×

用戶登入

找回密碼 | 註冊


王國facebook
義工

今日: 40|主題: 49002

查看: 1705 | 回覆: 19
調節唔到自已同情緒,有冇人好似我咁!?


複式洋房

國民生產總值:262


發表於 16-10-15 00:16 |顯示全部帖子
其實我係意外懷孕既,之前都有心理準備覺得隨緣有bb冇問題,我會接受。有左之後心理同生理狀況都好唔通,好難調節,仲要本來有抑鬱既我轉藥變得更抑鬱。捱到依家就24週,啲情緒又黎,覺得自己接受唔到有bb 同bb既來臨,咁多個月嘞,都未接受到自己要做媽媽,顧得自己情緒黎又顧唔到其他,返左一排工又復發,醫生又寫假,成日覺得陀住bb好唔方便,好自閉邊度都唔想去,但係屋企又悶又亂諗嘢⋯⋯
我年頭先係離島搬出黎,突然有左,突然結婚,突然隻狗11歲心臟病死左,我真係好難適應咁多突然~
有時想不如搬返入去啦,起碼住慣住熟,但如果奶奶第二時幫手湊就唔可以搬返去,搬返去就請姐姐。
呢排自閉都冇搵人傾,甚至老公都冇,係今日見完醫生先肯同老公講,先搵朋友同係呢度講。有時loop住係個腦度諗,諗到頭爆。
又會諗返之前自由自在啲日子。但我內心之前係想建立一個家架。唔知係米太驚,就諗返去以前。其實我依家打呢篇嘢都打到一舊舊,都唔知自己點先走得出呢個關口⋯?
 


別墅

國民生產總值:550


發表於 16-10-15 08:07 |顯示全部帖子
忍耐多幾個月,生左之後食反藥就冇事,放心啦,享受懷孕過程,加油!


別墅

國民生產總值:835


發表於 16-10-15 08:24 |顯示全部帖子
計劃左bb邊個湊未?見你話如果奶奶湊,咁即係confirm未?


別墅

國民生產總值:984


發表於 16-10-15 08:57 |顯示全部帖子

回覆:調節唔到自已同情緒,有冇人好似我咁!?

好老土咁講,你比bb一個機會
出左世你望住佢就知道你所有都值得了
生命亦有寄託




男爵府

國民生產總值:7990


發表於 16-10-15 11:36 |顯示全部帖子
有左BB係有好多唔方便,無咁自在。但做女人,生BB系一個必經既幸福過程,妳換個角度去睇。等BB出生之後,妳就會體驗到唔一樣既人生,佢一笑一哭都會牽動住妳。而家,幾辛苦都要捱過去。


大宅

國民生產總值:1898


發表於 16-10-15 11:52 |顯示全部帖子
cat777 發表於 16-10-15 00:16
其實我係意外懷孕既,之前都有心理準備覺得隨緣有bb冇問題,我會接受。有左之後心理同生理狀況都好唔通,好 ...

乜你醫生冇開藥俾你食咩? 我全個孕期都係食住藥,現在8個月都冇事,得閒就去聽歌做運動,行街睇戲,用時間去睇下社區中心可以有乜野學?你現在要諗點用你自己有的時間,唔係諗個b, 唔開心就搵運動做,因為做運動會令心情慢慢好,食魚油丸都可以令心情同BB 都好


洋房

國民生產總值:59


發表於 16-10-15 14:17 |顯示全部帖子
cat777 發表於 16-10-15 00:16
其實我係意外懷孕既,之前都有心理準備覺得隨緣有bb冇問題,我會接受。有左之後心理同生理狀況都好唔通,好 ...

你都好叻吖,留意到自己個狀況、識得分享(emoji)
記得多D同老公或者屋企人傾,分享你所有唸法,唔好收埋自己,凡事一定有解決方法,生BB亦係一件好普通嘅事,只要保持樂觀、平常的心,好快就過啦。


洋房

國民生產總值:77


發表於 16-10-15 15:07 |顯示全部帖子
我本身冇抑鬱,但有時同你諗既野都好相似,我依家36週了,有時候都未接受到自己下星期就要做人媽媽了,什至都未覺得自己原來已經結左婚,哈哈!不過當寶寶一日一日甘系自己個肚入面大,知道寶寶其實都同我一樣每日都努力適應,就會覺得吾孤單。加油啊


大宅

國民生產總值:1163


發表於 16-10-15 15:19 |顯示全部帖子

回覆樓主:

唔好成日困係屋企會亂諗野,試下出去行下見下陽光散下步對你同BB都好!加油呀!


子爵府

國民生產總值:11976

動物勳章 ILLUMA Inspired by Nature勳章 畀面勳章


發表於 16-10-15 15:58 |顯示全部帖子

回覆樓主:

其實我以前青春期有過抑鬱症,成年後康復左冇再食藥,呢胎都係有左先結婚,醫院有我以前食抗抑鬱藥既紀錄,所以產檢都要見埋社康姑娘。本來一直冇乜野,但到32wk左右開始愈來愈懷疑自己復發,唉…下次覆診我都係老實話比姑娘知先得。


別墅

國民生產總值:793


發表於 16-10-15 17:15 |顯示全部帖子
我久不久都會有情緒失控,不過事後諗番,其實係好少事啫所以我有時(不是經常)飲朱古力,有助情緒


別墅

國民生產總值:585


發表於 16-10-15 19:59 |顯示全部帖子
你有呢d諗法好正常,我自己都有類似嘅諗法……有bb之前我好獨立,所有嘢都攬上身自己做,有左之後覺得bb影響到我辦事能力,記性又差左,粗重野又做唔到,跑又跑唔郁,宜家到後期因為腳抽筋,行路重拐下拐下,我都有諗過,如果無bb,我會輕鬆好多,但佢每次胎動,我就會諗有個迷你嘅自己係度期待緊出世,bb會同媽媽一樣勇敢同努力咁生存!你千祺唔好氣餒,你係唯一同bb同聲同氣嘅人,係佢嘅依靠,加油啊


別墅

國民生產總值:585


發表於 16-10-15 19:59 |顯示全部帖子
本帖最後由 Ylk_1314 於 16-10-15 20:01 編輯

有需要,要同社工,醫生等等講,唔好收埋


侯爵府

國民生產總值:24019


發表於 16-10-15 22:00 |顯示全部帖子
雖然而家辛苦D
不過等你見到BB出世
佢嘅每一個成長經歷,每種情緒每個進步,你都會感到好幸福~
加油喇~媽咪


複式洋房

國民生產總值:126


發表於 16-10-15 23:31 |顯示全部帖子
我有左之後都覺得有壓力,因為未夠3個月,只有同媽咪分享自己感受,因為唔可以同朋友,同事分享,身體不適只有自己知道,自己情緒都開始變得低落,唔想出街,又諗負面野.....

我明白只有自己才能幫到自己去解決情緒,我不去諗太長久的事,計劃永遠太多變數,我不想給自己太多壓力,到了適當時候,原來方法自然就諗到出來,現在最重要是令自己每天食得到瞓得到,盡量氹自己開心


水晶宮

國民生產總值:61614


發表於 16-10-16 22:42 |顯示全部帖子
有情緒問題,要及時同身邊屋企人傾下,解開心結。加油吖。


複式洋房

國民生產總值:262


發表於 16-10-18 02:23 |顯示全部帖子
Ylk_1314 發表於 16-10-15 19:59
你有呢d諗法好正常,我自己都有類似嘅諗法……有bb之前我好獨立,所有嘢都攬上身自己做,有左之後覺得bb影 ...

我就係你呢類人,喜歡自己親力親為。我好鐘意你個句迷你既自己。好!我會努力


複式洋房

國民生產總值:262


發表於 16-10-18 02:25 |顯示全部帖子
Yuki_8866 發表於 16-10-15 23:31
我有左之後都覺得有壓力,因為未夠3個月,只有同媽咪分享自己感受,因為唔可以同朋友,同事分享,身體不適 ...

又係。我要跳返出黎。現正好好令自己舒服為大前題。


複式洋房

國民生產總值:262


發表於 16-10-18 02:26 |顯示全部帖子
moon7632 發表於 16-10-15 11:52
乜你醫生冇開藥俾你食咩? 我全個孕期都係食住藥,現在8個月都冇事,得閒就去聽歌做運動,行街睇戲,用時 ...

有開藥架,不過不時要調教,因為我情緒周不時唔穩定,今次算last 得最耐一次。


大宅

國民生產總值:1898


發表於 16-10-18 08:29 |顯示全部帖子
cat777 發表於 16-10-18 02:26
有開藥架,不過不時要調教,因為我情緒周不時唔穩定,今次算last 得最耐一次。
...

可以的話,轉個好少少醫生,我都要轉4-5個醫生先覺得岩我,我唔喜歡俾人當白老鼠禁試藥,我都試過好多隻藥!最後俾個資深醫生試左3次藥終於搵到
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎