希望大家比個溫暖的家狗狗。
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎