×

用戶登入

找回密碼 | 註冊


王國facebook
義工

想生BB 今日: 74|主題: 89199

查看: 2682 | 回覆: 42
台北翁醫師 - 免疫系統檢測 (海量文)


洋房

國民生產總值:35


發表於 16-10-16 13:55 |顯示全部帖子
本帖最後由 mt4_mt4 於 16-10-16 13:55 編輯

大家好! 今次是想分享到台北找翁醫師做免疫系統檢測嘅情況(順便自己做個紀錄), 因為自己搵資料時, 發現大家都有推薦, 但詳細嘅程序好像沒有人寫, 希望呢編分享可以幫到有需要嘅jm, 因為千里迢迢到另一個地方求醫而又咩都唔知, 個心十五十六都幾囉囉攣 xp

(本編純為分享、只供參考, 睇唔睇醫生/搵邊個醫生還是自己決定; 一概提及的醫學常識為本人自己理解, 詳情請自行向家庭醫生/專科醫生查詢)

背景:本人連續兩次流產(5週後停止生長及沒有照到心跳, 2次約在8週進行流產手術, 第1次食藥; 第2次食藥唔得後刮宮). 之後上網找了一些有關流產資料, 得知流產成因有很多, 如不幸(我最希望是這個因素)、健康狀況、免疫系統問題、子宮結構影響、染色體出錯...., 最後決定先做免疫系統檢測. 而已香港對「免疫系統與流產成因有關」嘅說法並不普及, 以及比較價錢後(網上說香港HK$20,000; 台灣HK$5XXX), 最後決定到台灣進行此項檢測(順道散心~). 找了一些台灣醫生, 最後揀左很多jm推薦嘅台北翁醫師(可能台灣鼓勵生育(有獎金的!), 台灣有好多生育診所, 大家可以自行比較)
過程:先在診所網頁了解診所業務(主打不育及IVF, 但都有其他身體檢查提供)、翁醫師看診時間表, 之後就電郵到診所表示想預約嘅醫師、到診日期及時間(電郵中我有提及自己嘅情況及詢問診金), 診所很快確認及在電郵提供相關資訊及所需文件. 其後我就按預約日期及時間到達診所. 在接待處提供護照及身份證後, 在會客室填寫問卷(包括: 基本資料、飲食及生活習慣、家族病史之類), 其後由姑娘確認問題細節. 填寫問卷後轉往大堂等待醫師接見 (當天也等了差不多1小時). 與翁醫師會面, 佢會先了解到診原因, 當我講述自己情況及表示想做免疫系統檢測, 翁醫師便講解免疫系統與流產關係, 當中最為大家了解就是自己嘅抗體攻擊胚胎/形成血栓阻塞終止營養輸送導致流產. 翁醫師再講解如檢測出有問題嘅治療方法, 1. 輕微問題: 食藥可以解決; 2. 需要吊針(我忘了什麼名稱), 吊針按問題嚴重性決定吊幾耐, 一般排卵前開始, 最短係幾週;最長係整個孕期. 另外, 佢有問我做唔做埋染色體測試(台幣$8000/夫婦), 佢好坦白的說, 染色體出問題機率較低, 多數會在免疫系統檢測沒異常後才會再做, 但因為我從香港來, 一次過做埋唔駛走兩次, 本身都決定做埋, 點知護士提醫師接著係雙十國慶連休做唔到(我都唔知點解, 可能啲血唔擺得咁耐), 所以最後無做. 而翁醫師亦有解釋, 如染色體出現問題治療方法, 可以做IVF, 因IVF可選出健康嘅胚胎殖入, 從而減少流產風險. (雖然我無打算做IVF, 因我不是不育, 但在我了解IVF後發現, 有jm做了數次IVF也不成功, 之後發現與自身免疫系統有關, 正因為此我亦決定向免疫系統方面著手). 翁醫師表示檢測一星期後會出報告, 介時會電郵給我及提出建議. 我亦可自行在香港找醫生講解報告, 診所也提供數間香港診所作參考. 接見完畢後, 就到接待處付款, 到診金為台幣$2XX, 免疫系統抽血檢查台幣$8XXX. 付款後就到抽血室進行抽血 (參考, 本人抽了5支, 每支都係一半). 完成後便可離開.
一星期過去, 已收到檢測後報告, 但電郵未有任何講解, 我已回電郵了解, 等待回覆中. 但我自己睇份報告, 的確有指數是異常. (個心又再囉囉攣) 希望之後再有機會UPDATE大家情況如何啦~~~~

提外話, 與翁醫師會面時, 醫師依我情況 (兩次都在同相約周數便停止生長) 覺得我有機會是血栓阻塞. 我有問醫師如果我決定唔生育, 是否代表唔需要做任何治療? 醫師表示係! 此外, 醫師表示如果真係呢個問題, 日後停經後, 有血壓高嘅機會相對較高.



 


禁止訪問

國民生產總值:4071


發表於 16-10-16 15:42 |顯示全部帖子
提示: 作者被禁止或刪除 內容自動屏蔽


洋房

國民生產總值:35


發表於 16-10-16 16:17 |顯示全部帖子
回覆 卓玲BB 的帖子

你好! 我都係ANA紅字, 另IGg都係紅字, 想請問 ESR係咩?

放鬆心情, 加油! 有空閒就多多交流丫 :)


男爵府

國民生產總值:5232


發表於 16-10-16 16:46 |顯示全部帖子
多謝你的分享,正正係我想要的資料,我正常生左一胎,不過第二胎小產過兩次,我都剛電郵翁醫師,佢叫我休息一個月先去驗!
請問係咪即日來回?係咪要搭早機好d?


別墅

國民生產總值:580


發表於 16-10-17 01:43 |顯示全部帖子
請問驗免疫有冇特定Day 幾抽血?如果可以即日來回最好。

我情況係化學1次同無胎心刮宮1次後生左個囡。然後又化學1次,5week胎停自然流1次再宮外孕1次。好想揾出原因。


複式洋房

國民生產總值:456


發表於 16-10-17 10:39 |顯示全部帖子
多謝你ge分享啊. 我都流產咗3次+化學1次. 喺內地檢查話我有封閉抗體.
要打我先生ge細胞入我身體等我識自己產生呢種抗體先可以懷孕.打咗3次話我重係陰性. 諗住再打3次唔得都去台灣. 請問台灣有幫你驗封閉抗體嗎. 上網呢方面資料好小. 而加真係好迷茫.


大宅

國民生產總值:1543


發表於 16-10-17 12:06 |顯示全部帖子
你們好, 我都有呢方面問題, 好擔心, 可唔可以俾台灣, 內地等醫生資料給我呢

thx


男爵府

國民生產總值:5232


發表於 16-10-17 12:32 |顯示全部帖子
tangtang0525 發表於 16-10-17 10:39
多謝你ge分享啊. 我都流產咗3次+化學1次. 喺內地檢查話我有封閉抗體.
要打我先生ge細胞入我身體等我識自己 ...

請問大陸咁樣打抗體貴嗎?邊間醫院check?


複式洋房

國民生產總值:305


發表於 16-10-17 14:13 |顯示全部帖子
謝謝分享!我九個月內懷孕兩次,化學兩次,最後一次ivf的,不過兩次的懷孕胎兒都停在5-6週,從來都沒有心跳!我高齡,anti TPO, ATAB 超標紅字,其他指數正常,月頭初診過翁醫生,他只叫我吊ivig+pgs...我很迷惘...因我是可以自然懷孕的,是否有藥物協助下自己嘗試,究竟是否有抗體問題導致血栓塞呢(因兩胎流產情況一樣胎停在5-6週)我還在等翁醫生的回覆...仍未找到方向...
希望大家多分享,互相扶持!謝謝!


複式洋房

國民生產總值:456


發表於 16-10-17 14:28 |顯示全部帖子
我去嗰間醫院係深圳中山泌尿外科醫院. http://www.szzsivf.com/
我自己打嗰種要先抽老公血陪值細胞先. 大約千几人民幣. 之後每次打針人民幣2百几蚊. 每陪值一次可打6-7次. 但未必個個都係呢個免疫問題.一定要先檢查.


大宅

國民生產總值:1543


發表於 16-10-17 15:22 |顯示全部帖子
回覆 tangtang0525 的帖子

你好, 想問下點樣可以係深圳中山泌尿外科醫院睇? 洗唔洗EMAIL聯絡先? 我完全無呢方面概念, 我九成係呢個問題, 但香港婦科醫生話唔關事, 就不了了之, 已經超高0, 加流產兩次, 很大壓力


複式洋房

國民生產總值:456


發表於 16-10-17 15:31 |顯示全部帖子
回覆 ivy14 的帖子

最好先打電話上去確認門診時間. 基本上開診時間網站有寫 http://www.szzsivf.com/i/?234.html
但為免摸門釘. 先打去確認好d. 佢係以攞号碼牌去睇証. 唔駛電話預約. 如你上午睇. 預早小小. 避免撞正佢吔12點食飯. 有咩問題可再問我.


大宅

國民生產總值:1543


發表於 16-10-17 15:52 |顯示全部帖子
回覆 tangtang0525 的帖子

多謝你, 想問問開頭係咪都好似香港咁排了普通科門診, 之後先轉介去專科睇? 大約要排幾長時間先可以驗血之類? 因太多唔識


複式洋房

國民生產總值:456


發表於 16-10-17 16:41 |顯示全部帖子
我自己情況係第三次流產過咗兩星期上去檢查. 醫生同我講免疫要流產後三個月先可以查. 可能怕影響結果. 佢叫我查咗染色體先. 你本身有無查過染色體.?如果未查可以去檢查埋. 呢間醫院唔駛轉介. 佢本身3樓驗免疫. 4樓做人工受孕的.


別墅

國民生產總值:580


發表於 16-10-17 18:29 |顯示全部帖子
我有去愛群網站度睇,有個廖醫師,佢專睇免疫系統同重覆流產,而翁醫師主要係ivf。如果只驗免疫唔係去做ivf的話,翁醫師可以嗎?
想問吓你地揾翁醫師ge原因係乜野?

附件: 你需要登錄才可以下載或查看附件。沒有帳號?註冊


男爵府

國民生產總值:5232


發表於 16-10-17 18:42 |顯示全部帖子
tangtang0525 發表於 16-10-17 16:41
我自己情況係第三次流產過咗兩星期上去檢查. 醫生同我講免疫要流產後三個月先可以查. 可能怕影響結果. 佢叫 ...

原來要等三個月先可以驗,我收到電郵回覆話叫我休息一個月先,可能係姑娘覆!


禁止訪問

國民生產總值:9423


發表於 16-10-18 13:30 |顯示全部帖子
提示: 作者被禁止或刪除 內容自動屏蔽


複式洋房

國民生產總值:206


發表於 16-10-18 14:07 |顯示全部帖子

回覆樓主:

我剛小產, 胎兒停留6week大小冇長過...心情好低落...醫生話可能係機數問題, 下次再試過...我好擔心係免疫問題, 下次又失望... 想問如流產一次馬上去驗免疫太心急嗎?


男爵府

國民生產總值:5232


發表於 16-10-18 16:27 |顯示全部帖子
karenwing63 發表於 16-10-18 14:07
我剛小產, 胎兒停留6week大小冇長過...心情好低落...醫生話可能係機數問題, 下次再試過...我好擔心係免疫問 ...

我覺得驗左安心d, 之前第一次小產我淨驗荷爾蒙,都唔知可驗免疫,如果有我都會驗!


複式洋房

國民生產總值:206


發表於 16-10-18 16:35 |顯示全部帖子
ananlove 發表於 16-10-18 16:27
我覺得驗左安心d, 之前第一次小產我淨驗荷爾蒙,都唔知可驗免疫,如果有我都會驗!
...

唔知小產完幾時可以做檢查?
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎