×

用戶登入

找回密碼 | 註冊


王國facebook
義工

產前產後 今日: 81|主題: 236412

查看: 2212 | 回覆: 17
純粹呻下....有BB后嘅婆媳關係


民房

國民生產總值:27


發表於 16-11-29 12:14 |顯示全部帖子
文長....
其實我下年三月先結婚嘅,但一早就同男友一齊住....對於BB我地一路都係順其自然,婚禮搞到一半,就發現有左

未來奶奶恨孫恨到痴線,未有前都成日問點解咁耐未有(我同男友住埋一齊9個月左右),又話我可能肥得滯所以生唔出(完全唔覺得有機會係佢個仔問題),又話過我擺公仔喺床搞到個肚小氣冇得生....

當我發現有左真係好開心....一心以為有左就可以質住未來奶奶把口....點知原來係另一個折磨嘅開始

佢開始掌控我嘅飲食,講一啲好迷信嘅理論....一開始叫我唔好食葉酸,話唔洗太早補...
跟住聽左某個朋友講話葉酸對BB腦好(佢話食左唔會弱智....完全係無知3姑6婆)就逼我每日食3粒...我真係睬佢都傻

又唔比我食牛肉,因為唔知邊度聽返黎話食牛肉BB會變毛孩....仲有食朱古力皮膚會變黑...好多呢啲奇怪理論....

尋日我真係忍唔住喊出黎,我話想食黑芝麻希望BB生多啲頭髮(其實我都係聽生左嘅朋友講,唔知啱唔啱,如果唔啱咪唔食囉...)
點知佢一句質埋黎:我唔該你唔好亂食野啦,個BB一定要白淨,食埋啲咁既野變黑呀!

我係港菲混血兒...皮膚一出世比較黑,我深信我個BB唔會白得去邊,其實佢咁講好傷我心....點解我個BB要照佢嘅要求去生?!即係BB唔可以似媽咪,要似呀麻?! 有病嗎?咁想要咪自己人工受孕生個囉,仲話要控制我個仔3歲前唔可以食有味嘅野,3歲後先食小小味..話唔知邊個親戚個仔都係咁....真係痴線到一個地步.....

老公係咁安慰我,叫我唔洗理佢....但我真係控制唔住情緒喊左幾個鐘........


別墅

國民生產總值:651

動物勳章


發表於 16-11-29 13:11 |顯示全部帖子
咁其實你出街食咗,佢都唔知啦﹗唔駛咁嬲O既﹗

迷信O既嘢,好多老人家都有,你咪當佢讀書少唔識嘢囉,唔好同佢一般見識。到時你乜都食唔到食唔落,話佢知BB無得吸受無得長大,你睇佢仲俾唔俾你食。


別墅

國民生產總值:853


發表於 16-11-29 13:33 |顯示全部帖子
其實啲迷信嘢, 聽咗就算嘞, 好似話唔食得羊肉, 原來係驚bb發羊吊, 我知道之後真係笑到有腹肌

我會聽營養師&醫生講ge囉.

唔好唔開心啦, 阿b會feel到的, 99啲迷信嘢你咪左耳入右耳出, 係咁e應句: '哦, 知道'算囉.


大宅

國民生產總值:1823


發表於 16-11-29 14:05 |顯示全部帖子
我奶奶+我媽都係咁,頭3個月都仲會聽少少,結果比中醫同西醫話唔可以咩都怕涼唔食,bb會唔夠營養,我未夠3個月(聽中醫話,咩都食少少)理得白菜定定瓜定三文魚(煮熟的)豆腐都食返,無人叫你勁食,整個月先食一二次,每次都係幾條至10條菜到,涼咩鬼?反而阿b後尾勁吸收,越食越大隻添,我家陣5個半月,有時連蜜瓜,西瓜都有食幾片,當然都係整個月先食一次,其實食物又真係唔太怕,唔過量就唔駛怕,當然要問準中醫自己仲有無寒涼?個胎穩唔穩咁,少量係唔怕。老人家up的咪當佢唱歌,我都比人話足5個月啦,連吸淡空氣都係錯.自己調節心態,你會開心d


複式洋房

國民生產總值:259


發表於 16-11-29 16:58 |顯示全部帖子
D 奶奶都係覺得自己講既野係啱架啦⋯⋯
咪當佢亂噏,左耳入右耳出,唔好影響自己心情
BB感受到你既感覺,開心d,enjoy呢段同BB咁親蜜既時間


大宅

國民生產總值:1677


發表於 16-11-29 17:08 |顯示全部帖子
生左仲大件事, 妳會發現比人搶左個仔/女... 我見朋友們10個99, 9個出事.


民房

國民生產總值:27


發表於 16-11-29 17:37 |顯示全部帖子
多謝你地撐我呀T_T

好彩依家有老公撐我,唔同99正面嘈
但會時不時帶我出去食我鍾意食嘅野~我會努力開心咁打完呢10個月嘅仗先!



複式洋房

國民生產總值:386


發表於 16-11-29 22:53 |顯示全部帖子

回覆樓主:

我而家都八個幾月了,由有左到而家,我6299都超級迷信,聽其他老人家講話唔可以我係到用螺絲批個啲,但我6299就連我唔係到都唔用得,屋企個鐘壞左叫佢地換都話唔換,所有屋企有壞既野都唔整得,開頭知我有左時見紅,仲要話我做咩咁早去醫院照,又話bb未出世唔好買bb野,要等出世先買得,我就話,咁bb出世前唔買咁用咩,所以最後係無理佢地,之後到廿八週時又出血,入左院啦,我99黎探我啦,佢話你個肚咁細食咁少,Bb緊係無營養啦,最後我見醫生,醫生幫我b超,話bb大左兩個幾星期囉,仲驚糖尿,好彩最後報告無事,我即刻同99講,醫生話bb有營養大左兩星期添丫,最後佢無再出聲啦,所以真係有啲唔需要理,自己衡量啦


別墅

國民生產總值:570


發表於 16-11-30 01:17 |顯示全部帖子
siub0716 發表於 16-11-29 22:53
我而家都八個幾月了,由有左到而家,我6299都超級迷信,聽其他老人家講話唔可以我係到用螺絲批個啲,但我62 ...
佢地有d 係岩既,不過誇張左。
Bb 野可以買,但唔好切床住,會早產,有朋友試過。

我飯照煮, 不過大型動土裝修就真係唔好,我姑姐以前唔信邪,搵人油屋企牆身,佢女出世面有大胎誌。
好彩大個淡左又細左。有好多事科學解釋唔到,並不等如不存在,信不信由你。

至於99講咩,岩就聽唔岩就當唱歌,見少d, 煩少d。不過,出世之後爭吵可能會變多,要有心理準備。

曾有朋友要下戒嚴令,不准4大長老單獨見孫。


大宅

國民生產總值:2761


發表於 16-11-30 10:26 |顯示全部帖子

同你未來老公講
如果佢老母再係咁騷擾你陀b攪到你心情唔好嘅話
婚就無謂結啦
BB照跟媽媽姓算
無謂明知係個氹都要照踩落去架


大宅

國民生產總值:3941


發表於 16-11-30 18:36 |顯示全部帖子
你奶奶話小朋友三歲前唔好比bb食係正確!因為小朋友器官未發育好處理唔到調味料!
食深色食物bb皮膚會變黑係好多老一輩都信!好搞笑!
黑芝麻粉有豐富既鈣質同鐵質懷孕中期後期最需要補充多d鈣質同鐵質,bb唔會唔夠營養,所有營養都會優先比左bb。另外,懷孕荷爾蒙影響導致容易便秘,黑芝麻粉潤腸通便
我佗住bb三個月後日日都食,bb出世白淨,頭髮又多又黑,不過我同老公都多頭髮,但黑芝麻既營養價值高又有益,食黑芝麻粉係有益既

其實控制狂奶奶好多媽媽都會遇到,唔想食/唔食得既野就堅持唔好食,唔係受苦既只會係媽媽同bb。最緊要老公撐你,老公唔識就唔好硬碰硬,即刻Google搵資料同新聞比老公睇,食左會有咩影響同後果。懷孕後期奶奶要我日日食高麗參,我即刻比資料老公睇,高麗參會影響凝血功能導致產後大量出血。生完我餵人奶都話唔食得雞酒,奶奶又話食得,我比老公睇bb酒精中毒入院既新聞。

唔知你同奶奶同住/唔同住,如果同住就一定唔好同奶奶一齊坐月,最好返娘家坐月,唔係好易產後抑鬱。我就係見奶奶成日迫我亂食野,安胎湯飲到我頭暈肚痛、一過三個月就成日叫我飲涼茶、生完係醫院又迫我飲木耳湯飲到我子宮痛到抽筋咁,我係醫院已經喊到豬頭咁到出院,又襯我仲執緊野已經抱走bb行去搭lift,到我追上去見到奶奶一腳踢開對門咁行過去,幾咁危險我已經盡量避開奶奶係娘家坐月,但我坐月都因為奶奶而成日喊

到bb出世後更多傷心事,要緊記要識得保護bb同婆媳關係中取得平衡,因為婆媳關係絕對影響夫妻感情,要永遠記住奶奶係老公媽媽,唔好同老公硬碰硬,有咩搵醫生講/姑娘講/可信既資料令老公撐你!


別墅

國民生產總值:591


發表於 7 天前 |顯示全部帖子

回覆樓主:

首先恭喜你雙喜臨門! 懷孕初期好辛苦,又賀爾蒙轉變,會變得好容易喊。

唔知你本身咩性格,可能係好乖嗰隻,比著我,陀住個仔我仲唔大晒? 99咁恨孫,你有咩頭暈身興佢應該會好緊張。我就唔會放過呢個機會佔返上風,攞返個主場。唔啱聽?哎呀頭暈呀,攰呀,要休息呀。

今日都管你咁多野,第日又管你點湊管你點教。你都做媽媽喇,你可以話返事啦,99收聲。


大宅

國民生產總值:3443


發表於 6 天前 |顯示全部帖子
好煩架 真係要等到D細路有返三四歲先冇咁sensitive
可以比佢帶下阿B

阿B細個時 我初為人母當然事事緊張亦好想享受自己家庭樂
但奶奶佢自己咩都想差隻腳入嚟
例如BB個生日蛋糕我想自己整 佢就會買咗返嚟

不過大家都係鍚BB。睇外D

有幸將來都會係公公婆婆時也想出一分力為個孫掛


大宅

國民生產總值:2282


發表於 5 天前 |顯示全部帖子
may_lee2007 發表於 16-11-29 12:14
文長....
其實我下年三月先結婚嘅,但一早就同男友一齊住....對於BB我地一路都係順其自然,婚禮搞到一半, ...

你奶奶咁多樣禁忌
我淨係支持bb唔好食有味野
因為我仔bb時食左開濃味野,食固體食得好差,到現在兩歲半直頭樣樣都要加豉油。


子爵府

國民生產總值:13782


發表於 5 天前 |顯示全部帖子

回覆:純粹呻下....有BB后嘅婆媳關係

咁你生完係咪自己湊?你99睇尼有啲級數~


民房

國民生產總值:27


發表於 5 天前 |顯示全部帖子
做個靚太 發表於 16-12-3 03:15
咁你生完係咪自己湊?你99睇尼有啲級數~

佢依家有份工返晏就3點到11點,諗住遲下唔做全職幫我睇BB

其實我娘家好近,行過去唔洗15分鐘
最主要我媽咪唔洗返工可以幫我睇住BB,我放工接返

但睇黎99唔想,佢淨係話中間去街市買餸一兩個鐘唔方便帶住BB先叫我媽上黎睇一陣

講真我聽完超級反感,當我媽鐘點?
儘管老公話99唔係咁意思,我媽都話冇問題....我都係唔多高興

(為左BB,我要開心啲!諗多啲開心野先得!)


子爵府

國民生產總值:13782


發表於 5 天前 |顯示全部帖子

引用:Quote:做個靚太 發表於 16-12-3 03:15 咁你

原帖由 may_lee2007 於 16-12-03 發表
佢依家有份工返晏就3點到11點,諗住遲下唔做全職幫我睇BB

其實我娘家好近,行過去唔洗15分鐘
俾99繼續番工好啲~反正你媽咪無做野~佢無必要專登辭工~
同老公傾下,俾你媽咪湊,會少好多磨擦,你老公都會舒服好多架~佢媽咪佢可以氹番,但你同99一有磨擦,係永久裂痕,修補唔到架~你老公就永遠難做人啦~
我99都係,以前成日話要辭工湊孫,我同老公傾過,佢辭工湊孫,即係為我地放棄,但我地又俾唔到佢份糧同湊bb嘅錢俾99,而且99從來都無湊過bb~佢有自己份工,仲算係有世藝同自己社交圈子,我同99又唔夾,我媽咪反正一直都係ftm,湊開bb,所以就抱左bb番我媽咪度,放工我地先接番~


大宅

國民生產總值:1163


發表於 4 天前 |顯示全部帖子

回覆樓主:

佢有佢講,你自己分析下佢講既野合唔合理!或者有D野廢事同佢正面衝突應左佢就算!
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎