吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 純粹呻下....有BB后嘅婆媳關係

懷孕前後今日: 2|主題: 329688

收藏本版

發帖

返回列表

跳至頁

查看: 3659 | 回覆: 17

純粹呻下....有BB后嘅婆媳關係 [複製鏈接]

may_lee2007

複式洋房

積分: 328

1^#

發表於 16-11-29 12:14 |只看該作者 |倒序瀏覽 |打印

文長....
其實我下年三月先結婚嘅，但一早就同男友一齊住....對於BB我地一路都係順其自然，婚禮搞到一半，就發現有左

未來奶奶恨孫恨到痴線，未有前都成日問點解咁耐未有（我同男友住埋一齊9個月左右），又話我可能肥得滯所以生唔出（完全唔覺得有機會係佢個仔問題），又話過我擺公仔喺床搞到個肚小氣冇得生....

當我發現有左真係好開心....一心以為有左就可以質住未來奶奶把口....點知原來係另一個折磨嘅開始

佢開始掌控我嘅飲食，講一啲好迷信嘅理論....一開始叫我唔好食葉酸，話唔洗太早補...
跟住聽左某個朋友講話葉酸對BB腦好（佢話食左唔會弱智....完全係無知3姑6婆）就逼我每日食3粒...我真係睬佢都傻

又唔比我食牛肉，因為唔知邊度聽返黎話食牛肉BB會變毛孩....仲有食朱古力皮膚會變黑...好多呢啲奇怪理論....

尋日我真係忍唔住喊出黎，我話想食黑芝麻希望BB生多啲頭髮（其實我都係聽生左嘅朋友講，唔知啱唔啱，如果唔啱咪唔食囉...）
點知佢一句質埋黎：我唔該你唔好亂食野啦，個BB一定要白淨，食埋啲咁既野變黑呀！

我係港菲混血兒...皮膚一出世比較黑，我深信我個BB唔會白得去邊，其實佢咁講好傷我心....點解我個BB要照佢嘅要求去生？！即係BB唔可以似媽咪，要似呀麻？！有病嗎？咁想要咪自己人工受孕生個囉，仲話要控制我個仔3歲前唔可以食有味嘅野，3歲後先食小小味..話唔知邊個親戚個仔都係咁....真係痴線到一個地步.....

老公係咁安慰我，叫我唔洗理佢....但我真係控制唔住情緒喊左幾個鐘........

0 0 0

私人傳訊

luismama

大宅

積分: 1026

2^#

發表於 16-11-29 13:11 |只看該作者

咁其實你出街食咗，佢都唔知啦﹗唔駛咁嬲O既﹗

迷信O既嘢，好多老人家都有，你咪當佢讀書少唔識嘢囉，唔好同佢一般見識。到時你乜都食唔到食唔落，話佢知BB無得吸受無得長大，你睇佢仲俾唔俾你食。

私人傳訊

miumiu1013

大宅

積分: 1558

3^#

發表於 16-11-29 13:33 |只看該作者

其實啲迷信嘢, 聽咗就算嘞, 好似話唔食得羊肉, 原來係驚bb發羊吊, 我知道之後真係笑到有腹肌

我會聽營養師&醫生講ge囉.

唔好唔開心啦, 阿b會feel到的, 99啲迷信嘢你咪左耳入右耳出, 係咁e應句: '哦, 知道'算囉.

私人傳訊

KKEDU

大宅

積分: 3426

瞓得好勳章

4^#

發表於 16-11-29 14:05 |只看該作者

我奶奶+我媽都係咁，頭3個月都仲會聽少少，結果比中醫同西醫話唔可以咩都怕涼唔食，bb會唔夠營養，我未夠3個月（聽中醫話，咩都食少少）理得白菜定定瓜定三文魚（煮熟的）豆腐都食返，無人叫你勁食，整個月先食一二次，每次都係幾條至10條菜到，涼咩鬼？反而阿b後尾勁吸收，越食越大隻添，我家陣5個半月，有時連蜜瓜，西瓜都有食幾片，當然都係整個月先食一次，其實食物又真係唔太怕，唔過量就唔駛怕，當然要問準中醫自己仲有無寒涼？個胎穩唔穩咁，少量係唔怕。老人家up的咪當佢唱歌，我都比人話足5個月啦，連吸淡空氣都係錯.自己調節心態，你會開心d

私人傳訊

edca

複式洋房

積分: 283

5^#

發表於 16-11-29 16:58 |只看該作者

D 奶奶都係覺得自己講既野係啱架啦⋯⋯
咪當佢亂噏，左耳入右耳出，唔好影響自己心情
BB感受到你既感覺，開心d，enjoy呢段同BB咁親蜜既時間

私人傳訊

jackie1203

大宅

積分: 2609

6^#

發表於 16-11-29 17:08 |只看該作者

生左仲大件事, 妳會發現比人搶左個仔/女... 我見朋友們10個99, 9個出事.

私人傳訊

may_lee2007

複式洋房

積分: 328

7^#

發表於 16-11-29 17:37 |只看該作者

多謝你地撐我呀T_T

好彩依家有老公撐我，唔同99正面嘈
但會時不時帶我出去食我鍾意食嘅野～我會努力開心咁打完呢10個月嘅仗先！

私人傳訊

siub0716

大宅

積分: 1098

8^#

發表於 16-11-29 22:53 |只看該作者

回覆樓主:

我而家都八個幾月了，由有左到而家，我6299都超級迷信，聽其他老人家講話唔可以我係到用螺絲批個啲，但我6299就連我唔係到都唔用得，屋企個鐘壞左叫佢地換都話唔換，所有屋企有壞既野都唔整得，開頭知我有左時見紅，仲要話我做咩咁早去醫院照，又話bb未出世唔好買bb野，要等出世先買得，我就話，咁bb出世前唔買咁用咩，所以最後係無理佢地，之後到廿八週時又出血，入左院啦，我99黎探我啦，佢話你個肚咁細食咁少，Bb緊係無營養啦，最後我見醫生，醫生幫我b超，話bb大左兩個幾星期囉，仲驚糖尿，好彩最後報告無事，我即刻同99講，醫生話bb有營養大左兩星期添丫，最後佢無再出聲啦，所以真係有啲唔需要理，自己衡量啦

私人傳訊

jojosesame

別墅

積分: 941

9^#

發表於 16-11-30 01:17 |只看該作者

siub0716 發表於 16-11-29 22:53
我而家都八個幾月了，由有左到而家，我6299都超級迷信，聽其他老人家講話唔可以我係到用螺絲批個啲，但我62 ...

佢地有d 係岩既，不過誇張左。
Bb 野可以買，但唔好切床住，會早產，有朋友試過。

我飯照煮, 不過大型動土裝修就真係唔好，我姑姐以前唔信邪，搵人油屋企牆身，佢女出世面有大胎誌。
好彩大個淡左又細左。有好多事科學解釋唔到，並不等如不存在，信不信由你。

至於99講咩，岩就聽唔岩就當唱歌，見少d, 煩少d。不過，出世之後爭吵可能會變多，要有心理準備。

曾有朋友要下戒嚴令，不准4大長老單獨見孫。

私人傳訊

xavierma215

男爵府

積分: 5711

10^#

發表於 16-11-30 10:26 |只看該作者

同你未來老公講
如果佢老母再係咁騷擾你陀b攪到你心情唔好嘅話
婚就無謂結啦
BB照跟媽媽姓算
無謂明知係個氹都要照踩落去架

私人傳訊

艾森

子爵府

積分: 11164

11^#

發表於 16-11-30 18:36 |只看該作者

你奶奶話小朋友三歲前唔好比bb食係正確！因為小朋友器官未發育好處理唔到調味料！
食深色食物bb皮膚會變黑係好多老一輩都信！好搞笑！
黑芝麻粉有豐富既鈣質同鐵質

懷孕中期後期最需要補充多d鈣質同鐵質，bb唔會唔夠營養，所有營養都會優先比左bb。另外，懷孕荷爾蒙影響導致容易便秘，黑芝麻粉潤腸通便

我佗住bb三個月後日日都食，bb出世白淨，頭髮又多又黑，不過我同老公都多頭髮，但黑芝麻既營養價值高又有益，食黑芝麻粉係有益既

其實控制狂奶奶好多媽媽都會遇到，唔想食/唔食得既野就堅持唔好食，唔係受苦既只會係媽媽同bb。最緊要老公撐你，老公唔識就唔好硬碰硬，即刻Google搵資料同新聞比老公睇，食左會有咩影響同後果。懷孕後期奶奶要我日日食高麗參，我即刻比資料老公睇，高麗參會影響凝血功能導致產後大量出血。生完我餵人奶都話唔食得雞酒，奶奶又話食得，我比老公睇bb酒精中毒入院既新聞。

唔知你同奶奶同住/唔同住，如果同住就一定唔好同奶奶一齊坐月，最好返娘家坐月，唔係好易產後抑鬱。我就係見奶奶成日迫我亂食野，安胎湯飲到我頭暈肚痛、一過三個月就成日叫我飲涼茶、生完係醫院又迫我飲木耳湯飲到我子宮痛到抽筋咁，我係醫院已經喊到豬頭咁

到出院，又襯我仲執緊野已經抱走bb行去搭lift，到我追上去見到奶奶一腳踢開對門咁行過去，幾咁危險

我已經盡量避開奶奶係娘家坐月，但我坐月都因為奶奶而成日喊

到bb出世後更多傷心事，要緊記要識得保護bb同婆媳關係中取得平衡，因為婆媳關係絕對影響夫妻感情，要永遠記住奶奶係老公媽媽，唔好同老公硬碰硬，有咩搵醫生講/姑娘講/可信既資料令老公撐你！

私人傳訊

inness

大宅

積分: 1102

12^#

發表於 16-12-1 19:04 |只看該作者

回覆樓主:

首先恭喜你雙喜臨門! 懷孕初期好辛苦，又賀爾蒙轉變，會變得好容易喊。

唔知你本身咩性格，可能係好乖嗰隻，比著我，陀住個仔我仲唔大晒? 99咁恨孫，你有咩頭暈身興佢應該會好緊張。我就唔會放過呢個機會佔返上風，攞返個主場。唔啱聽?哎呀頭暈呀，攰呀，要休息呀。

今日都管你咁多野，第日又管你點湊管你點教。你都做媽媽喇，你可以話返事啦，99收聲。

私人傳訊

Yokohamaling

男爵府

積分: 5270

13^#

發表於 16-12-2 03:08 |只看該作者

好煩架真係要等到D細路有返三四歲先冇咁sensitive
可以比佢帶下阿B

阿B細個時我初為人母當然事事緊張亦好想享受自己家庭樂
但奶奶佢自己咩都想差隻腳入嚟
例如BB個生日蛋糕我想自己整佢就會買咗返嚟

不過大家都係鍚BB。睇外D

有幸將來都會係公公婆婆時也想出一分力為個孫掛

私人傳訊

lokheibaby

大宅

積分: 4764

14^#

發表於 16-12-3 03:04 |只看該作者

may_lee2007 發表於 16-11-29 12:14
文長....
其實我下年三月先結婚嘅，但一早就同男友一齊住....對於BB我地一路都係順其自然，婚禮搞到一半， ...

你奶奶咁多樣禁忌
我淨係支持bb唔好食有味野
因為我仔bb時食左開濃味野，食固體食得好差，到現在兩歲半直頭樣樣都要加豉油。

私人傳訊

做個靚太

珍珠宮

積分: 47913

15^#

發表於 16-12-3 03:15 |只看該作者

回覆：純粹呻下....有BB后嘅婆媳關係

咁你生完係咪自己湊？你99睇尼有啲級數~

私人傳訊

may_lee2007

複式洋房

積分: 328

16^#

發表於 16-12-3 12:24 |只看該作者

做個靚太發表於 16-12-3 03:15
咁你生完係咪自己湊？你99睇尼有啲級數~

佢依家有份工返晏就3點到11點，諗住遲下唔做全職幫我睇BB

其實我娘家好近，行過去唔洗15分鐘
最主要我媽咪唔洗返工可以幫我睇住BB，我放工接返

但睇黎99唔想，佢淨係話中間去街市買餸一兩個鐘唔方便帶住BB先叫我媽上黎睇一陣

講真我聽完超級反感，當我媽鐘點？
儘管老公話99唔係咁意思，我媽都話冇問題....我都係唔多高興

（為左BB,我要開心啲！諗多啲開心野先得！）

私人傳訊

做個靚太

珍珠宮

積分: 47913

17^#

發表於 16-12-3 15:00 |只看該作者

引用：Quote:做個靚太發表於 16-12-3 03:15 咁你

原帖由 may_lee2007 於 16-12-03 發表
佢依家有份工返晏就3點到11點，諗住遲下唔做全職幫我睇BB

其實我娘家好近，行過去唔洗15分鐘

俾99繼續番工好啲~反正你媽咪無做野~佢無必要專登辭工~
同老公傾下，俾你媽咪湊，會少好多磨擦，你老公都會舒服好多架~佢媽咪佢可以氹番，但你同99一有磨擦，係永久裂痕，修補唔到架~你老公就永遠難做人啦～
我99都係，以前成日話要辭工湊孫，我同老公傾過，佢辭工湊孫，即係為我地放棄，但我地又俾唔到佢份糧同湊bb嘅錢俾99，而且99從來都無湊過bb~佢有自己份工，仲算係有世藝同自己社交圈子，我同99又唔夾，我媽咪反正一直都係ftm，湊開bb，所以就抱左bb番我媽咪度，放工我地先接番~

私人傳訊