×

用戶登入

找回密碼 | 註冊


王國facebook
義工

自由講場 今日: 5720|主題: 869364

查看: 561 | 回覆: 0
高登仔vs親子王國師奶 邊個扑中《致命復活》大奸角?


水晶宮

國民生產總值:68068

畀面勳章 環保接龍勳章 親子達人勳章 BK Milk勳章


發表於 16-11-25 18:13 |顯示全部帖子
親子王國一班媽媽級:估萬綺雯




郭晉安今次喺大台劇《致命復活》做唔成超級撒亞人,反而俾人綁架,喺山洞住咗10年做咗野人,最後走得甩,返香港決心搵番真兇。就咁聽個劇情,其實都幾吸引嘅,郭晉安為咗報仇,會唔會走火入魔,已經好夠噱頭。


拍得呢類劇集,仲有個好處,就係所有觀眾都知有個幕後黑手,可以邊追劇邊做「福爾摩斯」,估下邊個係final boss。


《致》劇總共播咗6集(首播日連播兩集),唔少人已經喺網上留言,話見到郭晉安大叫就諗起阿旺,又話等睇佢成魔云云。至於邊個綁架佢,又困咗佢10年,令到老婆萬綺雯同咗黃德斌喺埋一齊,成頂帽咁樣俾人笠落嚟,難怪啲人都想幫郭晉安緝兇。


親子王國一班媽媽級:估萬綺雯

網民就「睇好」萬綺雯一早知道有人會對老公出手,仲話郭晉安一出發去越南,就緊張到連杯都差啲打爛;甚至有人估,呢次綁架,係萬綺雯用嚟懲罰老公同陳庭欣偷情……當然啦,鍾意咗萬綺雯好耐嘅黃德斌,亦都因為咁而幫手,自然就可以乘虛而入。

香港討論區一班Ching:估張國強
不過香港討論區班網民就唔係咁諗,有網民覺得萬綺雯同黃德斌食好住好,冇理由搞單大頭佛出嚟咁麻煩,黃德斌仲要為咗救人,仲腳都冇埋,一啲都唔著數。反而佢哋就覺得張國強最古怪,原本由佢去越南,點知臨時要「通波仔」做手術,等郭晉安失蹤咗10年,就食埋佢公司啲股份,拎咗咁多著數,俾人懷疑都好合情合理啦。


高登仔:最後估王浩信,依家未有定案

一向做開神探嘅高登仔,未有咁武斷估邊個先係真兇,但就開始抽絲剝繭,話最初有份去越南嘅王浩信,雖然俾郭晉安利用過安撫班工人,不過佢有份被綁、跟黃德斌返去賊竇、返到香港又自責,又求有錢老竇出手救郭晉安咁,點睇都唔似衰得去邊。

嗱,話晒都係台慶劇,有冇咁易估到邊個係兇手先?所以都有人估,可能綁架呢件事冇郭晉安身邊人份,不過大家都有秘密,炒炒埋埋先令佢無辜辜困咗10年。





《致命復活》播咗未夠一個禮拜,就有好多人估邊個係幕後大佬。(電視圖片) 安仔老婆萬綺雯係咪知內情所以心虛?(電視圖片) 黃德斌就被人估佢為咗搶走萬綺雯,所以自導自演一場戲。(電視圖片)
但又傷咗隻腳,又俾人用槍指住個頭,有冇咁博命呀?(電視圖片) 最後佢兩個又真係行埋一齊,有冇咁橋?(電視圖片) 至於王浩信一出場就俾安仔利用,有人覺得係佢出招在先。(電視圖片)
但佢都有份俾人打到成身血……唔通又係苦肉計?(電視圖片) 張國強就被指知曉一切,仲用「通波仔」做藉口,推安仔去越南。(電視圖片) 有媽媽級fans係咁諗:懲罰老公偷食。

黃德斌仲簡單,為咗搶人老婆。
高登仔就話王浩信係好人。



你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎