×

用戶登入

找回密碼 | 註冊


王國facebook
義工

想生BB 今日: 144|主題: 89172

查看: 418 | 回覆: 5
sis,請問而家威院公家症iui/ivf,見完醫生要等幾耐至有得做啊??


洋房

國民生產總值:45


發表於 16-10-16 02:57 |顯示全部帖子
本帖最後由 Applecyy 於 16-10-16 02:57 編輯

這是我的親身經歷:2016/5/5 第一次見威院公家症輔助生育醫生C,我本身有內科問題,內分泌不足&有閉經情況,荷爾蒙偏低,醫生認為要幫我排卵才可懷孕
內科醫生那邊認為我9月尾會READY,所以輔助生育醫生俾我10月做,叫我7月打去輔助生育中心同姑娘約期
內科一直都食緊一種口服藥,內科醫生知道輔助生育醫生有這個PLAN,6月 叫我停藥口服藥3個月才可懷孕,停藥後改成要每星期5天皮下注射10-11小時,很辛苦....

7月中打去輔助生育中心同姑娘約期,姑娘之後打俾我,話另一位輔助生育醫生認為我未得,要再見我,之後俾個8月17的期我再傾

2016/8/17 見另一位輔助生育醫生K,她說要內科醫生書面信証明我適合懷孕 (但同是威院的內科醫生已在電腦上作了記錄),亦要我會診約見產科醫生知會他們有呢個CASE &等他們跟我解釋RISK, 然後說做好以上後沒問題才會PROCEED我個CASE, 下次個期11月30,之後再等半年才可做療程(即17年5月),唔想等可做私家
當下我即時O嘴,點解同推翻之前醫生C的決定?時間上又差咁遠,她解釋醫生C是PART-TIME,佢睇得太簡單,亦不清楚程序 (心想你們見得病人的醫生不都是專業的嗎?有問題但病人打去才發展現,沒人跟進PART-TIME 睇過的CASE??)
問題是6月內科已叫我停藥口服藥,每星期5天皮下注射10小時,很辛苦....白打了3個月,很沮喪>.<)

2016/8/18 實在感覺很唔開心,打去病人聯絡主任反應番我個情況,都想知道是有醫生處理不當定有醫生想拖証,想我做私家)

2016/9/12 我同c6先見產科教授,認為我問題不大,亦解釋RISK及PLAN
同日見埋輔助生育醫生K,交左內科醫生書面信証明我適合懷孕俾佢,固認為適合做OI+IUI, 由第一次見醫生(5/5)計起半年即11月可做,但要我1星期內,去出面化驗所驗左AMH OK先可做,我覺得奇怪,上次見醫生K她說要再等半年,反問她,她還笑著說:我地唔會咁計既(我當時估計係因為我同病人聯絡主任反應左,佢先改口)
她還說第一次11月做如不成功,因要隔半年才可做第2次公家,第一次不成功的話可第三個月再做一次私家)
她plan是11月做,只差2個月,所以佢叫我唔好食番口服藥,當時聽佢咁仲覺得佢係想幫我,我都好放心啦,之後,我又同內科講番有呢個PLAN所以唔食番口服藥了,唯有繼續打針 (否則若出年先做oi+iui,我可以食番口服藥不用打針,直到療程3個月前,現在皮下注射位置因經常打針已很痛,差不多沒合適的位去打了)

2016/9/28 帶AMH 結果1.95見埋輔助生育醫生,今次是另一位醫生C,她說雖有點低但正常,可PROCEED OI+IUI或ONLY OI,但要等半年(我又O嘴了),我告訴她上次醫生K承諾11月可做,她沒說什麼,就叫我2星期後打去輔助生育中心同姑娘約期,不用再見輔助生育醫生

2016/10/12 打去留言約期,第2日10/13姑娘打黎問我有咩幫到我,我說做OI+IUI,又問我公家定私家,答公家,是公家REFER我來,她說我個CASE在私家那邊,我問她為什麼,她不知道,要再CHECK再覆我

2016/10/14 姑娘L話叫我聽講座,12月2,我問不是11月嗎?她說無位,之後話聽完講座半年後先有得做(我心想又來?!),即時同佢講醫生K承諾11月可做療程,因第一次見已是5月的事,因醫生問題延誤了我幾個月所以醫生K俾我11月做,她說要問返醫生
轉頭醫生K直接打俾我,說上次話11月做是叫我私家症做(但上次明顯不是這個意思!私家我又何須有計半年這個道理??10月即可做啦)她死口否認,跟她爭辯了一會,最後她說最多只能由最後一次見醫生9月28計,等半年到2017/3或4月先有得做公家,轉頭姑娘又話11月18俾我聽講座,最快2017/3或4月先做

到這裡,我已經對呢班威院IVF中心的醫生失去信心,公家時間任她們講,點計係一時一樣,每次都等我以為可以做療程我就停藥口服藥,堅持每星期5天皮下注射10小時,白白浪費了多個月來皮肉之苦,亦影響我私人/夫妻生活,現在這樣就是若我不想白費多月的努力就得做私家,....我都氣歪了....整個過程我都沒做錯過什麼,她們要什麼給什麼,應足要求,但竟然一個醫生可以推番之前的醫生,同一個醫生亦可以推番自己的說話, 如果第一次見醫生就有一個預計做療程時間表,咁病人都可以自己考慮做唔做私家,而家係肉隨砧板上,先俾左個OK既expectation你,之後又話唔公家未得,要等,令人失晒預算,好似想逼你做佢地私家的感覺
診所服務亦一般,時時打去無人聽,9成要留言要等2日覆

第2日,都忍唔住,又打去病人聯絡主任反應呢D咁不愉快既經歷....都知自己好長氣,都係想呻下...坦白講私家出面應有更好選擇....出面做私家仲無咁嬲....!唔通真係想貼錢買難受咩....

有無SIS知道OI+IUI聽完講座要等幾耐?係咪真係要半年???真係好想知佢地究竟有無service standard!!又有無SIS都係11月聽講座?

其實出面私家我可以淨係做OI, 但我有好多醫療記錄(門診+入院)在威院,唔知邊間私家可以經醫健通睇到,否則我去其他私家睇應該好多野要再驗,又要等好一排了....各位SIS又知唔知邊間私家會好快可以做到呢?麻煩大家指點下我啦~~~~pls help~~~


 


別墅

國民生產總值:802


發表於 16-10-16 10:30 |顯示全部帖子
Applecyy 發表於 16-10-16 02:57
這是我的親身經歷:2016/5/5 第一次見威院公家症輔助生育醫生C,我本身有內科問題,內分泌不足&有閉經情況,荷 ...

我睇晒你成篇野,好明白你感受。比著係我,我都覺得佢地只想推病人去私家條隊。
但想問吓你咩係OI?
同埋點解佢地唔幫你驗AMH, 叫你自己出去驗呢?
佢地服務唔包驗血咩?
有無其他jm 試過?係咪全部都要自費喺出面驗晒先可以開始療程?


複式洋房

國民生產總值:257


發表於 16-10-16 12:44 |顯示全部帖子
我早幾日先係威院見完醫生。
醫生有講過話排iui要半年至9個月,而排ivf最少年半時間,所以醫生都有提及過佢地私症都有得做,當然私症就無政府資助啦。而打去約期個電話確實係要留言的,醫生比我果張紙都係咁寫,話留言後如48小時無人覆就要再打。
而驗血呢啲呢,我就一路都係係醫院做,不用自己自費出去驗,除左德國麻疹之外。


洋房

國民生產總值:45


發表於 16-10-16 15:27 |顯示全部帖子
回覆 babyplscome 的帖子

好多謝你一句明白我感受,因為有時同c6講佢都唔係咁識講安慰人既說話!OI係誘導排卵,即打排卵&破卵針
醫生K話AMH政府無得驗,所以refer左我去一間化驗所,太約$800
其他驗血fsh, e2,lh ,照輸卵管都係政府做
所以我都唔知係咪每個做排卵既人都要驗AMH


洋房

國民生產總值:45


發表於 16-10-16 15:30 |顯示全部帖子
Mamachanchan 發表於 16-10-16 12:44
我早幾日先係威院見完醫生。
醫生有講過話排iui要半年至9個月,而排ivf最少年半時間,所以醫生都有提及過佢 ...
你有無驗AMH? 你在政府驗左d咩?


複式洋房

國民生產總值:257


發表於 16-10-16 15:50 |顯示全部帖子
Applecyy 發表於 16-10-16 15:30
你有無驗AMH? 你在政府驗左d咩?

咁我唔太肯定有無驗AMH呀,不過我試過經期第二至三天同第二十一天到醫院抽血。
c6驗丁丁試過轉介去化驗所(自費),但醫生都有叫過c6係醫院驗過(無驗)。
我自己就係醫院做埋腹腔鏡。
而超聲波同輸卵管造影就係我去醫院排前已經做了。
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎