×

用戶登入

找回密碼 | 註冊


王國facebook
義工

想生BB 今日: 76|主題: 89181

查看: 1700 | 回覆: 20
想生bb既心理關口


複式洋房

國民生產總值:102


發表於 16-11-24 15:46 |顯示全部帖子
可能會俾其他jm話/鬧, 但我確實唔太喜歡小朋友, 可能在中學時期同一時間幫手湊過3 個小朋友 (幼稚園) 既關係, 小朋友在我心中只有麻煩, 嘈同失控...
結婚前我已經講明我唔想生, 可能我覺得bb會搶左老公既專注 (但有男性表示bb搶左老婆既專注), 怕無哂自由, 又怕有左bb之後父夫妻多左拗撬, 覺得香港唔適合有下一代, 全球又多災多難咁... 老公都接受左, 話唔生都無問題, 只怕我將來後悔...
婚後, 有次遲左m到 (一直有避孕), 老公講笑咁叫我拎產假, 我即時爆喊, 喊到我老公以後都唔敢再提有關bb既野...我都唔明點解會咁驚有BB, 驚到控制唔到自己既情緒...
自從爸爸病逝之後我重新思考係咪應該有BB, 如果我有咩事走先都有個細路可以陪住老公(我唔知咁既思想正唔正確, 唔係為養兒防老, 只係想有個親人), 但每當有生bb依個念頭時, 以上既因素又令我唔想生...

我知老公其實幾鍾意小朋友, 唔生係我自私, 生左我又驚我抑鬱唔知做咩傻事...真係好矛盾...有無jm可以分享下...
 


大宅

國民生產總值:2187


發表於 16-11-24 16:11 |顯示全部帖子
如果目的係為要親人陪住老公既, 可以考慮生. 但你既擔心, 唔去解決, 你都唔會安心去生.


大宅

國民生產總值:1943

BK Milk勳章


發表於 16-11-24 16:19 |顯示全部帖子

回覆樓主:

本帖最後由 dadamatrix 於 16-11-24 16:21 編輯

其實兩公婆要有一致既取向,先可以行落去...我試過兩段婚姻,第一段婚姻c6唔鍾意小朋友,又係話香港立立亂,唔適宜有小朋友,我又想要小朋友,一直得唔到共識,係要打從心底既共識,唔係話口講既無所謂,結果一年後就離婚..我想要小朋友既其中一個原因係,兩公婆之間既愛係咪可以一生一世?你地之間既話題又係咪可以傾一世?你接唔接受到你對住眼前既人一生一世而又無乜話題?我自問唔係好鍾意小朋友,就算而家生完,都覺得小朋友好惡魔,直頭係破壞王!但總有好sweet既時候,呢種感覺係做父母先體會到,如果你老公鍾意小朋友,我諗你要好好諗清楚,有d野係要compromise, 特別係女人可以生仔既時候唔多,唔好諗住可以諗多幾年先決定,到時只會後悔....就好似我咁,原本堅決諗住生一個,到而家想生第二個,等左兩年幾都唔得,就快高齡tim ...

P.s.如果每個人都覺得時勢唔適宜生仔,人類好快會絕種....時勢差係對佢地既挑戰,每個年代都有差既時候....


男爵府

國民生產總值:5059


發表於 16-11-24 16:28 |顯示全部帖子
我自己都麻麻地鐘意小朋友,但而家唔生我覺得我會後悔..我今個月頭已經生埋第二個,我唔想老左無得生先黎唔開心,唔生過仔都唔知自己係個女人


複式洋房

國民生產總值:494


發表於 16-11-24 17:03 |顯示全部帖子
明白ge,但諗清楚先,如果真係好唔想唔好勉強,對小朋友唔好


複式洋房

國民生產總值:102


發表於 16-11-25 09:31 |顯示全部帖子
回覆 dadamatrix 的帖子

我都知女人可以生BB既日子有限, 所以先咁躊躇...我見你都係話唔太鍾意小朋友, 咁點解唔太鍾意小朋友但又會想生小朋友呢? 當中既原因可唔可以分享下?


複式洋房

國民生產總值:102


發表於 16-11-25 09:37 |顯示全部帖子
回覆 che13 的帖子

無論生同唔生, 我都怕自己會後悔呢...


複式洋房

國民生產總值:102


發表於 16-11-25 09:40 |顯示全部帖子
回覆 dclm 的帖子

咁我又唔會用小朋友黎宣洩脾氣既, 某程度上我對小朋友都好有耐性, 最大既心理關口係自己即,


大宅

國民生產總值:1943

BK Milk勳章


發表於 16-11-25 10:45 |顯示全部帖子
loklok114 發表於 16-11-25 09:31
回覆 dadamatrix 的帖子

我都知女人可以生BB既日子有限, 所以先咁躊躇...我見你都係話唔太鍾意小朋友, 咁 ...

咪就係因為唔可能兩公婆你眼望我眼對成世有幾愛都會悶,都要有話題架嘛....同埋生完小朋友就完全另一回事,始終自己骨肉..


複式洋房

國民生產總值:339


發表於 16-11-25 15:58 |顯示全部帖子
dadamatrix 發表於 16-11-25 10:45
咪就係因為唔可能兩公婆你眼望我眼對成世有幾愛都會悶,都要有話題架嘛....同埋生完小朋友就完全 ...

我同意,我幾唔鐘意小朋友,以前覺得好嘈好煩,同埋我自己性格易轉牛角尖,諗野又灰,係心諗產前產後抑鬱一定有我份果啲人,但我先生超鐘意小朋友,連發夢都見到果隻!

最後我都為左老公妥協。


洋房

國民生產總值:32


發表於 16-11-25 17:48 |顯示全部帖子
我原先都唔太鍾意小朋友 但我老公好鍾意 同埋我覺得始終有小朋友先似返個家 就開工 點知不幸小產左 小產左後我先發覺原來自己母性咁強烈 雖然好短時間 但不經不覺個b帶左好多回憶俾我 你之後有左可能有唔同既感覺 btw 當我知道我有左時 我第一句係omg 同好想係咁講粗口 不過而家好想佢快d返黎我身邊 可能有經歷同知道得來不易時 心態就有所轉變


大宅

國民生產總值:2116


發表於 16-11-25 19:11 |顯示全部帖子

回覆樓主:

如果真係唔想生咪唔好生,反正老公都ok
生同唔生,其實最終陪伙係你另1半
因為你若生小朋友,30幾年後佢都會有另1半架啦
反而要諗清楚點解唔生既理由,係咪大過生,記住唔好後悔就得啦


複式洋房

國民生產總值:102


發表於 16-11-28 09:58 |顯示全部帖子
回覆 Cherryhuiii 的帖子

JM你真係好堅強, 仲可以開解到我,舐犢情深, 我未有生養未可以完全領會, 但都知道孕育生命係一件了不起既事..


複式洋房

國民生產總值:102


發表於 16-11-28 10:11 |顯示全部帖子
回覆 小墨魚 的帖子

口講OK, 亦都係為左就我所以唔要啦, 但我睇得出佢鍾意小朋友


大宅

國民生產總值:2116


發表於 16-11-28 10:46 |顯示全部帖子
loklok114 發表於 16-11-28 10:11
回覆 小墨魚 的帖子

口講OK, 亦都係為左就我所以唔要啦, 但我睇得出佢鍾意小朋友 ...

其實你有咁既疑惑都代表你有意思,咁我希望你把握機會,到時你可能會後悔咁遲生BB,因為太可❤,應該早D擁有


男爵府

國民生產總值:7725


發表於 16-11-28 14:49 |顯示全部帖子
Cherryhuiii 發表於 16-11-25 17:48
我原先都唔太鍾意小朋友 但我老公好鍾意 同埋我覺得始終有小朋友先似返個家 就開工 點知不幸小產左 小產左 ...

我同你嘅心態完全一樣呀,又係之前無諗住生,係老公想要,好喇到真係有左,我上星期好不幸咁小產左,到無左之後我先發覺原來我都係好想要bb架,我而家會慢慢調理好自己身體,之後再等小天使降臨


別墅

國民生產總值:635


發表於 16-11-28 17:02 |顯示全部帖子
本帖最後由 tabbytabby 於 16-11-28 17:05 編輯

我同樓主所諗的一樣. 但我已開始高齡. 所以要呢幾個月做決定.
前幾個月開始說服自己生BB. 上個月開始同先生想順其自然. 諗住試半年. 由天去決定. 但我已搞到自己好大壓力, 好唔開心. 直到我先生話不如唔好生.佢話我身體又唔係咁好.又估唔到我會為生BB有咁大壓力.加上無香港讀書咁辛苦. 聽到佢話唔生果一刻,我成個放鬆晒. 不過其實我自己心底裡都係決定唔到, 因為只怕而家唔生, 第時後悔.


洋房

國民生產總值:32


發表於 16-11-30 18:37 |顯示全部帖子
loklok114 發表於 16-11-28 09:58
回覆 Cherryhuiii 的帖子

JM你真係好堅強, 仲可以開解到我,舐犢情深, 我未有生養未可以完全領會, 但都知道 ...

其實我都唔係好堅強 只係傷心過後都仲要振作 其實我而家都好驚下一次就算bingo都好怕再有今次件事發生(emoji)不過總要向前看ma 我地大家加油(emoji)(emoji)(emoji)(emoji)


洋房

國民生產總值:32


發表於 16-11-30 18:39 |顯示全部帖子
Tinny 發表於 16-11-28 14:49
我同你嘅心態完全一樣呀,又係之前無諗住生,係老公想要,好喇到真係有左,我上星期好不幸咁小產左,到無 ...

我地齊齊調理加油(emoji)(emoji)(emoji)(emoji)我而家好勤力食中藥 食雞精食蛋白質 心情開心


男爵府

國民生產總值:7725


發表於 16-11-30 18:42 |顯示全部帖子
Cherryhuiii 發表於 16-11-30 18:39
我地齊齊調理加油(emoji)(emoji)(emoji)(emoji)我而家好勤力食中藥 食雞精食蛋白質 心情開心

...

我而家坐緊月去調理身體
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎