×

用戶登入

找回密碼 | 註冊


王國facebook
義工

論盡家傭 今日: 3|主題: 120583

查看: 1529 | 回覆: 13
好嬲


大宅

國民生產總值:3439


發表於 16-10-16 01:28 |顯示全部帖子
平時工人都會整好左佢既工作先離開,番黎又會幫手做下,可能始終我2個小朋友仲細,所以都好多謝佢幫忙,平時都唔會理佢去邊做咩,遲小小番都唔會理。今日如常放假,前夫湊我對小朋友去海洋公園,工人遲左好多先番黎,先知原來前夫打去叫工人一齊去海洋公園,之前無試過前夫一湊二,可能係想工人幫手就當請埋工人去玩。我問工人,佢話係自願既,同小朋友遲到10點先番,平時10點就要訓,工人仲要飯都未食,好聲氣叫工人食飯先佢都無食寧願安頓好小朋友自己訓覺,可能佢知我已經嬲到爆炸。問前夫係咪買左工人日假期,又話唔需要我理,叫我當放假,問工人,工人話係假期。(非常肯定佢地唔係有路)我完全好似局外人唔關事咁,但工人係跟我住的,其實係咪明買明賣,工人肯放假跟埋去就由佢去?

王國熱話
Happy Friday~ 太古食中菜,位位$60幾 ,仲要...
太子來發館粥底火煱及蒸蒸日上倫哥私房...
灣仔築地市場
鰂魚涌魚康怡廣場食龍蝦海鮮餐


大宅

國民生產總值:3835


發表於 16-10-16 09:18 |顯示全部帖子
rainbow000 發表於 16-10-16 01:28
平時工人都會整好左佢既工作先離開,番黎又會幫手做下,可能始終我2個小朋友仲細,所以都好多謝佢幫忙,平 ...
咁工人係有自由嘅,係佢放假日,唔係買假,同friend 去玩呀?
但工人及ex 處理手法有問題,不說你ex, 工人可事前坦白同你交代話先生叫我一齊去幫手架

我都會好嬲

他們不是有路,但工人好可能想討好先生

不過,算把啦!有個工人幫手睇住對仔女玩,對仔女衿貴d, 唔好諗其它了!







珍珠宮

國民生產總值:31545


發表於 16-10-16 10:01 |顯示全部帖子

回覆樓主:

你老公或者工人應該要打電話比你知會一聲。


子爵府

國民生產總值:12849


發表於 16-10-16 10:08 |顯示全部帖子

回覆樓主:

我會睇工人好錫你對小朋友,見小朋友爸爸想帶佢地去玩,但又搞唔掂,就幫手,否則,小朋友可能無得去,又或者玩得唔盡興。工人未必有諗甘多,你前夫亦係。其實,你係嬲佢地唔專重你? 等如果事先同你講,你俾唔俾?睇在小朋友開心咗一日,唔好嬲啦。


大宅

國民生產總值:1083


發表於 16-10-16 10:32 |顯示全部帖子
rainbow000 發表於 16-10-16 01:28
平時工人都會整好左佢既工作先離開,番黎又會幫手做下,可能始終我2個小朋友仲細,所以都好多謝佢幫忙,平 ...

我又咁諗,姐姐(emoji)你對小朋友,知道他們爸爸一湊二去玩一定搞唔掂,工人姐姐寧願犧牲自己放假日都陪住小朋友,照顧佢哋,可以放心地玩。你都不用太介意。你應該感恩請到個對小朋友咁上心的姐姐。

點評

noodlemama    發表於 16-10-17 16:14
Golden_Time    發表於 16-10-16 11:56


大宅

國民生產總值:4083


發表於 16-10-16 12:34 |顯示全部帖子
俾我都會嬲,學你話齋有乜理由變咗你係局外人,叫咗屋企個姐姐去幫手又唔通知你。姐姐日日對住無可能亦可能無無機會同你講,除非佢有私心


男爵府

國民生產總值:5171


發表於 16-10-16 13:12 |顯示全部帖子

回覆樓主:

其實你工人好好,返黎飯都未食就攪左小朋友訓先,你諗下,如果你事先知道ex 要帶埋工人去你俾唔俾先?佢去完你都要追問放假定買假....., 我相信連工人都覺得你會唔俾,所以我覺得佢真心想小朋友開心,想陪佢地,佢明知你事後一定會知,寧願冒住俾你插爆,都想小朋友開心,放鬆d啦 , 姐姐係好人,反而睇得出你同ex 關係麻麻,你平心同姐姐講,都多謝佢陪佢地,但若有下次要講你知先


大宅

國民生產總值:4534

2015xmas 畀面勳章


發表於 16-10-16 22:37 |顯示全部帖子

回覆:好嬲

咁你同前夫關係應該麻麻地,你前夫都咁答你,姐姐夾係中間都好慘。


侯爵府

國民生產總值:22258


發表於 16-10-17 04:13 |顯示全部帖子
不要將對前夫嘅不滿擺係傭人身上.無論佢有冇俾錢傭人買假.佢地嘅出發點都係為小朋友好.大局以小朋友為重.


禁止訪問

國民生產總值:1181


發表於 16-10-17 11:27 |顯示全部帖子
提示: 作者被禁止或刪除 內容自動屏蔽


大宅

國民生產總值:3439


發表於 16-10-17 14:04 |顯示全部帖子
其實我唔係嬲工人同小朋友出去玩,只係我想得個知字。之前有試過唔放假,個時我都表明左我希望均爭d,如果你唔想放或前夫想你唔放而你又無問題既,我會補番日假俾你,始終放假幫手湊我覺得無咁好。當然我都好感謝佢咁好,肯幫手湊,只係我覺得假期或番工分得清d好,同埋基本尊重同我講聲。不過無事啦,我同佢解釋番我唔介意,但要通知聲,佢都明既。


大宅

國民生產總值:2360


發表於 16-10-18 11:42 |顯示全部帖子
樓主試下睇開D,開心D


公爵府

國民生產總值:29961

ILLUMA Inspired by Nature勳章 動物勳章 我的育兒心得勳章 DHA勳章 畀面勳章 2015xmas


發表於 16-10-18 18:54 |顯示全部帖子

回覆樓主:

或者係你前夫唔比工人通知你,唔關工人事,唔好嬲佢
主 賜 平 安


男爵府

國民生產總值:8102


發表於 16-10-18 22:01 |顯示全部帖子
會唔會工人怕預早通知你你會唔比佢幫手?
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎