×

用戶登入

找回密碼 | 註冊


義工

心聲留言 今日: 2|主題: 14764

查看: 3254 | 回覆: 26
很長的一編,只想舒發心情,不喜勿插!


複式洋房

國民生產總值:155

BKXmas勳章


發表於 16-11-29 16:10 |顯示全部帖子
想找個地方舒發心情,有點長希望大家見諒!

因為爸爸有病,近半年親戚朋友們時常來家中探望佢老人家,而每個星期六亞哥家姐全家大細,大大小小加2個BB 10幾人都會來我家聚餐,通常11點左右離開,爸爸見到子子孫孫聚埋一齊就會好開心。我仔仔係獨子平時習慣獨處,喜歡安靜,年幼時很可愛又懂逗人歡喜,長輩們都很錫佢,但近年因青春期開始反叛,對好多野都諸多不滿,簡直變了另一個人!
上星期五及六家中都有人來探爸爸,禮貌上留客人家中晚餐,星期五仔仔有一齊用餐,星期六就朵係自己房食,餐後爸爸因當日中午出左街比較累食飽坐一陣就入房睡覺,而大家仲係廳度傾計,人多自然就嘈,之後小朋友攞鬧鐘來玩,鬧鐘鈴聲很大吵到仔仔發脾氣,好大力甘"boom"了房門2次,大家見到甘就即刻走。事後老公問仔仔點解人地有心來探外公而佢就甘無禮貌,佢反問醫院探病都有時間限制,而外公也睡覺了,點解大家仲係度喜喜哈哈,點解每星期都要來屋企唔去佢地屋企......我受不了佢既歪理同佢開火吵架!
第日星期日晚餐後又有5個親戚來探爸爸,仔仔剛剛在做功課,為免嘈住佢而再發脾氣幫佢關了房門,但媽媽卻係親戚面前講仔仔是非話佢"boom"門無禮貌等等等....當時我真係好嬲點解要同人講自己個孫是非,昨日星期一上午爸爸幾個朋友來探佢,巧合仔仔學校假期,佢無同人地打招呼反而仲口黑面黑。下午我地同爸爸睇醫生,其間媽媽又同我和家姐們講仔仔的不是,話既然仔仔甘唔鍾意人來屋企,甘佢地倆佬就搬回自己家住(為了方便照顧倆佬2年前把握倆佬接來我家住,原本爸爸不太原意同女住,但老公及仔仔都有勸佢地來住)。

近年仔仔開始反叛,長輩們已經好睇唔順仔仔行為,覺得仔仔不知所謂,家陣外婆仲要火上加油,果一刻我真的覺得好難受好!點解仔仔會變得甘唔懂性,唔識體諒,唔識互相尊重!點解媽媽事無大小都要同人講仔仔既不是令長輩更加討厭仔仔!當時爸爸都唔開心,老公有解釋仔仔不識控制自己情緒,發洩怒氣後就無事,不要因為甘就搬走。之後媽媽有問仔仔係米想佢地搬,仔仔無出聲,爸爸覺得平時仔仔都很關心自己,為了家和萬事興最後都決定留低。

坦白說這2年我真的很累,媽媽早幾年前做腦部大手術要定期覆診,每次都係我請假陪佢,倆佬有咩病痛都係我照顧,又要面對仔仔反叛期的態度,再加上近半年爸爸有病身體也差了很多,平日係媽媽睇住爸爸,星期六/ 日我放假爸爸由我來睇住,等媽媽可以休息一下和朋友打麻雀。我並不介意照顧倆佬,只係覺得點解每星期六佢地來食飯爸爸就要我去買菜,雖然唔使我煮,但買同洗10幾人菜碗碟加上佢地走後執屋,真係好累架(好彩老公會幫手拖地)。

最唔開心就係逢星期日/假日兄姊們打來問爸爸情況怎樣,每次都問點解我無去街玩咩?真心覺得好好笑囉,明知我要睇住爸爸!以前倆佬會因少事經常吵架或仔仔無理取鬧,我會同家姐訴下苦,希望佢地可以開解下我,但回應總係覺得倆佬煩米叫佢地搬回自己屋企,仔仔真係不知所謂如果唔係自己姨娚一早打巴佢,本來係想搵個信得過的人傾訴,但每次回應反令我更加唔開心,所以而家有心事除了老公外我都不想再同其他人講。但我都知道老公工作上已經很煩,為了我佢已經減少左好多應酬留係屋企陪我,所以有時都唔想再煩佢,將唔開心放係心度,希望藉此平台舒發一下!




王國熱話
天主教?基督教?
會吾會做十一奉獻? 有冇經歷經濟上的祝福...
崇拜、圑契、主日、星期日返教會
有無天主教徒?


子爵府

國民生產總值:12796

BKXmas勳章


發表於 16-11-29 16:20 |顯示全部帖子
無言以對 發表於 16-11-29 16:10
想找個地方舒發心情,有點長希望大家見諒!

因為爸爸有病,近半年親戚朋友們時常來家中探望佢老人家,而每 ...


大宅

國民生產總值:1580

BKXmas勳章


發表於 16-11-29 17:27 |顯示全部帖子

我都覺得,無乜人可以傾訴,就算藉此平台吐一吐苦水,個心情都會開朗好多,唔好啉太多,實在唔開心,時間穩許,或者行開一兩日散散心


複式洋房

國民生產總值:199

BKXmas勳章


發表於 16-11-29 17:35 |顯示全部帖子
老人家年紀大左好似變返細路咁, 想人遷就同錫. 有時說話唔好聽, 唔好上心, 聽過就算啦~~

青春期又覺得自己就快係大人, 個個都係咁 (諗返自己細個, 可能令人討厭過佢十倍, 都講過令父母傷心0既說話), 唔學壞就 OK 啦.

兄弟姐妹0既野, 只可以要求自己做咩, 好難用同一個 standard 要求佢地... 好多家庭都係咁. 明0既.

辛苦喇~~ 係要搵個地方呻下, rebound 完再接再厲!!


男爵府

國民生產總值:5569

BKXmas勳章


發表於 16-11-29 20:39 |顯示全部帖子
長期家中人頭湧湧,難怪你仔反感!我明白你仔諗法「公公瞓咗,點解仲有咁多人係一個病人屋企飯聚聯誼⋯⋯」
青春期十分注重空間私隱,你要平衡一下老人家和後輩相處模式,加油!


男爵府

國民生產總值:5569

BKXmas勳章


發表於 16-11-29 20:43 |顯示全部帖子
可能的話,控制一下探訪人數,不要太多人擠埋一次上門見公公,病人又易累,家人又受到煩擾


男爵府

國民生產總值:9049

2017勳章 畀面勳章 BKXmas勳章


發表於 16-11-29 23:03 |顯示全部帖子
其實每個星期五六曰屋企都擠滿人,俾我都唔高興啦…
你照顧父親之餘,也要關心下兒子感受。。
想下辦法在兩者間取得平衡。。


大宅

國民生產總值:1894

BKXmas勳章


發表於 16-11-29 23:28 |顯示全部帖子

回覆樓主:

個個星期放假屋企都咁多人,我都癲啦!更不要說青春期,回家想靜一靜,食飯可以出街食,或者飲下茶見下面,或建議下淪流去其他兄弟姊妹屋企聚會,或隔個星期見

加油!


複式洋房

國民生產總值:386

BKXmas勳章


發表於 16-11-30 00:53 |顯示全部帖子
無言以對 發表於 16-11-29 16:10
想找個地方舒發心情,有點長希望大家見諒!

因為爸爸有病,近半年親戚朋友們時常來家中探望佢老人家,而每 ...

人是需要宣洩的!不過,還可陪伴着父母,是很珍貴的,就算再辛苦也是值得的。我就已沒有這種福份了,我相信你仔仔將來也會明白,你是怎樣照顧好你的父母,他也會是一樣。因我也曾經歷過照顧者的身份,但現在回想起,也還覺得愧疚!


大宅

國民生產總值:3096

BKXmas勳章


發表於 16-11-30 08:23 |顯示全部帖子
好像忽略了仔仔感受,你也心力勞累,個個星期都一棚人食飯、或者呢個位看看可不可以改一改,一来你不用搞十幾人飯,二来可以令仔仔覺得你重視他。


大宅

國民生產總值:2688

BKXmas勳章


發表於 16-11-30 09:46 |顯示全部帖子
個果星期六日都敢多人黎屋企, 比著我都覺得煩, 你仔仔唔開心其實大家都理解的, 但如果係依個時間要倆老搬走, 我就怕閒這閒語 , 好像將責任推到仔仔身上 ,
如果家姐亞哥想探爸爸 , 可以叫佢地接他去飲茶 , 你最多一個月去一次大圍飲茶, 其他時間留比老公同亞仔 , 你日日已在家照顧倆老, 由得爸爸同亞哥家姐相處下 ~~~


複式洋房

國民生產總值:118

BKXmas勳章


發表於 16-11-30 11:25 |顯示全部帖子
要加油頂住呀


男爵府

國民生產總值:7578

BKXmas勳章


發表於 16-11-30 12:27 |顯示全部帖子
我都覺得個個星期屋企咁多人我都吾鐘意. 探完爸爸出街食比較方便.

同仔仔解釋下同改出街食飯, 咁仔仔可以吾去食, 你又吾洗做咁多野, 大家都好.


複式洋房

國民生產總值:155

BKXmas勳章


發表於 16-11-30 15:53 |顯示全部帖子
以前過年過節聚餐都係出街食的,但6月時爸爸確診未期癌症,現在要他在酒樓坐個幾鐘,體能上支持不了。那時已有跟仔仔說過要有心理準備家中會經常有人來探外公,開頭佢都接受的,但可能人流真的比較密所以佢受不了。老公呢2日都有再同仔仔傾過,希望佢能忍受一下,體諒下外公現時最想就係子子孫孫聚首一堂。


大宅

國民生產總值:4891

2017勳章 BKXmas勳章 畀面勳章


發表於 16-11-30 18:06 |顯示全部帖子

回覆:很長的一編,只想舒發心情,不喜勿插!

現在所有事情都係過渡期,囝囝情緒,爸媽身體唔好,親戚來來往往,可唔可以叫其他兄弟姊妹幫手照顧吓,等你一家可回一回氣,千祈唔好所有事情都攬哂上身,否則到最後你病倒就煩,希望你可盡快過渡!


大宅

國民生產總值:3096

BKXmas勳章


發表於 16-11-30 22:45 |顯示全部帖子
等呀仔平心静氣同佢好好傾,比佢知道你和你老公都很在意他感受,很愛鍚他,相信仔仔感受父母的愛一定常試理解的。


侯爵府

國民生產總值:20172

BKXmas勳章


發表於 16-12-1 01:26 |顯示全部帖子

回覆樓主:

都好明白你果種疲累而無人體會既感覺。作為子女都好希望盡每一份既孝道,只係要應付自己屋企內外真係唔容易。必要時停下,隔個星期先聚,多啲自己空間抖抖。

我以前都係一到周末就一屋都係人,唔係夫家就娘家,個個星期買餸好似倒水咁,初初都係諗住一家人開開心心無計,但長期下來唔好話荷包,精神體力都頂唔住。而且啲人食慣左真係有依賴,乜都旨意你,唔煮出去食都係入你數,漸漸心內就會有怨言。加上我仔都開始有反應,唔想屋企成日都埋滿人,所以宜家一個月一次起兩次止。


大宅

國民生產總值:4423

BKXmas勳章


發表於 16-12-1 09:54 |顯示全部帖子
無言以對 發表於 16-11-29 16:10
想找個地方舒發心情,有點長希望大家見諒!

因為爸爸有病,近半年親戚朋友們時常來家中探望佢老人家,而每 ...

你自己都攰,何況青年,仲要反叛期,感覺佢都錫外公吧,只想他好好休息!


大宅

國民生產總值:1086

BKXmas勳章


發表於 16-12-13 18:14 |顯示全部帖子
我反而覺得你有點忽略了仔仔感受,其實佢算孝順的,只是不想不斷應酬人,放假想靜下都好合理,反而你哋成日咁話佢,比我都討厭你哋想反面


男爵府

國民生產總值:6840

BKXmas勳章


發表於 16-12-13 19:59 |顯示全部帖子
叫大家盡量gp 埋一個月嚟一兩次得唔得?附近有冇圖書館之類,同仔仔傾吓,如驚嘈住佢溫書,不如去圖書館溫?
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎