×

用戶登入

找回密碼 | 註冊


王國facebook
義工

論盡家傭 今日: 82|主題: 120563

查看: 876 | 回覆: 12
印姐姐黎左喇


複式洋房

國民生產總值:191


發表於 16-11-29 14:36 |顯示全部帖子
本帖最後由 uinisan 於 16-11-29 14:40 編輯

26號晚去接左姐姐返黎o個晚黎到淨係比佢執好自己啲野. 跟住就沖涼訓覺.
之前o係香港做左一年, 因為前僱主要佢做兩間屋+成日扣錢(佢自己同AGENT講)所以無做
呢幾朝日日都未夠七點起身自己抹野執野, 啲櫃同我執靚晒(我其實想執好耐喇, 但實在太忙)
幫我抹晒全屋既窗同洗晒啲蚊網.頭兩日無教佢野, 由得佢自由發揮(因為想睇佢識做啲咩), 第三日先糾正佢.
就咁睇佢都算整潔. 同埋唔浪費水電 - 無人用主動幫我閂燈, 佢沖涼洗頭十分鐘搞掂出番黎
洗兩機衫同我晾得好靚仔. 摺衫好似出面舖頭咁. (可能要多謝前僱主)
佢中文唔係太好, 但勉強都溝通到. 佢食野食好少, 朝朝一塊面包, 一杯咖啡, 中午一個面, 夜晚一碗仔飯+少少餸
唔知係咪o岩o岩黎到扮下野先呢?我都唔敢開心住呀!!


王國熱話
各位泵媽,handsfree值得買嘛?
餵母乳,可唔可以食中藥?
BB蠶豆症可以飲mother milk 茶嗎?
優合8004/8016邊款好啲呀?


大宅

國民生產總值:1748


發表於 16-11-29 15:39 |顯示全部帖子
工人開頭嚟點樣都會做得好好睇睇既... 睇定D 先. 不過希望樓主工人KEEP 到落去喇, 祝你好運


大宅

國民生產總值:1190


發表於 16-11-30 02:39 |顯示全部帖子
uinisan 發表於 16-11-29 14:36
26號晚去接左姐姐返黎o個晚黎到淨係比佢執好自己啲野. 跟住就沖涼訓覺.
之前o係香港做左一年, 因為前僱主要 ...

我家印姐姐剛到情況同你個差唔多,日日自動波清潔,抹得好乾淨,又係好細食


別墅

國民生產總值:556


發表於 16-11-30 06:04 |顯示全部帖子
我姐姐都嚟咗幾日,一早8點起身食早餐就開始抺抺抺,做3幾個鐘清潔就停下,之後好定時12點食飯,佢廣東話英文唔好,我冇嘢叫佢做,佢就喺房睇拼音,做嘢幾自動波,摺衫好整齊,好鐘意快手快腳做哂啲嘢、好按時瞓覺休息,唔知第時照顧初生會係點


大宅

國民生產總值:1510


發表於 16-11-30 07:39 |顯示全部帖子
uinisan 發表於 16-11-29 14:36
26號晚去接左姐姐返黎o個晚黎到淨係比佢執好自己啲野. 跟住就沖涼訓覺.
之前o係香港做左一年, 因為前僱主要 ...

我果個開頭同你一樣,但過多三個月就開始現形(懶的就懶),好彩係手腳乾淨,無黑面!
剛續約,但今早都要比我話,事緣擒日小朋友垃咗尿,我已經講明啲衫褲要即刻處理,但佢無做,今早比我見到,仲要藉口多多話咁少尿!

少少意見,唔好太寬鬆!


大宅

國民生產總值:3637

環保接龍勳章


發表於 16-11-30 15:59 |顯示全部帖子

回覆:印姐姐黎左喇

我個印姐姐又係26號接返黎,海外未黎過hk,我第一次請姐姐,第一日下晝返到黎叫佢自己抹下張床同佢房d 櫃,再整理自己床單被舖,佢d 衫未入屋我拎晒去磅洗,帶佢去印尼舖買定d 麵同少少乾糧,暫時朝朝6:30起身,第一朝自己搵野抹,執好晒d 櫃,佢唔食早餐,中午12點幾就問可唔可以煮麵,我日日都要佢寫低第二日先生返工之後佢要做d 乜,我未起身佢就會自己做,清潔方面,第一眼d 野係無晒塵,吸塵果d 就要逐步跟住提佢,海外衛生常識堅弱d,第二日話果晚唔沖涼因為好凍,我又即刻要佢mark 低每朝一定刷牙洗臉,洗完碗夜晚沖完涼先準瞓,早上做晒我安排既工作下晝冇野做果陣佢就拎拼音書寫notes,表面上還可以未致於嘔血,最印象好就係朝朝執到我張床好似酒店式咁舖好晒,結左婚咁耐我都未試過日日張床咁四正,孖胎出世後可能另一世界了



曹夫人


複式洋房

國民生產總值:191


發表於 16-11-30 16:24 |顯示全部帖子
回覆 appleng2127 的帖子

我暫時都無寬鬆呀, 都明白一開始點都會勤力啲既.好似我地自己返新工, 一開始都會做好啲咁.
都唔期望佢日日都日抹夜抹, 只希望佢手腳乾淨, 聽聽話話唔好黑面駁咀啦
遲啲都要旨意佢湊初生B架.


複式洋房

國民生產總值:191


發表於 16-11-30 16:36 |顯示全部帖子
回覆 juliababi 的帖子

我係在職媽咪, 大囡20個月, 一直都係婆婆幫手湊日日都係放工放假自己湊, 家務一腳踢
姐姐黎左之後, 係有左呢八個月黎最舒服架
返到屋企乜都唔使諗唔使做, 淨係沖涼睇電視陪個囡...
好耐無試過咁舒服.................希望佢KEEP 住好好地啦


大宅

國民生產總值:3637

環保接龍勳章


發表於 16-11-30 20:58 |顯示全部帖子

引用:回覆+juliababi+的帖子我係在職媽咪,+大囡2

原帖由 uinisan 於 16-11-30 發表
回覆 juliababi 的帖子

我係在職媽咪, 大囡20個月, 一直都係婆婆幫手湊日日都係放工放假自己湊, 家務一腳 ...
我如果唔係陀住孖胎+湊2隻狗,我都唔想請工人,話黎左幾日但係我都麻麻地多個人響屋企,我老公要求請先,原先我諗住之後做全職mom請鐘點,而家唯有用住2年,可能bb 出世後先會feel 到有姐姐既好



曹夫人


別墅

國民生產總值:556


發表於 16-11-30 22:12 |顯示全部帖子
uinisan 發表於 16-11-30 16:24
回覆 appleng2127 的帖子

我暫時都無寬鬆呀, 都明白一開始點都會勤力啲既.好似我地自己返新工, 一開始都會 ...
我都唔敢寬鬆,生b前最好抺乾淨屋企,生b後佢就唔會咁勤力架喇,又要睇下第時點湊仔,
我要教多次衛生意識!


子爵府

國民生產總值:10902


發表於 16-11-30 23:01 |顯示全部帖子
uinisan 發表於 16-11-29 14:36
26號晚去接左姐姐返黎o個晚黎到淨係比佢執好自己啲野. 跟住就沖涼訓覺.
之前o係香港做左一年, 因為前僱主要 ...

真係執到好籌,恭喜你!


男爵府

國民生產總值:9854


發表於 5 天前 |顯示全部帖子
uinisan 發表於 16-11-29 14:36
26號晚去接左姐姐返黎o個晚黎到淨係比佢執好自己啲野. 跟住就沖涼訓覺.
之前o係香港做左一年, 因為前僱主要 ...

原來斷約工人都有好嘢揀,你個case好鼓舞我嚟緊都要請,你祝我好運啦!請問你邊間agent?


複式洋房

國民生產總值:191


發表於 4 天前 |顯示全部帖子
回覆 20020116 的帖子

暫時都叫做不過不失, 不過唔知幾時會打回原形呢
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎