×

用戶登入

找回密碼 | 註冊


王國facebook
義工

產前產後 今日: 43|主題: 236372

查看: 1736 | 回覆: 10
8W3D,已作最壞打算,想問各位少少問題?


洋房

國民生產總值:72


發表於 16-10-19 23:27 |顯示全部帖子
大家好!我Last M 22 Aug,今日Day 59,照過3次陰超及看2次中醫,情況如下:

Day 45:第一次在私家照胎0.51cm 冇心跳,醫生說正常。
Day 51:因流啡去了瑪麗照胎0.6cm 冇心跳有瘀血,醫生說不樂觀,同日立即去看中醫,佢說個胎幾好…
Day 58:去中醫復診,佢同樣說幾好…
Day 59:去返私家照胎0.65 cm 冇心跳,今次醫生說不正常,沒有生長,70%冇左,叫我下星期返瑪麗照…

今天我同老公很傷心,不過已作最壞打算,所以想問下各位以下問題:

1. 有沒有需要下星期去瑪麗之前再找另外一個私家再照?
2. 如要做人流,藥流還是刮宮好?
3. 如要做人刮宫,瑪麗好嗎?要排多久?

謝謝,希望有奇蹟……



大宅

國民生產總值:1818


發表於 16-10-20 13:37 |顯示全部帖子
個人覺得,佢有長到,不過真係好慢,你看多個西醫再作決定,雖然唔知結果如何,但係都叫自己盡左力,問心無愧。
我2年前小x,係威記塞藥,但不成功,最後要刮宮。塞藥的不成功機會我覺得係高,當年搞完塞藥唔得,都搞左3星期,最後要刮,搞到無晒病假,連月都無坐就返工,我會選一開始刮,雖然傷,但真係可以坐到月,唔駛好像當年咁玩左3星期得個吉


洋房

國民生產總值:82


發表於 16-10-20 14:23 |顯示全部帖子
妳而家只係8w,加上可能遲排卵,可以觀察耐啲及睇多一個醫生,唔好咁快放棄~


大宅

國民生產總值:3896


發表於 16-10-20 15:12 |顯示全部帖子

回覆:8W3D,已作最壞打算,想問各位少少問題?

唔一定要藥排或刮宮,我之前10w冇左,係自然排出,我食左d黑木耳&木瓜,兩日就排左出黎,醫院個期未到已清曬。



洋房

國民生產總值:72


發表於 16-10-20 17:15 |顯示全部帖子
本帖最後由 idytse0602 於 16-10-20 17:23 編輯

謝謝各位,我想問在決定放棄之前,就呢個情況,是否一定要驗HCG指數作核實胎兒已停止生長?因為之前一路沒有驗過。
此終今次係首次懷孕,真係好唔開心,但心態調整至面對現實,希望在明天……


洋房

國民生產總值:62


發表於 16-10-20 18:30 |顯示全部帖子
1.唔好信中醫
2.如果萬一真係唔得,盡量要求藥流,因為刮宮對子宮傷害很大,而且機械性損傷系修復唔到
3. bb要加油!努力生長!祝你好運


洋房

國民生產總值:82


發表於 16-10-20 19:00 |顯示全部帖子
我既case:結婚前1個月意外懷孕,本來雙喜臨門超級開心。前後三次陰超兩個胎囊(孖胎)均有增大,三個星期以來HCG均有升高,可惜直到10-11w始終冇心跳。醫生話就算個胎生長唔到,胎囊仍會繼續增大,所以咁唔代表正常。最初諗住藥流冇咁傷身,又可慳返刮宮既手術費,不過可能孖胎難清,最後都要刮宮。

我都係第一胎,由雙喜臨門到知道孖胎到證實小產,完全接受唔到,又怪自己為搞婚禮冇好好安胎。雖然非常傷心,但係BB自然淘汰,好過生佢出來。


大宅

國民生產總值:2733


發表於 16-10-20 19:57 |顯示全部帖子
藥流先,排唔清,都唔一定要刮宮,叫醫生開口服子宮收縮藥,食足一星期,會排晒


複式洋房

國民生產總值:441


發表於 16-10-21 15:23 |顯示全部帖子
同意樓上~ 唔好信中醫

如果我係你, 我快手會搵第2個私家照多次~ 確定有冇心跳 (因有時一個醫生搵唔到,第二個可能搵到的...但我知你已照過兩個醫生, 雖然機會不大但我會再睇多個搏一搏~)

驗HCG似乎無乜用~ 可以係個胎囊繼續長大但始終無心跳都無用的...

無論如何我一定會揀左藥流先! 最後最後一步先會刮宮....因為刮宮好傷的, 子宮膜薄左仲會影響日後受精卵著床機會!


大宅

國民生產總值:1267


發表於 16-10-22 12:30 |顯示全部帖子
我會看多個醫生, 中醫除非係你看開的, 如果唔係唔知你身體的情況,
萬一真係唔 得.....我會食藥先, 刮宮係最後一步..
加油! 媽媽!


別墅

國民生產總值:778


發表於 16-10-23 10:58 |顯示全部帖子
我上胎都係無心跳。我最後揀咗吸宮,因為我本身好怕痛,而且塞藥怕排唔清,又唔知佢幾時會排出,同埋自己本身要翻工,過程太漫長。後尾聽私家e生建議做吸宮,早早清乾淨,可以早d準備下一胎。

我覺得你個胎係有生長到,只係長得有d慢,如果唔咪出血多又有肚痛,我覺得可以等等。我個時胎係無長不特止,係每次照都縮細緊的,因為無出血,所以我當時等到胎囊變晒形,真係唔得先至做手術。

我覺得你再搵私家照下比較好。希望樓主有好消息帶來…
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎