興趣嗜好 今日: 0|主題: 123770

由於有急事要放低狗狗一晚，所以喺網上面搵咗位於柴灣嘅寵物酒店 “Dog Cheers” ，雖然佢收 $500/ 晚 比市價貴，但係為咗比狗狗有舒適環境都冇乜所謂，最緊要服務好照顧周到。點知間野問題多多：

1) Check in 既時候，職員完全唔對於程序不熟悉，冇問主人拎任何嘅資料以及要求簽任何文件，亦都冇幫狗狗做身體檢查。畀完錢連單都冇一張！

2）呢間嘢其中一個賣點係24小時有人睇住，主人亦可以透過 IP CAM 隨時可以睇到狗狗嘅情況。 點知喺 IP CAM 之下可以發現佢哋好耐都唔清潔狗狗嘅便便，亦都從來冇清洗過尿報板上面嗰塊網，證明佢哋其實真係好少去睇啲狗，純綷放佢入房就唔理。

3）去接狗狗嘅時候見到塊板極度污糟 （好多便便漬），我問佢哋係唔係唔會洗，佢就話”啱啱”諗住洗。之後我問佢係唔係其實兩日先洗一次，因為我係 CAM 見從來冇清洗過，職員就一句都冇答就行開左。

4）當我哋去接番佢嘅時候發現佢嘅水兜（個水兜已經比一般嘅大好多）完全乾曬，當我問個職員嘅時候佢竟然話狗狗只係”啱啱”飲曬，就算狗狗真係啱啱飲曬唔通真係要一滴都冇先至加水！？

總括嚟講， 呢間嘢設備ok，但係服務差，職員完全冇經驗，冇程序，多藉口，唔細心 ，絕無下次，希望各位如有需要選擇狗酒店必需要考慮清楚 !