×

用戶登入

找回密碼 | 註冊


王國facebook
義工

自由講場 今日: 2722|主題: 870196

查看: 1625 | 回覆: 17
有d氣餒(教小朋友問題)~長


子爵府

國民生產總值:11836


發表於 16-10-18 20:44 |顯示全部帖子
件事係咁既。我媽咪早兩個星期話唔見左隻介子,於是問我兩個仔有冇收埋(我個大仔呢排好鍾意收埋人d野整古人)我個大仔死口話冇,細仔就話見到哥哥拎過隻介子黎睇,之後仲掉左係床側邊條"la"到我同老公又用電筒照又用吸塵機吸都唔見,問呀大仔,佢話只係掉左隻耳環落去,的確,我地係條'la'到係搵到隻耳環,但隻介子就唔見我唯有同我阿媽講(算啦,你唔搵佢d野就會蒲出黎)
今日,3號風球,細既唔洗返學,失驚無神走去阿哥張床到係枕頭邊見到隻介子(佢開心大發現咁話搵到婆婆隻介子喇)我地就將呢個好消息同阿媽講。
到左頭先食飯,我醒起問佢,弟弟話今日係你張床到搵到隻介子喎,點解既?
阿大仔:唔知呀,我冇偷過。
我:我地冇話你偷,只係想知個真相,點解咁奇怪會係你張床出現?(仍然係輕鬆mode)
阿大仔:我真係唔知,我冇收埋過
我:咁真係好怪喎,會唔會係你唔小心收埋諗住整古婆婆,但之後唔記得左呀?
阿大仔:真係冇呀
我:真係冇?我唔會鬧你,我地淨係想知個原因,你講真話啦。
阿大仔:冇呀,我唔記得有冇收埋(開始動搖)呢句已經係真話喇媽咪。
我:(小燥底上身)你諗真d,冇人會鬧你,只要你而家講真相。
阿大仔:我唔記得有冇收埋呀,真係唔知
我:你講比我聽,洗唔洗入房得我地兩個人你先講?
阿大仔:唔洗,我真係唔知有冇收埋
我:(超燥底,但我好快㩒返住自己)你同我入房
最終,佢認左係自己收埋,但因為太耐佢唔記得,而佢,亦都係我頭先不停追問下醒返起呢件事,只係怕比人鬧,死口唔認我真係唔知可以點教佢,佢今年8歳,平時久唔久都有講大話,但比我問多兩句都會認,而我每次都同佢講,講大話唔岩,做人要坦白,做錯唔緊要,最緊要認錯同改過,不過仍然係咁



珍珠宮

國民生產總值:36427

ProAbsorb勳章 動物勳章 ILLUMA Inspired by Nature勳章 最關心BB問題熱投勳章 認識瑞士牛牛第四回 認識瑞士牛牛第二回 認識瑞士牛牛第一回 好媽媽勳章 醒目開學勳章 畀面勳章 BK Milk勳章 hashtag旅遊勳章 hashtag影視迷勳章 我的育兒心得勳章 2015xmas 2016夢想成真 樂桃猴年勳章


發表於 16-10-18 21:08 |顯示全部帖子
咁你知道件事後點處理?


子爵府

國民生產總值:11836


發表於 16-10-18 21:16 |顯示全部帖子
414928 發表於 16-10-18 21:08
咁你知道件事後點處理?

同佢講佢呃我搞到我好難過,好傷心,又再講唔應該講大話,做人要誠實,咪又係講道理囉


珍珠宮

國民生產總值:36427

ProAbsorb勳章 動物勳章 ILLUMA Inspired by Nature勳章 最關心BB問題熱投勳章 認識瑞士牛牛第四回 認識瑞士牛牛第二回 認識瑞士牛牛第一回 好媽媽勳章 醒目開學勳章 畀面勳章 BK Milk勳章 hashtag旅遊勳章 hashtag影視迷勳章 我的育兒心得勳章 2015xmas 2016夢想成真 樂桃猴年勳章


發表於 16-10-18 21:24 |顯示全部帖子
christyheihei 發表於 16-10-18 21:16
同佢講佢呃我搞到我好難過,好傷心,又再講唔應該講大話,做人要誠實,咪又係講道理囉
...
咁即係無後果囉,都有8歲好多道理佢都應該知,但佢仍然咁做必有原因,個問題唔係佢講大話,係佢點解要咁做?小朋友有無解釋?


子爵府

國民生產總值:11836


發表於 16-10-18 21:28 |顯示全部帖子
414928 發表於 16-10-18 21:24
咁即係無後果囉,都有8歲好多道理佢都應該知,但佢仍然咁做必有原因,個問題唔係佢講大話,係佢點解要咁做? ...

佢只係話貪玩,因為佢呢排成日玩收埋野


禁止訪問

國民生產總值:12080


發表於 16-10-18 21:30 |顯示全部帖子
提示: 作者被禁止或刪除 內容自動屏蔽


珍珠宮

國民生產總值:36427

ProAbsorb勳章 動物勳章 ILLUMA Inspired by Nature勳章 最關心BB問題熱投勳章 認識瑞士牛牛第四回 認識瑞士牛牛第二回 認識瑞士牛牛第一回 好媽媽勳章 醒目開學勳章 畀面勳章 BK Milk勳章 hashtag旅遊勳章 hashtag影視迷勳章 我的育兒心得勳章 2015xmas 2016夢想成真 樂桃猴年勳章


發表於 16-10-18 21:42 |顯示全部帖子
christyheihei 發表於 16-10-18 21:28
佢只係話貪玩,因為佢呢排成日玩收埋野
咁你就要想一些「後果」比佢承擔責任,佢先知有些事情係唔可以玩,會給他人帶來麻煩,同時自己亦要承受後果,這樣佢才明白「三思而後行」的道理,我講的後果不是體罰,至於係咩就要樓主想一想怎樣的「後果」對他來說是「懲罰」或「麻煩」。


男爵府

國民生產總值:6305


發表於 16-10-18 21:44 |顯示全部帖子

回覆樓主:

講大話通常都係怕俾人鬧。
呢啲收埋野行為就係貪玩, 唔知嚴重性, 我覺得佢真係唔記得左, 有時做啲頑皮野真係無原因。

大人應該估到小朋友有無講大話, 都係要講道理, 舉啲佢明白既例子, 有人做左類似既野, 小朋友有咩後果, 中學生既後果又會點。

慢慢教唔好咁嚴肅, 等佢覺得媽媽會理解,最緊要有良好信任關係。


子爵府

國民生產總值:11836


發表於 16-10-18 23:04 |顯示全部帖子
多謝大家有時真係教到好冇心機


大宅

國民生產總值:1947

認識瑞士牛牛第四回


發表於 16-10-19 16:42 |顯示全部帖子
原諒我偵探上身:
(1) 點解一問大仔記得掉左耳環去床"la",又唔記得介子放左係咁當眼既枕頭邊?
(2) 問左幾次,入左房先認係自己收埋,會唔會其實佢內心覺得講左幾次話自己冇收埋媽媽都唔信,唯有順媽媽意意認係自己收埋?(反正冇唔會有咩後果)
(3) 呢排成日玩收埋野->是否次次都親眼睇到? 定都係只係大仔自己認?


子爵府

國民生產總值:11836


發表於 16-10-19 17:19 |顯示全部帖子
misaxkiu 發表於 16-10-19 16:42
原諒我偵探上身:
(1) 點解一問大仔記得掉左耳環去床"la",又唔記得介子放左係咁當眼既枕 ...

唔緊要,大家討論下。

1) 點解一問大仔記得掉左耳環去床"la",又唔記得介子放左係咁當眼既枕頭邊?
因為問果時係事發過兩日,而我相信介子唔係放係當眼位,我估佢放係枕頭入面,所以我老公早兩日換枕頭袋都唔見

(2) 問左幾次,入左房先認係自己收埋,會唔會其實佢內心覺得講左幾次話自己冇收埋媽媽都唔信,唯有順媽媽意意認係自己收埋?(反正冇唔會有咩後果)--我係咪應該比返d有阻嚇性既懲罰佢等佢知驚呢

(其實我都有咁諗過,我係咪迫緊佢認呢,但我又好難解釋點解係佢張床出現)


(3) 呢排成日玩收埋野->是否次次都親眼睇到? 定都係只係大仔自己認?

(佢呢排最鍾意收埋電話,有時我唔見左個電話,而佢見我搵就會係到笑,咁我就知係佢收埋,我就叫佢拎返出黎囉)


水晶宮

國民生產總值:60806

畀面勳章 BK Milk勳章


發表於 16-10-19 18:15 |顯示全部帖子
要同佢講清楚..收埋野一D都唔好玩.....
出面收埋人地野已經當偷竊....無人會覺得你係玩...
家人都仲可以原諒你....出面既人係無必要原諒你...仲會報警..
一D都唔好玩....要講比佢知嚴重性...

比著我呢D CASE...我會好惡...一定會罰...
若問今世所遇, 皆是前世的緣。 今生寬以待人, 來世皆是善緣。


子爵府

國民生產總值:11836


發表於 16-10-19 18:17 |顯示全部帖子
家家公主 發表於 16-10-19 18:15
要同佢講清楚..收埋野一D都唔好玩.....
出面收埋人地野已經當偷竊....無人會覺得你係玩...
家人都仲可以原 ...

你通常會罸咩咖?


瑪瑙宮

國民生產總值:136775


發表於 16-10-19 18:17 |顯示全部帖子
christyheihei 發表於 16-10-18 20:44
件事係咁既。我媽咪早兩個星期話唔見左隻介子,於是問我兩個仔有冇收埋(我個大仔呢排好鍾意收埋人d野整古 ...

8歲,要好好教,佢仲聽教。


子爵府

國民生產總值:11836


發表於 16-10-19 18:26 |顯示全部帖子
Sumyeema1 發表於 16-10-19 18:17
8歲,要好好教,佢仲聽教。

我都想好好教佢,但有時真係唔知點教,好似講極都唔聽,你話佢好曳咩,又唔算,但硬係做d野出黎令人勞氣


別墅

國民生產總值:867


發表於 16-10-19 18:53 |顯示全部帖子
我覺得要有處罰手段吧 針對佢死不承認呢一part. 例如閉門思過?或者寫悔過書?我唔知呀 我係好fresh的媽媽 佢話貪玩你就原諒 但如果交俾法官判 就係「偷」呀


水晶宮

國民生產總值:60806

畀面勳章 BK Milk勳章


發表於 16-10-19 18:57 |顯示全部帖子
本帖最後由 家家公主 於 16-10-19 18:59 編輯

回覆 christyheihei 的帖子

我同老公好一致架....通常罰面壁思過.....最少半小時...試過最長兩小時...
第二日仔話大痛....我地只會淡淡回應...你自己做成...唔關人事...

不過近2年都無點罰過啦....仔今年9歲半...佢而家識算過度過點樣唔會過我地底線...
適可而止...

若問今世所遇, 皆是前世的緣。 今生寬以待人, 來世皆是善緣。


伯爵府

國民生產總值:16438

動物勳章 吸收力勳章 最關心BB問題熱投勳章 樂桃猴年勳章 我的育兒心得勳章 DHA勳章 BK Milk勳章 2015xmas


發表於 16-10-19 19:11 |顯示全部帖子

回覆樓主:

我反而覺得,平時佢有認自己收埋野時,就要罰佢。要佢明白收埋野會對其他人造成傷害。

而今次佢係都唔認,其實佢係唔記得,唔係故意唔講真說話。唔好要燥底,只要引佢諗返起就可以。到佢諗返起真係佢收埋,咪罰佢,因為佢令到人地搵好耐。
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎