×

用戶登入

找回密碼 | 註冊


王國facebook
義工

論盡家傭 今日: 117|主題: 120566

查看: 993 | 回覆: 19
問題出現在哪?


大宅

國民生產總值:2180


發表於 16-10-17 11:08 |顯示全部帖子
情況如下:1. 仔女在兩個月內分別出現兩次及三次腸胃炎
2. 買餸我自己買,處理食物及煮食由工人姐姐負責
3. 這個工人來之前,全家未試過出現過腸胃炎
跟據以上資料,各位媽咪覺得,我應該懷疑個工人嗎?如果我話個責任在個工人身上,是過份嗎?
頭先同agent 投訴,佢仲話baby有病,可能係食物本身已有菌,又或者baby本身身體弱,總之就推三推四。試問對仔女向來少病痛,最初仔女先後出現痾嘔時,我都無話個工人,只係再重新教佢要如果處理食物,再重點講乾淨衛生對細路係最重要。但昨晚細仔又嘔又肚痛,我就真係好嬲好嬲,先好返兩個星期左右,之前已經痾嘔到成個瘦晒,無晒餵口。昨天下午同大的兩個去拜山,所以無帶細仔,細仔全程由姐姐照顧,想唔到,就出事喇。
見個仔嘔到黃膽水都嘔埋出黎,肚痛到look黎look去,完全瞓唔到,個心真係好痛。

王國熱話
五彩甜椒,野生朝天椒,五彩觀賞椒種植...
家樂花問題
分享我的種植
我的勒杜鹃


別墅

國民生產總值:768


發表於 16-10-17 11:17 |顯示全部帖子

回覆樓主:

又唔一定關姐姐事嘅,仔女返學未呀? 可能學校或者外面四圍摸都有可能嘅?
再教工人清潔家居,處理食物步驟等等。


大宅

國民生產總值:2180


發表於 16-10-17 11:26 |顯示全部帖子
回覆 lemonstar28 的帖子

細仔未返學,平日都係留在家,或去公園。女就讀幼稚園。當然會加強教導處理食物及衛生常識。其實佢唔係差,但兩個月內出現三次腸胃炎,真係好離譜。我上一手個工人比佢污糟好多,但都無話食到我地又痾又嘔,所以我先懷疑係依家個工人處理食物上出現問題。


男爵府

國民生產總值:7113


發表於 16-10-17 11:27 |顯示全部帖子
好多原因引致腸胃炎,通常係食物變壞或保鮮有問題,如長時閶把食物放係室溫令食物滋生細菌,因為食物通常會高溫煮熟,所以是否處理不乾淨引致機會較少發生,同時注意小朋友是否對食物敏感,如有些人一接觸奶頖就會出現肚瀉,姐姐是否乾淨你應最清楚,尋找真正原因最重要。


大宅

國民生產總值:2180


發表於 16-10-17 11:39 |顯示全部帖子
回覆 tuenmunoasia 的帖子

細仔平日都食開那些食物,應該唔係食物敏感。我懷疑係佢一早準備好阿仔晚餐d材料,但又無放入雪櫃,在室溫放個幾兩個鐘所致。平日我見到會叫佢放雪櫃,但昨日出左去,就真係唔知佢點做。


大宅

國民生產總值:3814


發表於 16-10-17 11:44 |顯示全部帖子
momo_ada 發表於 16-10-17 11:39
回覆 tuenmunoasia 的帖子

細仔平日都食開那些食物,應該唔係食物敏感。我懷疑係佢一早準備好阿仔晚餐d材 ...

你的推測好正路,見到仔女病真係好心痛,返工都專心唔到
菲印無習慣將食物放入雪櫃,唯有不停提提提


子爵府

國民生產總值:10335

秋日勳章 炎夏勳章 春季勳章 冬日勳章 畀面勳章


發表於 16-10-17 11:49 |顯示全部帖子

回覆樓主:

你知唔知個工人點樣處理食物?海外?多留意下。
我自己經驗過,佢哋衛生意識較差,未以經常洗手,要提要話。
冇預備概念,好多時食物解凍唔會預早一日從冰箱拎落下格,要煮先從冰箱取出就咁放係度溶,天氣熱就易有菌。
食剩既飯餸夠膽死收埋入柜桶,或者放厨房一角,唔會放入雪櫃,話自己第日食!發現左就話佢,佢哋真係好冇common sense
仲有有冇煲滾D水先飲?
洗碗過水乾淨?佢哋用勁多洗潔精,洗隻茶杯都一泵,你多留意下,我覺得同工人有关


大宅

國民生產總值:1861


發表於 16-10-17 11:52 |顯示全部帖子
佢地對食物衛生真係唔注重架...完全無意識~
我隻印印....每早整麵包比小朋友食,,手無洗直接攞起麵包~
整完一塊又去執下野...又再去整..比我係cam見到~
岩岩買完d餸又唔即刻擺入雪櫃,
試過d賴尿蝦放係廚房個幾兩個鐘..問佢 佢話唔記得左
係夏天d牛奶又係雪櫃攞定出來....擺左幾個字個盒出晒水珠先倒比小朋友飲~
個微波爐有食物殘渣都唔抹....佢地痴線架.....食佢地唔死,但我地就柯到死~


大宅

國民生產總值:2180


發表於 16-10-17 17:51 |顯示全部帖子
最大問題係提了又提,教了又教,都係咁,先咁勞氣。今朝買餸返到屋企,佢竟然將d牛肉放在洗碗盆,然後去左晾衫。我又再教佢如果唔整住,就一定要放入雪櫃先。


大宅

國民生產總值:3807


發表於 16-10-17 17:57 |顯示全部帖子
momo_ada 發表於 16-10-17 17:51
最大問題係提了又提,教了又教,都係咁,先咁勞氣。今朝買餸返到屋企,佢竟然將d牛肉放在洗碗盆,然後去左 ...
D 工人係冇乜衞生意識,一定係食物處理不當,冇食嘢,又邊有得痾嘔吖!
佢地唔明架!因為佢自己都冇事


男爵府

國民生產總值:5148


發表於 16-10-17 17:59 |顯示全部帖子
我试過,要找時問在廚房supervise. 真係跟唔足,好在廚房門清玻璃,日日睇住,後來廚房裝cam.不過你又唔可以說一定關佢事,只能提点.


大宅

國民生產總值:2180


發表於 16-10-17 17:59 |顯示全部帖子
回覆 5R2H 的帖子

我以前個工人真係好污糟,成日係張床食野,但因為佢黎過香港做4年,又湊過bb,所以已經清楚香港媽咪嘅衛生要求。但這個好後生,第一次做野,第一次離開印尼黎香港,所以佢初初黎到,我好用心教佢,佢都尚算聽教。做左一年都平安無事,想唔到近半年逐漸由佢全部負責煮食就出事。我都想抽時陪d仔女架,唔通日日陪住佢係廚房咩?


大宅

國民生產總值:2180


發表於 16-10-17 18:09 |顯示全部帖子
回覆 細姐姐 的帖子

佢自己都試過一次有事架,就係全家人除左我同細b無食佢整嘅通粉外,全屋人都腸胃炎,要集體睇醫生。自始後都叫好過一排,估唔到近兩個月,細那兩個分別多次中招,所以我先懷疑係佢處理食物上出現問題,我地之前真係無試過痾嘔。


珍珠宮

國民生產總值:31499


發表於 16-10-17 18:59 |顯示全部帖子
momo_ada 發表於 16-10-17 17:51
最大問題係提了又提,教了又教,都係咁,先咁勞氣。今朝買餸返到屋企,佢竟然將d牛肉放在洗碗盆,然後去左 ...

本帖最後由 birdbird 於 16-10-17 19:00 編輯

可能係工人處理食物的習慣出錯喎, 你要揾個weekend 檢視下工人如何處理食物及食具。

另外, 小朋友食飯前要洗手。


大宅

國民生產總值:1957


發表於 16-10-17 19:59 |顯示全部帖子
Me too 呢個工人來了半年,我女腸胃炎左2-3次,以前唔係咁。
我懷疑因為佢成日用bleach 仲用來洗sink 盆但是未必過得乾淨,現在我唔再買,觀察中。


公爵府

國民生產總值:29903

ILLUMA Inspired by Nature勳章 動物勳章 我的育兒心得勳章 DHA勳章 畀面勳章 2015xmas


發表於 16-10-18 19:01 |顯示全部帖子

回覆樓主:

睇嚟你係 FTM 係就盡快炒咗工人,你工人好有問題,萬事應以仔女為先,你仔痛成咁,應該入院驗下
主 賜 平 安


大宅

國民生產總值:1447


發表於 16-10-18 22:14 |顯示全部帖子
從新教一次點處理食物同衛生,洗碗要沖得乾淨啲!但又唔好完全怪落佢度,同佢講順便檢討下改善下


侯爵府

國民生產總值:21294


發表於 16-10-18 22:38 |顯示全部帖子

回覆樓主:

留意下工人煮食既程序有無問題。我以前個工人來到又係同時間兩個小朋友出現腸胃炎的問題,我發現原來唔係來自煮食,係佢清潔食具出問題,佢將切水果用既針板,放在切生肉的針板上,又攪錯處理生,熟食物用唔同用具,水果又放錯在生肉格,真係好難教


別墅

國民生產總值:933


發表於 16-10-19 06:38 |顯示全部帖子
工人有無用布抹碗?我以前又係成日腸胃炎,醫生話碗布看上去乾淨都有細菌,之後就改了不抹碗,仲有我規定姐姐所有食具在食飯前都要用熱水沖一沖,驚她們洗得不乾淨

點評

adrio    發表於 16-10-19 10:53


大宅

國民生產總值:4083


發表於 16-10-19 23:19 |顯示全部帖子
momo_ada 發表於 16-10-17 17:51
最大問題係提了又提,教了又教,都係咁,先咁勞氣。今朝買餸返到屋企,佢竟然將d牛肉放在洗碗盆,然後去左 ...

我姐姐試過將d凍肉放浪碗個盆!好彩見到,一發現即刻制止佢。我真係唔明屋企有咁多個不鏽鋼大碗佢唔用,要放舊肉係個浪乾淨碗既盤度解凍?兜住d血水.......都唔知佢用呢個方法用咗幾多次
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎