×

用戶登入

找回密碼 | 註冊


義工

今日: 15|主題: 3942

查看: 929 | 回覆: 11
女三歲半,自己加99家同時湊,難適應(有啲長)


大宅

國民生產總值:1321

BKXmas勳章


發表於 16-11-27 22:27 |顯示全部帖子
我自己要返工,所以返工時間,由99湊。到放工就帶返屋企自己湊。
本來日子咁過都無乜特別。有時暗地裡同99角力點湊阿女。但自從入院小產,成個星期係醫院無見到阿女,到湊返佢兼係屋企坐月,我發覺阿女難湊佐。之前同佢講道理,佢會接受,跟著乖乖聽我話去執行一啲指令。我會感覺到佢會依賴下我。而家一開波就發晒脾氣。幫佢又話自己,之前唔比其他人幫手,但我叫到佢,佢就會聽話比我幫,但而家連我講都唔聽。前幾日,99湊放學,我要留係屋企坐月休息,我女仲講佐啲理由係都唔肯返屋企(關於鬼魂嘢),話要去99到。我99又驚我女撞鬼,湊佐返去瞓一晚。到第二日我女又加多樣,同我99話唔想見到我,因為我鬧佢。結果我唯有落街親自湊佢返屋企。攪到而家我女返佐屋企之後,宗教嘢,我地照做,驚我女真係見到,另外就係有啲賣我女怕,唔敢鬧佢,驚佢又唔肯返屋企。

我覺得我好難適應而家嘅心態,我唔想賣我女怕,應該教嘅時候就教,應該鬧嘅時候就鬧。但我又唔想我女「離家出走」,我99屋企變佐佢避風港,唔like就去99到唔肯返。我99又唔會幫我帶返個女返嚟。佢會話大家一齊解決事件。但我覺得就係太多人參與,佢先唔會依賴我。有時候,母女嘅感情,我覺得係只有對方先可以依靠,先會講更多嘢。開心唔開心,都只有媽媽可以傾訴。學校嘢,佢又好少同我講,問佢都唔係好答。衰啲咁講,係「困獸鬥」培養出嚟。而且咁樣買我女怕,最後只會寵壞佢。
 


水晶宮

國民生產總值:64850

BKXmas勳章


發表於 16-11-28 18:10 |顯示全部帖子
你養好身體,身體好喇,自然可以湊到小朋友。小朋友自然系親父母多D嘅。


公爵府

國民生產總值:26257

BKXmas勳章


發表於 16-11-28 19:22 |顯示全部帖子
而家最緊要系養好自己身子,囡囡自然都系同媽咪親D嘅~


侯爵府

國民生產總值:23763

BKXmas勳章


發表於 16-11-28 21:38 |顯示全部帖子
慢慢養好身子喇,囡囡第日自然會同你親架


大宅

國民生產總值:1321

BKXmas勳章


發表於 16-11-29 08:37 |顯示全部帖子

回覆樓主:

收到,多謝你地


大宅

國民生產總值:1566

BKXmas勳章


發表於 16-11-29 12:26 |顯示全部帖子
除非你能夠做 FTM,否則問題依舊甚或會嚴重咗。


大宅

國民生產總值:1321

BKXmas勳章


發表於 16-11-30 19:49 |顯示全部帖子
小熊寶寶 發表於 16-11-29 12:26
除非你能夠做 FTM,否則問題依舊甚或會嚴重咗。

唉,可以嘅話我都想…奈何家庭支出需要兩個人工作先夠維持。所以請姐姐,而家等姐姐嚟,放佐學之後都返佐自己屋企先,起碼唔好成日係99屋企到逗留。


大宅

國民生產總值:1566

BKXmas勳章


發表於 16-12-6 12:11 |顯示全部帖子
Conniekiki 發表於 16-11-30 19:49
唉,可以嘅話我都想…奈何家庭支出需要兩個人工作先夠維持。所以請姐姐,而家等姐姐嚟,放佐學之後都返佐 ...
我轉做 FTM 之後財政都好緊張,明知再交由婆婆照顧會出事,所以幾辛苦都自己跟返。
大女接近 4 歲先跟返我,性格上好多細節已定型,加上細女岩岩出世,對住大女我更加辛苦。


大宅

國民生產總值:1321

BKXmas勳章


發表於 16-12-7 00:56 |顯示全部帖子
小熊寶寶 發表於 16-12-6 12:11
我轉做 FTM 之後財政都好緊張,明知再交由婆婆照顧會出事,所以幾辛苦都自己跟返。
大女接近 4 歲先跟返我 ...

我女三歲半,我都覺得開始定型,教到無晒禮貌。有時候我女啲行為,連我自己都覺得無家教。
你大女個陣係點比婆婆湊架?連瞓覺都係個邊瞓?
最慘係我同我老公加埋份糧,支出都用8、9成,少一份糧真係差好多…


大宅

國民生產總值:1001

BKXmas勳章


發表於 16-12-7 13:19 |顯示全部帖子
Conniekiki 發表於 16-12-7 00:56
我女三歲半,我都覺得開始定型,教到無晒禮貌。有時候我女啲行為,連我自己都覺得無家教。
你大女個陣係點 ...
家家有本難念的經......
我仔重細未夠九個月,由準備懷孕開始無返工,就喺唔想最重要幾年假手於人,話就話有自己人睇住會安心,但我最唔放心喺管教問題,要教壞幾日就得,要教好.................

你都努力啦!


大宅

國民生產總值:1626

BKXmas勳章


發表於 16-12-14 18:12 |顯示全部帖子
幫你湊的人, 尤其係老人家, 一定係想個小朋友跟佢嗰套, 甚至聽哂佢地話. 我真係見得好多.


大宅

國民生產總值:1566

BKXmas勳章


發表於 16-12-19 15:34 |顯示全部帖子
Conniekiki 發表於 16-12-7 00:56
我女三歲半,我都覺得開始定型,教到無晒禮貌。有時候我女啲行為,連我自己都覺得無家教。
你大女個陣係點 ...
大女喺埋婆婆度住,放假先接返屋企,佢重要喺第一個女孫,兩個老人家雙眼發光咁,乜都就曬佢,曳到出汁都唔會鬧,我教時重鬧返我轉頭,佢持住公公婆婆會爭佢,我講嘢唔聽,脾氣好臭,自理亦都差。

最後決定細女出世會轉做 FTM,錢就同男女家傾家用要減少少,好彩我兩個都喺女,細嘅可以著家姐嘅衫,都慳返唔少。

唔喺大女行為愈嚟愈過份,我都唔會決定放棄份工。
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎