×

用戶登入

找回密碼 | 註冊


王國facebook
義工

今日: 23|主題: 48908

查看: 1247 | 回覆: 30
(長分享)寶血醫院林立寶女醫生


複式洋房

國民生產總值:239


發表於 7 天前 |顯示全部帖子
因為我驚順產要陣痛好耐,所以都一早決定係開刀。之前有考慮法國,浸會,都有一一去過參觀。最終決定寶血醫院。

法國
好:比較出名,比較多醫生會選擇呢度掛單
唔好:口碑參半,大陸媽共處大房

浸會
好:同法國一樣
唔好:最貴(around 6萬埋單)

寶血
好:最平,港媽大陸媽分隔,可以upgrade 2人房
唔好:唔出名,驚醫療設備唔好,少醫生掛單

因為寶血的好處太吸引,所以就姑且一試。初期在其他私家產檢,我BB 正正常常,加上婦科醫生年時已高,唔做接生,只做產檢。

所以更驅使我去寶血扑槌。因為寶血規定要join 4千產檢(包6次)先可以優惠價join 開刀套餐。

理所當然地睇下寶血所提供的醫生名單。比較出名的張智已經收夠客唔接新case, 退而求其次就在google 逐個search, 其他醫生都有d 醫療失誤(驚)唯獨林立寶女醫生冇人comment 過。所以,又姑且揀林醫生為產檢直到接生。

配合天時,我個仔真係正常size, 正常胎位,無咩大問題。每次產檢見林醫生,她都非常溫柔+細心,有求必應。之前初初陀b 見的老醫生,也是普通檢查心跳,size. 但林醫生係幫我照埋臍帶血,臍帶位置,心跳,頭,腰,手呎吋,仲有我要求照埋BB 樣,佢都一一照埋畀我睇。

佢係表列醫生,但唔會哪西,唔會hea 你。其實她自己都有自己的醫務所在佐敦。她亦從來冇強迫我開刀,她都建議可以就順產。有時她很倒米叫我去公立生添(如urgent),因為我有少少高血壓。




 


複式洋房

國民生產總值:239


發表於 7 天前 |顯示全部帖子
湯物 發表於 16-11-27 21:58
因為我驚順產要陣痛好耐,所以都一早決定係開刀。之前有考慮法國,浸會,都有一一去過參觀。最終決定寶血醫 ...

(續)

到左生產那天,林醫生配合她合作的麻醉師劉醫生,非常熟手的開刀取出我仔仔,林醫生的細心令我好放心咁交托畀佢。當然,冇人會否認開完刀係痛,手勢再好,都會傷口痛。

總括黎講,寶血醫院的姑娘有9成都係客氣的。設備方面,如果你bb 係冇乜大問題,我係非常建議你揀寶血。

最後,想替林醫生寫個好評,這麼好的醫生,點解google 冇乜資料?好醫生需要讚揚!


大宅

國民生產總值:1698


發表於 7 天前 |顯示全部帖子

回覆樓主:

咁埋單要幾錢呀?


複式洋房

國民生產總值:239


發表於 7 天前 |顯示全部帖子
qqyanyan 發表於 16-11-27 22:26
咁埋單要幾錢呀?

4萬頭


大宅

國民生產總值:1856


發表於 6 天前 |顯示全部帖子

回覆樓主:

恭喜你,我想要林立寶時已經唔收新症,睇左一次楊秀山但覺得麻麻,而家book左麥浩樑


複式洋房

國民生產總值:239


發表於 6 天前 |顯示全部帖子
karma120 發表於 16-11-28 00:35
恭喜你,我想要林立寶時已經唔收新症,睇左一次楊秀山但覺得麻麻,而家book左麥浩樑
...

多謝你呀,咁唔知林醫生幾時再收症呢?! 希望下胎的話用返林醫生!


複式洋房

國民生產總值:208


發表於 6 天前 |顯示全部帖子
Thank you for your sharing! Dr lam will be delivering my baby too (emoji)


別墅

國民生產總值:506


發表於 6 天前 |顯示全部帖子
湯物 發表於 16-11-27 21:58
因為我驚順產要陣痛好耐,所以都一早決定係開刀。之前有考慮法國,浸會,都有一一去過參觀。最終決定寶血醫 ...

寶血性價比一流,只係無咁出名而已。產檢加生仔超平。


大宅

國民生產總值:1066


發表於 5 天前 |顯示全部帖子
本帖最後由 ymyyy 於 16-11-29 06:32 編輯

回覆 湯物 的帖子

謝謝你分享,我3/12都係寶血醫院(明愛)開刀,靚媽你有冇清胎毒?開刀後醫院提供什麼止痛方法給你?開刀後帶來有何不適?


複式洋房

國民生產總值:239


發表於 5 天前 |顯示全部帖子
eikieiki 發表於 16-11-28 10:28
Thank you for your sharing! Dr lam will be delivering my baby too (emoji)

好呀,祝你BB 肥肥白白!


複式洋房

國民生產總值:239


發表於 5 天前 |顯示全部帖子
mombaibai 發表於 16-11-28 11:57
寶血性價比一流,只係無咁出名而已。產檢加生仔超平。

無錯!但當然,如果媽咪有妊娠糖尿,高血壓,有d 高危,我唔建議用寶血。


複式洋房

國民生產總值:239


發表於 5 天前 |顯示全部帖子
ymyyy 發表於 16-11-29 06:32
回覆 湯物 的帖子

謝謝你分享,我3/12都係寶血醫院(明愛)開刀,靚媽你有冇清胎毒?開刀後醫院提供什麼止 ...

無清呀,因為我教到好遲先開刀,林醫生建議38周,但我想39周先開,所以最尾一星期,莫講清毒,連出門口都唔敢,驚佢突然出世嘛

另外,我開刀8am後,全日都冇大痛,仲可以當晚安睡到翌日早上。止痛方法係吊鹽水加止痛,塞肛止痛,以及口服止痛藥。三官齊下,我諗每開刀病人都係咁止痛的。 另外,因為冇人同我同房,我獨霸一房,好清靜,所以幾點訓點開燈都由我話事,所以好好訓。當然,第二日落床第一下係最欏命,醫院指引,係要等醫生巡完房,話你可以拔尿喉,之後你等姑娘拔,再叫姑娘扶你第一次落床。



複式洋房

國民生產總值:239


發表於 5 天前 |顯示全部帖子
ymyyy 發表於 16-11-29 06:32
回覆 湯物 的帖子

謝謝你分享,我3/12都係寶血醫院(明愛)開刀,靚媽你有冇清胎毒?開刀後醫院提供什麼止 ...

開刀後不適,因人而異,有好多人暈,嘔,但我冇

除左痛之外,我冇其他症狀。


大宅

國民生產總值:1066


發表於 4 天前 |顯示全部帖子
本帖最後由 ymyyy 於 16-11-30 04:05 編輯

回覆 湯物 的帖子

Thank you,咁BB餵人奶方面點安排?第幾日先可以餵人奶?第一日就餵得唔得呢?


複式洋房

國民生產總值:239


發表於 3 天前 |顯示全部帖子
ymyyy 發表於 16-11-30 04:04
回覆 湯物 的帖子

Thank you,咁BB餵人奶方面點安排?第幾日先可以餵人奶?第一日就餵得唔得呢? ...

本帖最後由 湯物 於 16-12-1 20:44 編輯

我早上開刀,第一日係唔可以落床,翌日我好掛住bb , 一大早已狂追問幾時可以試落床,點痛都要落!見BB 最緊要。

因為bb 係1~8pm 可以在玻璃窗睇,所以我要求1pm 前試落床。

餵bb, 係第二日開始。佢地餵奶時間係7:30/11:30/3:30pm/7:30pm, 你可以4 節都自己餵or 姑娘餵,佢地會有姑娘問你餵唔餵,每日四節,你都會攰架,如果四節都去。有1~2個姑娘比較惡d, 當然你醒目,佢地唔會鬧你,我只聽到佢鬧d 大陸媽咪。


別墅

國民生產總值:515


發表於 3 天前 |顯示全部帖子
多謝你分享,想問問寶血入院要帶D咩?醫院包什麼?腰封醫院買or自己出面買?有無食醫院餐?多謝回覆!


複式洋房

國民生產總值:170


發表於 3 天前 |顯示全部帖子

回覆樓主:

謝謝, 分享, 我都 book左林醫生明年1月開刀, 希望到時一切順利!


複式洋房

國民生產總值:239


發表於 前天 00:04 |顯示全部帖子
MoLui 發表於 16-12-1 23:42
多謝你分享,想問問寶血入院要帶D咩?醫院包什麼?腰封醫院買or自己出面買?有無食醫院餐?多謝回覆!
...

本帖最後由 湯物 於 16-12-2 00:06 編輯

本帖最後由 湯物 於 16-12-2 00:05 編輯

佢地包床墊,m 巾1大包, 網褲3條,沐浴露,洗頭水,梳,浴帽,bb 尿片,毛巾仔

你自己帶bb 出院用品,暖水杯,電話叉電,炒米茶,睡衣+褲,外套,拖鞋

個人意見係可買多包孕婦m 巾&網褲我都有帶去

唔包膳食,做完手術,當晚食粥水$20,翌日早都係粥水,難食!但因為未放屁,證明腸未郁動正常都唔可以食固體食物。

可以嗌野食,我通常嗌火腿通粉$30,好味足料,其他午晚餐係肉餅,蒸雞之類$45,我冇食過

我有幫襯醫院買腰封,感覺都ok


複式洋房

國民生產總值:239


發表於 前天 00:07 |顯示全部帖子
bingbinglo 發表於 16-12-1 23:48
謝謝, 分享, 我都 book左林醫生明年1月開刀, 希望到時一切順利!

恭喜恭喜,期待你的新年bb 出世!


別墅

國民生產總值:515


發表於 前天 02:15 |顯示全部帖子

回覆:湯物 的帖子

唔該你吖! 祝BB快高長大!

你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎