×

用戶登入

找回密碼 | 註冊


王國facebook
義工

夫婦情感 今日: 8|主題: 36697

查看: 7880 | 回覆: 37
個F嘅遭遇,不喜勿噴


別墅

國民生產總值:892


發表於 16-11-24 02:21 |顯示全部帖子
本帖最後由 麻瓜 於 16-11-24 11:32 編輯

(聲明,個F介紹嘅內地F,後做埋閨蜜,真人真事,只因同情佢遭遇,但不贊同佢做法,歧視勿睇)我中學畢業先識佢 佢啲事都係佢風淡雲清咁帶過
個F家境唔好,有個癲癲地又有暴力傾向嘅老豆,軟弱無能嘅呀媽,細個開始已經係好有主見,又細粒,試過為保護呀媽而同老豆打交
中二時識咗個男仔,就成日跟個男仔返屋企,慢慢感受到男仔屋企好有家庭溫暖,最起碼可以開心咁同屋企人同台食飯
中三後,冇錢讀書,亦都因為讀唔到書而輟學去揾錢,19歲懷孕要結婚。同佢自己老豆講,佢老豆獅子開大口,話要幾皮野聘金,男家左夾右夾咗两萬幾去,佢老豆要求佢係眾人面前下跪,要求大声認不孝之錯,個F全部做曬,終於開心出嫁
結婚之後,返工,家務一手包辦。相反,慢慢見到老公及其家人真面目。老公游手好閒,日日發埋啲老闆夢,盲字唔識多個,成日問佢攞錢。家姑唔帮手分擔家務,等人服侍,家公成日叫雞,仲帶出帶入,成日同家姑打交。
有次唔知因乜事有5個月身孕嘅佢被老公打,仲想由二樓推佢落去,佢家出走,最終因爲冇地方去而折返,7個月時因爲激氣而早產,個b女太嫩,腦部受損,呼吸困難,屋企决定放棄就醫,老公及家姑草草处理條屍後當冇事發生。

作為媽咪,被逼放棄自己骨肉,連bb個樣都未見過。就被bb自己爸爸同嫲嫲抛棄,同可能棄屍郊野。佢喊到肝腸寸斷,驚接受唔到 唔敢追問女兒屍體下落,亦都唔敢回想。

過咗一段時間,冲淡咗心痛,開始工作,因為老公無能,佢對老公冇希望,夫妻感情尤如行屍走肉,有試過結識其他異性,及發生關係。

(第二,三篇係8.9樓。想追留意本篇評論)


王國熱話
急聘: 夜班 / 中班 保安員
請人-電訊業direct sales
大型電訊公司請hotline
現金出糧 - 屯門區西餐廳 聘請全職或兼職...


子爵府

國民生產總值:14758

ProAbsorb勳章 動物勳章 樂桃猴年勳章 畀面勳章 BK猜猜猜慶中秋 BK Milk勳章


發表於 16-11-24 03:19 |顯示全部帖子

回覆樓主:

追。


珍珠宮

國民生產總值:38048


發表於 16-11-24 03:35 |顯示全部帖子


大宅

國民生產總值:1515


發表於 16-11-24 07:54 |顯示全部帖子

回覆樓主:



<a href="http://daisypath.com"><img src="http://da.daisypath.com/armqp8.png" alt="DaisypathNext Anniversary Ticker" border="0" width="400" height="80" /></a>


珍珠宮

國民生產總值:34342


發表於 16-11-24 08:17 |顯示全部帖子

回覆樓主:

留位


大宅

國民生產總值:1053


發表於 16-11-24 09:07 |顯示全部帖子

回覆樓主:

f


別墅

國民生產總值:961


發表於 16-11-24 09:26 |顯示全部帖子


別墅

國民生產總值:892


發表於 16-11-24 10:38 |顯示全部帖子
麻瓜 發表於 16-11-24 02:21
(聲明,個F介紹嘅內地F,後做埋閨蜜,真人真事,只因同情佢遭遇,但不贊同佢做法,歧視勿睇)我中學畢業先 ...

第二篇
两年後,21歲,佢老公都係做緊廢青,每日唔多,叫F俾十幾廿蚊佢買煙食,我F亦都唔係省油的燈,都會因不滿而閙佢老公宣泄,佢老公都由佢閙不還口。有次因閙到都幾過份,佢老公火起運佢係房打佢,仲强行行房,我F受辱,再次出走,去另一個F到住咗两日,俾佢老公揾到。佢老公誠心向佢認錯後,帶咗佢去開房。两個月後,再次有咗身孕,但係屋企地位都冇變到,依然要工作,家務两頭騰。其他人仲手fin fin。佢諗住帶住佢老公學做下小本生意,唔好俾家人睇死,問家公借昨6萬蚊去加盟咗啲濕x精品鋪,租金,鋪面装修,好快就冇曬。老公天真到以為咁嘅鋪仔揾到好多錢,周圍去soso,完全唔知間鋪舌緊錢。做唔够幾個月就汁咗,俾家公家婆踩足幾年,本身佢老公好食懶飛,又瘦又黑,家公仲衰到周圍唱佢老公吸毒,hi嘢。我F收到風後直揾佢家公對質,佢家公仲想攞凳訂身懷六甲嘅佢,個F都唔示弱,同佢打過。跟著俾佢老公拉咗入房,之後同家公同一屋簷,如同陌生人。
冇奈,個仔足月出世,因為失業,屋企唔帮,老公冇望,生仔錢,奶粉錢,衫褲錢,通通用結婚時嘅禮金同老本。挨到個仔半歲,家婆先帮佢手望下,俾佢出去揾食。因為對老公失望,性生活不協調,上网識咗两個男人,亦都逢場作戲咗段時間。就咁嘅情況下,過咗两年,個仔要讀書,供保險,每月二千幾蚊人工,根本對每個學期3000,保險每年1000及其他支出負擔唔起。開始變賣嫁妆嘅金器,老公仲發緊老闆夢,成日想同人夾份做生意,又懶又冇腦,覺得劈舊錢去,錢就會生仔咁。俾F不斷奚落。但又為咗想扶持個老公,唔想個仔似佢咁,又攞8000出來,去做咗個做鞋嘅版房,請咗個師傅仔(F家鄉成個鎮係以做鞋為主業,咁多年都係打鞋廠工),因為係副業根本冇乜時間去鎮守版房,老公又嗚下嗚下話冇大錢揾嘅,冇心做。就咁間版房俾師傅食埋,師傅呃佢老公話橫掂做唔起,不如将啲工具之類全部賣俾佢,呢到值八千宜家俾住400蚊按金


別墅

國民生產總值:892


發表於 16-11-24 11:31 |顯示全部帖子
麻瓜 發表於 16-11-24 02:21
(聲明,個F介紹嘅內地F,後做埋閨蜜,真人真事,只因同情佢遭遇,但不贊同佢做法,歧視勿睇)我中學畢業先 ...

第三篇
其餘寫張連署名都冇嘅欠條俾佢老公,佢老公仲不知幾開心,有400蚊櫃桶底穿,其餘仲有七千幾蚊到手。個F知道咗間版房俾佢老公賣埋後,諗住攞張欠條嚟睇,點知張欠條仲簡單到得一行字,激到眼都直埋,真金白銀俾老公換張紙返嚟,又唔以係屋企嘈。唯有吞埋啖氣,逼佢老公去做野,還返錢俾自己,但份份都做唔長,又匿返係屋企。

個時我仲讀緊書,唔明白佢點解可以咁忍得,竟然唔一走了之。宜家終於明白,冇外家靠,冇錢,有個仔連系住,係一個幾無奈嘅事

就咁激激氣氣過咗幾年,個仔已經6歲了,其間個F都轉咗唔小工.都儲咗小小錢。之後揾到間做鞋底嘅,係間鋪到識咗個同行老闆,三十出頭嘅有婦之夫。又開始發生關係。大家唔使負責任,玩完就散

個F同我地講,對住佢老公已經冇曬性趣,次次都係被迫行房,冇前戲,冇愛撫,半夜直入,痛到無論,仲快過劉翔。而情夫私處有鑲珠,有情調,又爆房,高潮連連
所以我地称情夫為阿珠

因為第一胎漏下咗月子病,咁多年來,身體唔好,成日要中西合醫。所以珠都對佢幾好,出差會買保建品,唔舒服會帶佢睇醫生。相比老公之下,佢感覺非常窩心,但係都知道各自有家庭,係唔會有可能一直發展。

我地都有力勸,佢地都難舍難離,唯有佢自己去平衡返個家庭,個猪兜老公一啲疑心都冇

同珠嘅關係維持咗年幾,其間俾元配揾過,但都係有出嚟。有次因爲鞋版權問題,佢通水俾珠,自己老闆生意俾珠搶咗,才驚覺,原來一直以來 ,自己只係珠嘅棋子。而因為老闆知道佢地呢層關係加上生意被搶,俾老闆炒咗。


待續⋯⋯



珍珠宮

國民生產總值:39444

樂桃猴年勳章 BK Milk勳章 2015xmas


發表於 16-11-24 12:35 |顯示全部帖子
本帖最後由 Jolin_Yuen 於 16-11-24 12:35 編輯



咁既男人仲要同佢生BB..樣樣野都可以幫, 唔自愛可以點幫呢?
我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
老公是我平庸的色彩.
多多是我平常的歡樂.
一家人嘛!


大宅

國民生產總值:1885


發表於 16-11-24 12:48 |顯示全部帖子
自找


水晶宮

國民生產總值:65092


發表於 16-11-24 13:34 |顯示全部帖子


複式洋房

國民生產總值:102


發表於 16-11-24 15:46 |顯示全部帖子

回覆:個F嘅遭遇,不喜勿噴

Big6女人




複式洋房

國民生產總值:454


發表於 16-11-24 15:59 |顯示全部帖子
好多女人以為一心對個男人好, 幫個男人......個男人就會改..................


公爵府

國民生產總值:27215


發表於 16-11-24 16:07 |顯示全部帖子
鬼古一樣....

冇依冇靠既女人就一定只可以靠男人?
就算o個件係垃圾級別??


珍珠宮

國民生產總值:40073

好媽媽勳章 BK Milk勳章


發表於 16-11-24 18:27 |顯示全部帖子

回覆樓主:

無人男一定會死?一個又一個都係渣男重要搵?
F自找,其實離婚,靠自己養大個仔重可以開開心心咁生活
唔好點評我,電話睇唔到點評


侯爵府

國民生產總值:23299

好媽媽勳章


發表於 16-11-24 20:29 |顯示全部帖子
其實F都唔係省油的燈, 點解唔跳出呢個所謂的家自立???
開心其實好簡單


子爵府

國民生產總值:11423


發表於 16-11-24 22:01 |顯示全部帖子
業力不是講笑的。


別墅

國民生產總值:892


發表於 16-11-24 22:20 |顯示全部帖子
mulan1985 發表於 16-11-24 18:27
無人男一定會死?一個又一個都係渣男重要搵?
F自找,其實離婚,靠自己養大個仔重可以開開心心咁生活
...

點靠自己?要揾食,邊個凑仔?凑仔點揾食?


別墅

國民生產總值:892


發表於 16-11-24 22:20 |顯示全部帖子
mimi88 發表於 16-11-24 20:29
其實F都唔係省油的燈, 點解唔跳出呢個所謂的家自立???

點靠自己?要揾食,邊個凑仔?凑仔點揾食?
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎