×

用戶登入

找回密碼 | 註冊


王國facebook
義工

今日: 137|主題: 49009

查看: 2376 | 回覆: 49
產前抑鬱


複式洋房

國民生產總值:377


發表於 16-10-19 09:39 |顯示全部帖子
好辛苦,每日都好唔開心
湊住大仔陀細b,以前自己食野好求其,但有左唔敢求其食驚bb無營養,每日要煮飯洗碗照顧大仔,唔知點解身體好似差左,唔知關唔關開刀事,平時彎身換屎片已經好痛,企喺度洗碗又痛,廚房都開哂抽氣扇,但我洗完碗個人抖唔到氣好辛苦,每日如是,好艱難捱過頭5個月作嘔反胃期,因為初頭直情個肚一空就想嘔見暈,有時12點食lunch,可能到夜晚9點先食飯,食飽又想嘔,試過辛苦到一路沖涼一路喊,一路喊就一路驚,驚自己情緒影響bb...只有打bon牆發洩,到夜晚訓覺大仔要玩一輪先,佢未訓我幾次差啲訓著,格硬橕大對眼,因為我仔會橫衝直撞我驚佢跌落床,到個仔訓左我就眼光光訓唔返
第二日又暈又累又作嘔咁湊大仔,有時直情一彎身換耐少少屎片,彎身執野都見暈,雖然我好肥,但身體好差,我成日驚自己會暈底
捱過5個月作嘔期到中期,晚晚尿頻,唔知點解夜晚訓覺訓訓下抖氣好辛苦,但其實已經開大冷氣,每日都好辛苦,有時辛苦到一路摸住個肚一路喊
但好感恩大仔好乖,一望住佢心情就會好啲,訓覺個樣好似一個小公仔咁,一路靠大仔同細b支撐落去
由陀大仔到衣家都係一個人湊住,自己已經兩年無咩點見人,每日都喺屋企,有時朋友約出街自己又放唔低個仔,好多聚會都出席唔到,久而久之好多朋友都疏遠了,我覺得自己好孤單,好多時咩都係一個人面對,老公每晚放工第一眼就望個仔問個仔,對個仔笑,對住我好似好唔開心咁,有時想佢陪我食餐飯都唔敢,佢叫我一個人食先佢幫個仔沖涼,但其實我一個人食得好唔開心,全日都係一個人食飯,好想佢放工陪我食餐飯,一係佢就話累唔食,又係我一個人食,我成日諗,我咁討厭咩,點解食餐飯都唔想對住我,係咪我成日呻辛苦佢嫌我煩,我好想佢同我傾下計關心下我,講一句老婆辛苦了已經足夠,佢朝朝都同佢仔gd bye kiss,夜晚gd night kiss,但一眼都無望過我,我只有講聲bye bye...佢都唔想應我望一下我
 


複式洋房

國民生產總值:377


發表於 16-10-19 09:45 |顯示全部帖子
*唔*一聲就走,我好羨慕個仔,我都好想老公可以錫啖我就返工,
我成日諗,究竟我係咩,陀仔生仔湊仔工具嗎?
尋晚同老公嗌交走左出去,但落大雨唔知自己可以去邊,我好驚但唔想返想去,唯一最掛住個仔,好想自己周圍街比雨淋折磨自己,但唔可以,因為為左細b.....


複式洋房

國民生產總值:377


發表於 16-10-19 09:52 |顯示全部帖子
我日日喊好驚會影響細b,但完全控制唔到自己
我已經唔敢喺老公面前講自己幾辛苦幾辛苦,因為佢話過我扮野,扮辛苦
呢句野好傷我心,我無人可以傾訴可以呻,點解身邊最親既人會咁話我
佢尋日話我對外人好似狗咁,對自己人就成日怨
我控制唔到成日諗呢句野,原來我一直全心全意湊好個仔,幫佢陀仔,愛佢,喺佢心目中我付出係咁廉價,可以用狗黎形容我
我衣家每日望住大仔先支撐到落去
成日喺fb見到人地一家3口老公老婆幸福照,幸福事件,我都好羨慕,我覺得老公唔再愛我喇,佢好討厭我
我最驚佢搵第2個女人唔錫我個兩個仔
如果第時離婚我只想要返兩個仔


複式洋房

國民生產總值:285


發表於 16-10-19 09:56 |顯示全部帖子
騰雞媽媽 發表於 16-10-19 09:39
好辛苦,每日都好唔開心
湊住大仔陀細b,以前自己食野好求其,但有左唔敢求其食驚bb無營養,每日要煮飯洗碗 ...

係唔係你諗多左。我老公都係咁,不過佢返夜、日頭就訓,訓醒係吃飯時間,吃完就走!阿仔d嘢全部自己搞!其實好睇自己心態,如果唔開心就同老公發信息話點解唔開心!得閒就帶阿仔去行下商場吃下嘢!二胎係辛苦好多!媽媽加油!


複式洋房

國民生產總值:377


發表於 16-10-19 09:57 |顯示全部帖子
我好驚好唔開心
去做左兩年家庭主婦,好驚個官唔比兩個仔我,因為我無經濟能力,我可以咩都唔要我只想要兩個仔,但我同時好驚自己咁負面比唔到幸福兩個仔
我尋日唔開心到有衝動想自殺,但我真係好唔捨得個仔同唔想累左細b
仲有4個月預產期,我同自己講一定要捱埋落去


複式洋房

國民生產總值:377


發表於 16-10-19 09:58 |顯示全部帖子
Nipjune 發表於 16-10-19 09:56
係唔係你諗多左。我老公都係咁,不過佢返夜、日頭就訓,訓醒係吃飯時間,吃完就走!阿仔d嘢全部自己搞!其 ...

我唔開心發訊息佢都唔會理我
講幾句就嫌煩
之後就嗌交


子爵府

國民生產總值:10524


發表於 16-10-19 10:13 |顯示全部帖子
同朋友傾下,唔好唸埋一邊呀!仔仔要媽媽照顧,加油。


複式洋房

國民生產總值:377


發表於 16-10-19 10:16 |顯示全部帖子
Froggreen 發表於 16-10-19 10:13
同朋友傾下,唔好唸埋一邊呀!仔仔要媽媽照顧,加油。

我唔敢同人講
如果老公睇到啲訊息
會話我周圍唱佢


複式洋房

國民生產總值:377


發表於 16-10-19 10:19 |顯示全部帖子
騰雞媽媽 發表於 16-10-19 09:57
我好驚好唔開心
去做左兩年家庭主婦,好驚個官唔比兩個仔我,因為我無經濟能力,我可以咩都唔要我只想要兩 ...

有時自己訓唔著
望住佢兩父子,我忍唔住錫個仔,好想錫一啖老公
但我唔敢,我覺得佢會好討厭我
我好傻咁諗,幾時我地變到咁
點解我連錫一啖佢都唔敢
點解好似好陌生
諗諗下好似好耐我地兩公婆都無拖下手錫錫了


大宅

國民生產總值:2390


發表於 16-10-19 10:40 |顯示全部帖子
下次產檢係幾時? 檢查時同姑娘講懷疑自己有情緒問題, 啲姑娘醫生會幫你, 會同你傾計比啲意見你, 我果時都係咁, 佢地會好SUPPORT你開解你比建議你, 吾使擔心。再吾係你入急症同佢地講有情緒問題, 想有SUPPORT, 好快安排你入院有姑娘醫生跟。講到撫養權更吾使擔心, 官吾係睇經濟而判, 因經濟吾係佢地主要考慮因素, 而係睇平時邊個照顧開小朋友, 盡量吾影響小朋友宜家既生活, 就算有兩個小朋友, 官會讓兄弟姐妹一同成長, 吾會當禮物咁一人一個, 你快快處理好自己情緒, 先有能力照顧好自己同小朋友。媽媽加油!


複式洋房

國民生產總值:155


發表於 16-10-19 11:15 |顯示全部帖子
加油呀,而家要好好照顧自己錫自己,有時間出街散下步,有時出一身汗會舒緩到情緒。亦嘗試多啲興趣,令自己生活充實啲,個人都會開朗啲架。呢度有好多媽媽支持你,加油!


翡翠宮

國民生產總值:91924


發表於 16-10-19 11:17 |顯示全部帖子
你一個人湊肯定辛苦,屋企有冇長老可以幫下你,本身陀bb就要休息好D


複式洋房

國民生產總值:377


發表於 16-10-19 12:08 |顯示全部帖子
iyadahmed 發表於 16-10-19 10:40
下次產檢係幾時? 檢查時同姑娘講懷疑自己有情緒問題, 啲姑娘醫生會幫你, 會同你傾計比啲意見你, 我果時都係 ...

多謝你
其實我都諗過睇醫生講關於情緒問題,
但我一個人湊住個仔完全行唔開
諗住一個人捱下捱下好快過
或者等我老公放假自己去醫院睇醫生


複式洋房

國民生產總值:377


發表於 16-10-19 12:16 |顯示全部帖子
wahiuma 發表於 16-10-19 11:17
你一個人湊肯定辛苦,屋企有冇長老可以幫下你,本身陀bb就要休息好D


佢地有自己既生活
但其實我都怕大家相處湊b會易有磨擦
唔想同爸媽關係愈來愈差
又唔想老公夾喺我同奶奶之間
所以湊都係我自己一個
同埋我後生湊仔都覺得辛苦
老人家體力上要湊bb都未必應付到
我本身一個人湊開都習慣了
係有左第二胎之後先比較辛苦
因為要注意自己飲食
同埋個人易累
但同時又成日亂諗擔心呢樣個樣
加上大仔剛一歲,比較好動
Work load 比之前多左
要餵粥仔,水
無話以前咁簡單一支奶攪店
有時出牙仔半夜又喊醒
老公第二日要返工
我一個人哄睡
有時有點心力交瘁感覺
但幾累都好唔可以好好休息
好似條象筋咁,長期拉到好緊
唔夠訓都要橕落去


複式洋房

國民生產總值:377


發表於 16-10-19 12:20 |顯示全部帖子
csling528 發表於 16-10-19 11:15
加油呀,而家要好好照顧自己錫自己,有時間出街散下步,有時出一身汗會舒緩到情緒。亦嘗試多啲興趣,令自己 ...

多謝你呀
其實自己以前都有跑步,覺得好減壓
但湊住個仔我可能每次小休時間都係1個鐘左右
有時上下網禁電話就過左
同朋友what's app都好難打到字
Voice message 多
可能等到佢地大個開始返幼稚園我會多啲自己時間
可以做下運動,做下自己野


別墅

國民生產總值:839


發表於 16-10-19 12:51 |顯示全部帖子
其實每日對住個咁重負能量嘅人真係好辛苦,我覺得你老公係覺得抖唔到氣先講果啲說話。樓主,你哋兩公婆男主外女主內,你哋只有咁先管理到頭家,無其他方法,咁有咩好怨呢?仲有,陀仔生仔,對住阿仔,喱啲都係開心事,你唔好覺得點解係你幫佢陀,佢又唔知你辛苦之類,個仔大家都有份,你老公都有每日返工搵錢,為屋企付出,佢唔係完全無理你架,只係唔係你要求嘅嘢。


大宅

國民生產總值:2390


發表於 16-10-19 12:52 |顯示全部帖子
騰雞媽媽 發表於 16-10-19 12:08
多謝你
其實我都諗過睇醫生講關於情緒問題,
但我一個人湊住個仔完全行唔開
情緒問題呢樣野真係控制吾到, 可大可小, 一有問題要即刻搵人幫, 吾好收埋收埋自己捱, 因你吾知幾時爆煲, 你宜家仲陀緊BB, 啲HORMONE更加易影響到你情緒, 同埋亦會影響到BB。有冇娘家可以幫到手? 吾好自己死頂


複式洋房

國民生產總值:377


發表於 16-10-19 13:22 |顯示全部帖子
cometingliu 發表於 16-10-19 12:51
其實每日對住個咁重負能量嘅人真係好辛苦,我覺得你老公係覺得抖唔到氣先講果啲說話。樓主,你哋兩公婆男主 ...

係,我都知我老公好辛苦對住我
所以我覺得分開對大家都好
我做唔到佢要求,佢做唔到我想要
我唔係只係話我幫佢陀佢無付出
我知佢辛苦工作
所以未有細b前我做哂所有野等佢返黎咩都唔洗煩可以同個仔玩
只係呢胎我身體好差辛苦到想喊
想佢關心一下我
我無要求好多野
如果老婆想老公關心都有問題,我都無野講
世界上就係太多人覺得男人搵錢
做女人既要專心管好頭家唔好要求多多
但往往唔明白當中既辛酸
孕期身體上情緒上既問題唔係自己可以控制到
長期既拉緊狀態我透唔到氣
我既生活呢兩年變化好大
可以既話我都想做開心快活人





複式洋房

國民生產總值:377


發表於 16-10-19 13:28 |顯示全部帖子
iyadahmed 發表於 16-10-19 12:52
情緒問題呢樣野真係控制吾到, 可大可小, 一有問題要即刻搵人幫, 吾好收埋收埋自己捱, 因你吾知幾時爆煲, 你 ...

多謝你
多謝每個媽媽鼓勵

見到啲人令我唔開心既留言反而感恩
因為同時有更多媽媽會明白我感受安慰我

我無人可以呻先想搵個無人識我既平台宣洩我既情緒

其中一個最難問題我老公同我屋企人出現問題
佢唔比我媽咪黎
要一段時間去解決
我唔敢同屋企人講驚佢地傷心唔開心
有唔開心都唔可以同佢地講

但我會努力橕住,阿仔係我既開心果
我會為兩個寶貝加油落去


水晶宮

國民生產總值:54754


發表於 16-10-19 13:48 |顯示全部帖子
加油啊,放鬆D自己,你咁樣對肚入面個bb都有影響
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎