×

用戶登入

找回密碼 | 註冊


王國facebook
義工

元朗區媽媽會 今日: 17|主題: 28823

查看: 722 | 回覆: 7
3岁b言语迟缓


複式洋房

國民生產總值:110


發表於 16-11-24 16:27 |顯示全部帖子
我仔仔就快3岁,刚返学2个几月,只识讲2个字噶词语,未返学之前一个字都唔讲,呢2个月都算有进步。刚收到学校通知k1系后备,好明显唔想收我仔仔,我个心都淡埋,老师经常投诉仔仔推d小朋友,唔中意讲野,甘你老师有冇用心教导我仔仔先!点解依家d学校,老师甘冇爱心,如果仔仔真系冇学校收,冇书读,都唔知点算好?心灰灰!有朋友话要去言语治疗,有朋友又话唔洗去治疗,等佢大个d自然会讲野,我都唔知点搞好。有冇相同经历噶姐妹可以开解下我吖?

王國熱話
孖B幾周出世 & 幾重 ?
私院孖b開刀
2017 孖胎媽媽?
孖b真的要請2個工人嗎?


複式洋房

國民生產總值:480


發表於 16-11-24 16:54 |顯示全部帖子
利申:
一)我的小朋友歲半返健康院時有俾姑娘話似發展遲緩,於是走左去排期見醫生,至今兩歲三個月,仲未見。
二)返N班前唔肯講嘢,估佢係因為表達唔到自己,情緒唔太穩定,好易發脾氣。
三)返N班後開始肯跟大人學講嘢,雖然仲停留在兩個音節的字詞,但明顯見到佢嘗試表達自己、脾氣冇咁大,心情靚曬。

從你的留言,明白你會覺得無助、唔知點好。依你的描述,其實……健康院有冇建議你去排期?如經濟許可又心急的話,私人機構的診斷都係可以的。其次,老師向你的表達到底是「報告情況」還是「投訴」,外人無從判斷,但依我之前向過從事遊戲治療師朋友取經,要幫小朋友學講嘢,好多訓練口肌的活動同感覺統合(外在刺激)其實係靠家長做,老師本身有教學內容要教,唔通每分每秒教我個仔吹波波、吹紙條、 同佢玩沙玩泥膠咩!

我本身都係教育界,好明白同一件事若有不同表達方法,就會令家長有不同的感受。如果個老師笑曬同你講:「你小朋友好似仲未肯講好多嘢,不如你返屋企試下咁咁咁……其實我地學校都有……不過家校合作就會最好!」其實心裡都係想家長做多啲,不過要顧「客仔」感受囉……

返回正題,見唔見言語治療師,你和家人自己做決定,但網上應該有不少資訊係教家長幫小朋友練口肌、說話能力。唔好等,晚晚做啲,好快你會見到有果效。加油!唔好氣餒!


複式洋房

國民生產總值:110


發表於 16-11-24 17:54 |顯示全部帖子
apbaby 發表於 16-11-24 16:54
利申:
一)我的小朋友歲半返健康院時有俾姑娘話似發展遲緩,於是走左去排期見醫生,至今兩歲三個月,仲未 ...

好多谢你嘅留言,我仔2岁返健康院姑娘话冇问题,但我自己有去屯门医院排期等见医生,日日凑到烦躁,好无助吖,自己有揾出边嘅私家,都系等紧排期,唔知几时先有位治疗。


別墅

國民生產總值:864


發表於 16-11-26 17:04 |顯示全部帖子
你試下同佢多講嘢,例如問佢食乜比佢揀,要佢試講該食物名稱就比佢食!只要肯試講唔清都比!如此類推!有朋友試過得左!


複式洋房

國民生產總值:110


發表於 16-11-26 17:23 |顯示全部帖子
MinaEric 發表於 16-11-26 17:04
你試下同佢多講嘢,例如問佢食乜比佢揀,要佢試講該食物名稱就比佢食!只要肯試講唔清都比!如此類推!有朋 ...

好的,谢谢你,有心人


複式洋房

國民生產總值:382


發表於 16-11-26 18:56 |顯示全部帖子
MinaEric 發表於 16-11-26 17:04
你試下同佢多講嘢,例如問佢食乜比佢揀,要佢試講該食物名稱就比佢食!只要肯試講唔清都比!如此類推!有朋 ...

呢個方法真係萬試萬靈,我仔22個月時連爸爸媽媽都唔講架,上咗playground 後,老師用食物或者玩具引佢講野,慢慢佢而家上咗2個月已經肯跟人講野,可以講到2至3個字,而係屋企我每日都同佢睇書教佢讀A一Z,顏色,形狀,生果,日常用品,食物,你會睇到佢每日都有進步,加油啊!


複式洋房

國民生產總值:124


發表於 16-11-26 21:23 |顯示全部帖子
心同感受,大家加油!


複式洋房

國民生產總值:181


發表於 16-11-27 01:26 |顯示全部帖子

回覆樓主:

http://mamamilkbaby.com/談幼兒語言學習小竅門/
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎