懷孕前後 今日: 18 | 主題: 329684

積分: 27592

開心吸收勳章

1^#

發表於 16-10-16 00:28 |只看該作者 |倒序瀏覽 |打印

很早以前，一直以為自己生仔唔順利，成日求神拜佛，求順利有個細路，終於有了，三個月後，走了。鼓起勇氣，8個月後，今年初，突然意外地又有了。
記得幾位算命師傅講過，宮寒唔易有，就算有，都陀唔穩，要睇身體狀況，好大機會開刀早產。。。有左之後，每當想起幾位師傅都咁講，壓力倍增。
有左之後，每天食中藥至產前兩個月才停，私家西醫由6周起至3個月，每星期一次，照結構，都係私家。等等等，6周念珠菌，30周恥骨痛，35周中b鏈，以為會中埋早產開刀，連家人都話，十樣有七樣中，六合彩又唔見你中！無計，頂硬上。

39周覆診，醫生話可以生啦，bb 都調左頭落晒盤！還掂恥骨痛，約今個星期催生啦！當然，我回醫生，還想等40周，等佢自己作動吧！醫生話，咁過40周下次返嚟覆診，一定要約期催生入院，bb 過預產期，驚胎水少左，會提高胎死腹中機會。又嚇。。

每次被嚇會無左 b，唯有每次小心啲。好嘞！40周到啦！點解仲未生得？已經失眠半個月有多。覆診約催生期。

人算不如天算，擇日不如撞日。。。居然係催生期前作動。。。
當晚半夜2點，開始突然陣痛，但無見紅無穿水。咁奇，又唔知係咪真，再等，嚟料啦！半夜3點開始，5分鐘一次陣痛，都未見紅穿水。忍！5點，忍唔住啦！唔理啦！痛到大叫，阿媽都唔認得，即刻叫定老公，執野換衫等我，自己沖涼換衫，一齊截的士去急症室，打完板上產前房。食早餐就檢查。檢查左兩次，宮頸未開，又無見紅穿水，落唔到產房，但我真係忍唔住啦！好痛好痛。。

點評

pomanlife

發表於 16-10-17 15:04

0 0 0

私人傳訊

積分: 27592

開心吸收勳章

2^#

發表於 16-10-16 00:45 |只看該作者

每次一痛，都㩒制搵姑娘，要求止痛藥。回應係。。無架！忍下啦！未開落唔到產房。後來每次㩒制，都俾人熄制行開唔理。但勁痛，檢查多兩次，都未開，但我係勁忍痛既人。

咁搞唔掂喎，11點，再㩒制，呢次要求見醫生，因為肝抽筋，胃酸倒流嘔。醫生都要等嚟，就話開止痛針講明打左生 b ，藥力有機會過俾 b, b出世有機會呼吸困難。我個陣都有呼吸困難，鼻塞，用鼻吸唔到氣，唯有用口吸同吹氣，姑娘見到就話，咁樣好易暈，一定要用鼻吸口呼。好好好，聽話先，照做。半個鐘後，止痛針嚟啦！聽落開心死，其實打完先係惡夢既開始。

打完，又計住幾分鐘痛。發現3分鐘一大痛，點會打完仲痛過之前，仲痛密左？諗起嚟，呢支係咪傳說中既催生針定係增強子宮收縮針呢？

嗶，呢次痛到要拉住窗柄借力忍痛。因為床係窗口位，見乜就拎乜借力，勁痛。助理再檢查，開始見紅，但未開未穿水，繼續等。中午醫生檢查，差少少，如果一開係3、4度。醫生走左隔離床。我繼續忍痛，都聽唔到醫生講乜。但呢次痛，我狂拍窗。醫生一聽到，即叫人，鬧人話仲乜唔睇住佢呀？病人狂拍窗。助理話我都未開，再檢查下先。醫生見咁就話，開左啦，檢查左4度，過床落產房啦！但我一落地，左腳就抽筋。跪左落地，要6、7個人扶我過床。

終於落產房啦！惡夢先真正開始。。。

私人傳訊

joecheung1202

積分: 486

3^#

發表於 16-10-16 11:25 |只看該作者

等…

點評

大戶

發表於 16-10-16 16:28

十月中就預產期喇，既興奮又擔優

私人傳訊

fatmaymama

積分: 160

4^#

發表於 16-10-16 16:31 |只看該作者

留毛

點評

大戶

發表於 16-10-16 17:19

私人傳訊

積分: 27592

開心吸收勳章

5^#

發表於 16-10-16 16:43 |只看該作者

落產房，應該係成點鐘既事。第一樣野，仲趁我清醒，當然要求無痛分娩同或者開刀。產房冷清清，佢哋一邊俾我聞住笑氣，一邊話要等麻醉師同醫生嚟睇我做決定。心懷一絲希望，乖乖聞笑氣。老實講，真係痛到笑氣都搞唔掂，唯有多次大叫：醫生呀，救命呀，我要無痛呀！但又無人理。後來，我繼續叫，但有把聲話我知，而家開左5度，麻醉師同醫生唔批無痛啦！你咁碌嚟碌去，點幫你打，唔打啦！乜話？唔打

見係咁，已經痛到癲左，就叫：醫生，好痛呀，俾我死啦！

但都無人理。

如是者，過左2個鐘，有人走埋嚟，我話：好急，想痾屎。佢就話：而家10度啦！你試痾啦！大力啲！教埋痾既姿勢。一 feel 到肚痛，就試痾，無肚痛，就休息。咁又2個鐘。突然間，有人同我講，開嚟開去都係得5毫子大，見到頭髮，但出唔到頭，試埋今次，盡力啲！但我真係盡晒力。佢哋就開始好緊張。突然間，十幾個醫生護士衝入嚟，帶晒儀器。有個人企係我身邊同我講，第一產程宣佈失敗，要開第二產程，要用吸盤，講明阿 b 個頭可能會爆或扁。又要求我簽名。我就話轉開刀。佢哋話個 b 頭落左產道，開唔到刀，靠晒你，媽咪！

私人傳訊

Altonmama

積分: 918

6^#

發表於 16-10-16 16:49 |只看該作者

大戶發表於 16-10-16 16:43
落產房，應該係成點鐘既事。第一樣野，仲趁我清醒，當然要求無痛分娩同或者開刀。產房冷清清，佢哋一邊俾我 ...

跟住點呀？b b無事嘛？

點評

大戶

發表於 16-10-16 17:19

私人傳訊

cherry猪

積分: 444

7^#

發表於 16-10-16 16:55 |只看該作者

大戶發表於 16-10-16 16:43
落產房，應該係成點鐘既事。第一樣野，仲趁我清醒，當然要求無痛分娩同或者開刀。產房冷清清，佢哋一邊俾我 ...

坐等

點評

大戶

發表於 16-10-16 17:21

私人傳訊

積分: 27592

開心吸收勳章

8^#

發表於 16-10-16 17:11 |只看該作者

第二產程一開始，佢哋好緊張，開始埋位計時，有人睇住儀器，有人睇實醫生。開始剪陰道，放吸盤入去，無落麻醉藥都唔痛，可想然之，陣痛有幾痛。我心諗，好啦！唔駛出力，鬆晒！點知，惡夢叫聲又嚟，有人同我講：而家醫生幫你吸，但你唔可以依賴醫生，個 b 你既，你都要盡全力，好似頭先咁，出力痾！

吓！陰道都剪爛埋，仲要痾。。。

我就盡全力去痾，但失敗左。跟住好多把聲係咁話：喂！頭先你表現無咁差喎。再嚟過，盡全力，快！
今次再試，得左，出頭仔啦！以為搞掂啦！錯晒！
喂！痾埋個身，大力啲！好，大力痾，又痾到！finish

等我開心之際，個醫生話，仲有胎盤。。意思係，你明要痾埋啦！又痾！掂！痾晒啦！今次真係完啦！有覺好瞓啦！

私人傳訊

積分: 27592

開心吸收勳章

9^#

發表於 16-10-16 17:14 |只看該作者

真係有覺好瞓？我都想，發夢先有。要聯針嘛。有人話，咁簡單，醫生會識整。經此一役，你就知，係手術室，無論大小事，都要事事小心。唔好以為小事唔晒理。呢個係我而家住院既原因。

私人傳訊

joecheung1202

積分: 486

10^#

發表於 16-10-16 18:34 |只看該作者

恭喜曬！為左阿B辛苦的都值得！
我今日預產期喇，但一D動靜都冇,有的失望！
約左聽日見麻醉醫同姑娘，星期三開刀！
如果星期三之前有作動，我就唔駛挨一刀喇！

十月中就預產期喇，既興奮又擔優

私人傳訊

積分: 27592

開心吸收勳章

11^#

發表於 16-10-16 20:59 |只看該作者

本帖最後由大戶於 16-10-17 14:49 編輯

回覆 joecheung1202 的帖子

謝謝你，祝一切順利。
俾我揀，我由最初到而家，都覺得，醫生判斷能力好重要，開刀順產都只係方法，但你再聽我繼續講落去，會發現，係公家醫院開刀，仲好過順產，以我個 case 為例。

私人傳訊

積分: 27592

開心吸收勳章

12^#

發表於 16-10-16 21:19 |只看該作者

bb 出左嚟啦！以為一天到光晒，但係另一個惡夢開始。。聯針。
醫生話：而家幫你聯針，會落麻醉藥。我話醫生，唔好聯啦！由佢。。
醫生話唔聯唔得，流緊血。
咁就去馬，打麻醉藥，聞住笑氣聯，無痛，超爽！
聯好，問醫生，醫生話唔好理幾多針，總之2條溶線，唔駛拆

估都針數多到數唔晒。
突然，另一個醫生走嚟睇，話要拆過重聯。。唔係啩，而家唔係講緊2針，係2條線。。點解，因為連肛門都聯埋囉！聽完真係暈左。一拆線，痛死，麻醉藥過晒，唯有聞住笑氣拆線重聯，痛死。換然之，前前後後，聯左唔係4針，係4條溶線。仲要係陰道位，唔似開刀係肚位，仲要有惡露，傷口發炎，又要食抗生素，洗傷口都麻煩。。

講開又講，公家醫院鼓吹母乳，就係頭幾日母乳都唔多，佢哋覺得我順產，無咁傷。唔會主動叫補奶粉，只有開刀，佢哋會問大人，夜晚補唔補奶粉。

點知我又中 b 鏈，個 bb 要食抗生素。但初頭母乳唔多，bb 好易缺水發燒，就要住初生嬰兒病房。

而家係醫院，要4圍走。。

所以開刀或順產，母乳或奶粉，都無所謂，最緊要大人細路身體健康。

私人傳訊

H2C

積分: 886

13^#

發表於 16-10-17 09:02 |只看該作者

恭喜你呀, 我下個月都QE生,
開始緊張, 擔心自己到時唔識用力

私人傳訊

noodlemama

積分: 754

14^#

發表於 16-10-17 11:33 |只看該作者

大戶發表於 16-10-16 21:19
bb 出左嚟啦！以為一天到光晒，但係另一個惡夢開始。。聯針。
醫生話：而家幫你聯針，會落麻醉藥。我話醫生 ...

恭喜恭喜～
我都等緊生，又係QE,好心急

私人傳訊

H2C

積分: 886

15^#

發表於 16-10-17 13:35 |只看該作者

呀, 想問埋你, QE係咪要用有扣孕婦衛生巾?

BB 0係初生嬰兒病房係咪隨時都可以睇佢?

THX

私人傳訊

積分: 27592

開心吸收勳章

16^#

發表於 16-10-17 14:46 |只看該作者

本帖最後由大戶於 16-10-17 14:51 編輯

回覆 H2C 的帖子

謝謝你，祝一切順利。
我就係唔識，如果早知係點，練下都好，個陣痛到生不如死，根本無心情去聽

私人傳訊

積分: 27592

開心吸收勳章

17^#

發表於 16-10-17 14:47 |只看該作者

本帖最後由大戶於 16-10-17 14:52 編輯

回覆 noodlemama 的帖子

謝謝你，祝一切順利。
預左大痛大叫無人理。

私人傳訊

積分: 27592

開心吸收勳章

18^#

發表於 16-10-17 14:55 |只看該作者

本帖最後由大戶於 16-10-17 18:32 編輯

回覆 H2C 的帖子

唔駛有扣，但帶多啲厚棉無翼衛生巾，我買39cm,啲姐姐會用1次用2張，前後重叠用。
另外，如果 bb touchwood 要去初生加護病房，我 bb 發低燒都要去，輪更時間唔去得,9-12點，其餘時間去得，可以自己餵 bb 奶，或要求佢哋補奶粉架，但奶粉要婊佢哋個啲

私人傳訊

H2C