×

用戶登入

找回密碼 | 註冊


義工

產前產後 今日: 56|主題: 238276

查看: 3055 | 回覆: 27
懷孕後期,疑似抑鬱症復發(文長)


伯爵府

國民生產總值:16076

FRISO飲奶勳章 雞年勳章 動物勳章 ILLUMA Inspired by Nature勳章 畀面勳章 BKXmas勳章 2017媽媽節


發表於 16-10-15 18:51 |顯示全部帖子
我而家35wk3d, 愈來愈覺得情緒失控...

講少少背景,我中學因為濕疹比人欺凌。講既係比人成個粉刷掟落飯盒,扯bra帶都有。中一證實有抑鬱症,係QE覆診同食抗抑鬱藥。會考衰左當日企圖自殺比人拉住,之後再讀書加做野,19歲冇再覆診食藥,而家28歲,係某物流公司既shipping 副主管...

今次係意外懷孕。同男友已經拍拖3年,儲緊錢結婚,兩人亦希望有自己既小朋友,所以改為純簽紙結婚,儲左既錢留返比bb。最初會為左早期孕吐唔開心,但都成功撐過晒,BB一直正常長大。

本身住將軍澳,後來醫院查到我係QE既紀錄,叫我轉聯合做產檢加見社康姑娘。本身我以為冇乜野,抑鬱都已經咁多年前既事,但到32wk左右開始黎料。懷孕後期,身體愈來愈差。抽筋,失眠,胃頂,想嘔,勁氣喘。。個個星期都要SL, 返工又成日都不自覺地喘氣。本來申請產假前3後7,後來公司話我日日咁既狀態返工都唔係辦法,叫我返埋今日好放產假,早啲返工。

我覺得而家都未夠36周就要放假,好冇用,只係識比麻煩人,又好驚坐月抖唔夠....老公為左我同bb去打多份工,11點後先返屋企....最近電話壞左,老公買過部比我..
我開始係屋企會搵野黎做,但呀媽會話我大肚唔好坐矮凳,啲bb衫又係呀媽洗,買野又係呀媽或老公拎...

可能大家覺得我有人錫,但唔知點解我會解讀成自己好冇用,工又返唔到,洗件衫都唔得...又諗起近年同欺凌有關既新聞,仲諗到將來仔仔比人蝦點算,仔仔有濕疹點算....又好驚生仔要痛幾耐,驚自己將來點湊bb...呢啲野我冇同人講,但老公有睇得出我唔開心,叫我乖乖地休息 我表面好支持佢,但心裡面有時好孤獨...又好驚佢冇精神....

我諗下次覆診都係講多啲, 轉介見社工先得...


大宅

國民生產總值:1204

ProAbsorb勳章 BKXmas勳章


發表於 16-10-15 21:38 |顯示全部帖子
放鬆d啦!聽講媽咪情緒會影響bb架!你要保持愉快既心情第時bb先會成日笑哈哈!你要記住冇野係解決唔到既,為咗bb!你要加油啊!(我以前都有濕疹,啊女皮膚冇事。)


大宅

國民生產總值:2474

BKXmas勳章


發表於 16-10-15 21:44 |顯示全部帖子
Purple_0322 發表於 16-10-15 18:51
我而家35wk3d, 愈來愈覺得情緒失控...

講少少背景,我中學因為濕疹比人欺凌。講既係比人成個粉刷掟落飯盒 ...
好好呀,你意識到自己情緒有變化,意識到自己的情緒變化係受兒時經歷影響,亦識得找渠道幫自己幫bb. 媽媽你做得很好。

點評

cheuklei    發表於 16-10-17 09:01
bosch    發表於 16-10-16 06:46


別墅

國民生產總值:680

BKXmas勳章


發表於 16-10-16 02:54 |顯示全部帖子
過去既事就由他去,仔仔出世及成長會俾你無限快樂和幸福!
你以往既經歷會令你更懂得教子女如何保護自己及家人,能夠面對逆境,便能成為更強大既人。加油!


翡翠宮

國民生產總值:85877

開心吸收勳章 2017勳章 BKXmas勳章


發表於 16-10-16 07:23 |顯示全部帖子
我都覺得肯去搵專業人士求助, 絕對係件好事, 好過一味逃避. 同埋你都要同你老公講.

其他野唔駛乜都拉埋一齊黎諗, 同埋向好方面去諗.

廢人生活我領教過, 真係有苦自己知! 如果人地幫你幫得太多, 不妨講出黎, 叫佢地唔駛太貼身照顧, 好多野心領就夠.

湊b d野, 邊湊邊學, 冇一個女人一就識做人阿媽, 你我她都係咁學.

欺凌果d, 真係到時至算, 如樓上jm 所講, 經歷過就會成為強大既人. 過來人經驗.

你早左放產假, 咪好好地準備湊bb 既事. 得閒可以刨定d post, 初生bb 勁到可以反轉成間屋, 即使你坐月時可能有人幫晒你做野, 但你知多d 野絕對係好事. 例如bb 頭幾日唔識啜人奶點算? 點至係飲夠奶? bb 發少少燒可以點做?

痛幾耐你控制唔到, 但你可控制有幾痛. search 定d 止痛方法, 到時希望用得著.


複式洋房

國民生產總值:441

BKXmas勳章


發表於 16-10-17 09:22 |顯示全部帖子
千祈千祈唔好覺得自己無用呀~~~你有好多同路人的, 我本身半個家庭主婦, 間唔中接freelance job屋企做~ 同老公講好佢出去搵錢我就負責哂家頭細務~

以前餐餐好俾心機煮~日日有湯有送咁。但有左B之後感冒病左兩次, 頭3個月食唔落野, 飯都冇乜點煮(一入廚房就想嘔)...成日要老公買外賣返黎(我地都唔鍾意食街外味精野...) ....行兩步又氣喘...家務更加唔使講, 成日做到天一半地一半...因為好易就累又要訓好多好多...
初初都覺得自己無用架...未生都管理得個屋企咁差第日BB出左世更忙果陣點算?
好好彩男人好體諒呀仲開解我....

依家我地既身體做緊好重要既工作呀~ 入面每一日都好努力咁輸送營養俾BB~ 保護同孕育緊小生命~ 體力差過以前都係絕對正常的~ 需要其他人協助更加更加正常的! 而且你已經好叻~~working mom唔易做呀~ 頭3個月未陀穩又易累你仲要返工~你都捱得過~
依家你仲有一個月多D就可以同BB見面啦~ 好好享受佢仍然係你個肚入面踢下踢下既日子啦~ 第日做媽媽條路仲有好長呀...依家就當享受下家人既支持啦 :) 加油呀


別墅

國民生產總值:790

BKXmas勳章


發表於 16-10-17 10:10 |顯示全部帖子
傻豬, 就算我無抑鬱前科, 但我懷孕期都有情緒低落的時候, 我好早期都有覺得過自己無用, 以前好鍾意煮飯整野食, 而家聞到油煙味都想嘔, 家務又做唔到, 覺得好重「無力感」, 但我同自己講只係暫時性, BB出世後我一定會努力做一個好媽媽, 好太太!
仲有幾周就卸貨, 好快就過, 諗下仲有咩未準備好, 諗下第時阿B出世的溫馨場面, 諗下老公願意買部新電話送比自己, 諗下D正面野…
你有濕疹阿B未必一定有架, 就算佢有, 而家D藥膏都比我地以前好, 而家又有果D致敏源分析, 唔會有你想像中咁壞。
搵人開解係好架, 為你祈禱, 媽媽加油呀!


伯爵府

國民生產總值:16076

FRISO飲奶勳章 雞年勳章 動物勳章 ILLUMA Inspired by Nature勳章 畀面勳章 BKXmas勳章 2017媽媽節


發表於 16-10-17 22:24 |顯示全部帖子

回覆樓主:

多謝大家支持先

其實可能係我未放得夠開. 加上有左濕疹又爆到傻, 痕到訓唔到好炆~同埋最近老公夜返又突然好孤獨....突然間會亂諗野啦…

不過我知好多人都係咁過~自己調整緊~都希望個仔似我老公咁正面又冇濕疹~

今日第一日放假...自己一個睇下書, 行下百貨公司睇bb野...都覺得ok既..我會儘量開心啲, 希望個仔都感覺到


民房

國民生產總值:12

BKXmas勳章


發表於 16-10-18 16:15 |顯示全部帖子
我初初有左既時候, 都係情緒低落架, 成日都喊, 老公一個月有3個星期都係返通宵更, 晚上成日都得我自己一個人, 覺得好孤單好寂寞....果時咁岩公司好忙, 工作壓力好大, 試過有一次做做下野突然覺得抖唔到氣要走落街,
果陣時我又係覺得自己好無用, 返工又做唔到野, 出街又成日頭暈, 又煮唔到飯, 好多野都做唔到, 果時仲有個諗頭想唔要個BB... 後尾我老公捉左我去睇心理醫生, 佢話荷爾蒙既轉變都會影響媽媽心情呀 !!!!

當時我覺得長此落去唔係辦法, 所以逼自己多D出去, 做自己鐘意既野 !
而家身體好D, 我都盡量出去行下, 扮下靚, 多D同人傾訴, 心情會好好多架

加油呀, 媽媽 !!!!!


大宅

國民生產總值:1286

BKXmas勳章


發表於 16-10-24 03:48 |顯示全部帖子
Purple_0322 發表於 16-10-15 18:51
我而家35wk3d, 愈來愈覺得情緒失控...

講少少背景,我中學因為濕疹比人欺凌。講既係比人成個粉刷掟落飯盒 ...

呢段時間可能好攰都影響情緒,唔好覺得自己無用呀,有人幫就要放手比人幫,佢地好樂意架,等生完BB休養好身體再報答佢地啦!

加油呀,唔開心既話就飲杯水,聽下兒歌,我都有情緒問題,仲食緊藥,但一定要向好個邊諗,只要你同BB身體健康就夠啦,濕疹唔濕疹,都唔好咁介意,唔識安慰人,但好希望你可以開開心心迎接寶寶!無事架,好多人會支持你!你好叻!


別墅

國民生產總值:597

BKXmas勳章


發表於 16-10-24 09:42 |顯示全部帖子
其實, 點解要早放產假? 叫醫生開紙比你返屋仁休養下咪OK. 留返D 產假,之後坐月調整返個人~ 你問下醫生意見可唔可以....

不過, 你唔好比咁大壓力自己. 以前既野已經過去....小孩會你令, 令你一家都成長, 健健康康, 快快樂樂. 最緊要, 要多D 同老公溝通, 唔好自己收收埋埋....壓抑~知道嗎~


別墅

國民生產總值:954

BKXmas勳章


發表於 16-10-25 17:12 |顯示全部帖子
樓主, 我剛有左第5至9週都覺得自己好無用, 無精力同大仔玩, 令佢無左媽媽既愛咁... 又無能力做家務, 一日到黑就係嘔...

我覺得自己好差... 仲覺得大仔同肚入邊既BB揀錯左媽咪... 爆喊左好多次!!! 有一次我大仔見我又喊, 佢得2歲, 幫我抺眼淚, 又錫我塊面, 係咁話唔好吖!

我明白到, 小朋友係佢揀妳做佢媽咪, 因為佢好愛妳, 因為佢覺得妳係世上最好既媽咪!! 所以, 妳唔好覺得自己無用, 起碼第一下, 妳肚入邊既BB已經肯定左妳, 佢係天上邊揀媽咪, 都揀中左妳! 妳已經嬴左一個小天使的心~~

仲有老公,. 媽咪既愛!


別墅

國民生產總值:954

BKXmas勳章


發表於 16-10-25 17:12 |顯示全部帖子
樓主, 我剛有左第5至9週都覺得自己好無用, 無精力同大仔玩, 令佢無左媽媽既愛咁... 又無能力做家務, 一日到黑就係嘔...

我覺得自己好差... 仲覺得大仔同肚入邊既BB揀錯左媽咪... 爆喊左好多次!!! 有一次我大仔見我又喊, 佢得2歲, 幫我抺眼淚, 又錫我塊面, 係咁話唔好吖!

我明白到, 小朋友係佢揀妳做佢媽咪, 因為佢好愛妳, 因為佢覺得妳係世上最好既媽咪!! 所以, 妳唔好覺得自己無用, 起碼第一下, 妳肚入邊既BB已經肯定左妳, 佢係天上邊揀媽咪, 都揀中左妳! 妳已經嬴左一個小天使的心~~

仲有老公,. 媽咪既愛!


洋房

國民生產總值:46

BKXmas勳章


發表於 16-10-26 00:04 |顯示全部帖子
我相信樓主老公同媽媽心底裏都係好樂意照顧你的 好好安心養胎 bb出世後等身體復原好 先慢慢用行動報答返老公同媽媽 好多大肚媽媽都要訓床養胎架 身體唔到自己控制 無辦法的 無人怪你 樓主自己都睇開d喔送正能量俾你


男爵府

國民生產總值:6819

BKXmas勳章


發表於 16-10-27 19:19 |顯示全部帖子

回覆樓主:

其實我睇你段文字,我覺得你好為其他人著想,唔想煩到人,其實抵讚架 …… 不過傻豬,懷孕到後期放產假有人幫咪過幾日女皇生活囉,係為你bb好,有意義架 ~~


子爵府

國民生產總值:14524

BKXmas勳章


發表於 16-10-28 14:15 |顯示全部帖子

回覆樓主:

咁大肚對身體負荷又真係好大喎,唔係你冇用呀,唔好諗埋一邊。我初時害喜都覺得自己似個廢人,不過呢啲日子會過,你要加油! 放假就好好休息,唔好諗太多,有時間就出去散下步曬下太陽,太陽唔單只對吸收維他命D有幫助,仲可以令你心情好啲㗎


伯爵府

國民生產總值:16076

FRISO飲奶勳章 雞年勳章 動物勳章 ILLUMA Inspired by Nature勳章 畀面勳章 BKXmas勳章 2017媽媽節


發表於 16-10-29 11:54 |顯示全部帖子

回覆樓主:

各位, 首先多謝大家鼓勵...

我幾日前去睇私家, bb變左中細碼, 肚圍細左3周幾, 其他細左1至2周, 醫生話胎水正常, 胎位正常, 排25唔緊要, 細啲仲易生咁~

但昨日去政府睇, 醫生話我胎水開始唔夠, 肚圍排名跌到10以下, 雖然其他野仲係排25, 但擔心胎水再少既話bb生長會有危險, 安排左我聽日37wk3d入院催生...我真係好驚, 驚痛啦…驚失敗要開刀啦…都唔重要, 最驚bb出世身體唔好, 醫生話我bb而家超聲波睇2421g, 唔算太壞, 但如果生出黎係2500g以下要住病房, 姐係仲爭少少啦…我其實好後悔大肚之後, 成日情緒唔好, 成日講左啲負面野.... 家人又有關覺得係我食太少...

我驚左成晚, 今朝又好少少啦…希望自己放鬆啲...見醫生之前我睇左醫院社工, 明明情緒好返啲, 但又知道要催生... 我明白愈驚愈會影響媽媽本能, 但我真係好想知道點先可以冇咁驚


大宅

國民生產總值:1981

BKXmas勳章


發表於 16-10-29 13:25 |顯示全部帖子
Purple_0322 發表於 16-10-29 11:54
各位, 首先多謝大家鼓勵...

我幾日前去睇私家, bb變左中細碼, 肚圍細左3周幾, 其他細左1至2周, 醫生話胎 ...

生完就唔得閒再擔心咁多嘢喇,有排你忙呢!加油呀!唔好被情緒影響!


伯爵府

國民生產總值:16076

FRISO飲奶勳章 雞年勳章 動物勳章 ILLUMA Inspired by Nature勳章 畀面勳章 BKXmas勳章 2017媽媽節


發表於 16-10-29 17:19 |顯示全部帖子
cometingliu 發表於 16-10-29 13:25
生完就唔得閒再擔心咁多嘢喇,有排你忙呢!加油呀!唔好被情緒影響!

多謝你, 我今日儘量訓多啲,食下蛋同奶, 感受下胎動咁, 雖然好驚但我儘量堅強啲


大宅

國民生產總值:1286

BKXmas勳章


發表於 16-10-31 06:52 |顯示全部帖子
Purple_0322 發表於 16-10-29 11:54
各位, 首先多謝大家鼓勵...

我幾日前去睇私家, bb變左中細碼, 肚圍細左3周幾, 其他細左1至2周, 醫生話胎 ...

加油加油!
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎