×

用戶登入

找回密碼 | 註冊


王國facebook
義工

想生BB 今日: 11|主題: 89094

查看: 1304 | 回覆: 30
小產經歷,分享給有需要的你(超長篇)


民房

國民生產總值:23


發表於 5 天前 |顯示全部帖子
月初check到懷孕,心情又驚又喜!驚的是,我的囡囡只有8個月大,而家要陀多個應該會好辛苦。喜,唔洗講!我和老公都想生多個,有左當然十分高興!
今次m遲了足足1個月,last period 係9月中,但我要去到11月頭先驗到。但我都立即book上胎的醫生做檢查,約左1星期後。
終於捱到見醫生的日子,心情輕鬆,又唔係第一次,都知會點樣同做d乜。躺在床上準備睇bb,醫生碌黎碌去,只見到黑色一粒豆。「暫時得胎囊咋,未有bb係入面,等佢長下先啦!咁既size應該得5-6週左右。兩星期後返黎再睇黎。」點解冇bb?上胎6週都有架⋯仲有埋心跳添!唔通真係太早?不安感隨即纏繞著我⋯
兩星期終於過去,又到產檢日子。入到診所竟然見到老公surprise我!原本我叫佢唔好黎費事特登攞假,但見佢黎陪我真係好窩心!到我,打定輸數。結果如我所估。「胎囊入面都仲係冇bb,再照埋陰超先。」「都係冇,但見到入面有陰影⋯」「醫生,咁係點?」「我擔心係葡萄胎,一陣出去解釋你聽。」到呢刻我仍然好平靜,冇大感覺,因為我有晒心理準備。出到去聽醫生解釋咩係葡萄胎同埋而家我要點做。聽聽下,我開始集中唔到精神,我開始知道自己陀唔到呢個b!但我仍然努力聽。臨走前,我再問醫生「咁係咪即係個bb係唔會有架喇?」「機會真係好微。」醫生答。跟住我唔該完醫生就同老公行出醫生房。行到門口我開始失控,忍唔住開始喊,但又唔敢喊出聲,於是dup 低頭行出去雙手掩面喪喊。老公一直在我隔離搭住我膊頭安慰我,其實佢講乜我真係唔知,我淨係知我真係好心痛⋯跟住我要上樓上抽血,一出到診所,我攬住老公喊到癲!我冇諗過自己會咁⋯我以為我有心理準備,佢亦都未成形,應該唔會太傷心。但原來唔係的!等待這兩星期,我一直有感覺呢胎我唔會陀到,我都唔知點解有咁樣感覺,媽媽的直覺。我堅持唔洗老公黎亦係同一原因,我怕佢會失望。但,好彩佢係我身邊陪住我⋯

TBC
 


別墅

國民生產總值:799


發表於 5 天前 |顯示全部帖子

樓主加油,祝福你


民房

國民生產總值:23


發表於 5 天前 |顯示全部帖子

回覆樓主:

本帖最後由 mongmongmeow 於 16-11-29 22:33 編輯

原來,呢個只係一個開始,我只係知道自己將會小產,但幾時開始出血或需否用藥,都係未知的⋯
因醫生擔心係葡萄胎,所以兩日後要再返去抽血。當日我收工後老公陪我去,之後我地仲行左陣街。但其實由早上開始就見到輕微出血,量唔多亦唔算痛。到行完街,其實只行了1hr,就覺得好攰,立即回家。返到去沖涼後攤屍咁休息!到夜晚開始,感覺到越黎越痛!諗住趁未好痛快d去訓睇下會唔會訓到。點知,10點幾開始間歇性咁抽住痛,係痛到個人會縮埋晒果隻⋯間直係想死!心諗要痛幾耐架?!老公見我咁就話同我去醫院,我唔肯,死頂!頂多3個鐘,頂唔順⋯飛的去左醫院,去到我就痛到好似喪屍咁樣都變埋,但都要等!老公見我痛到咁,佢好唔忍心咁話「如果可以痛晒係我身上我都受!」我都知佢係好辛苦因為冇野佢可以幫到我。等左個幾鐘倒,醫生叫我留院,我話唔想,佢話怕我返到屋企大出血就麻煩⋯咁我都驚,咪喊住咁話好。其實到見醫生已經痛完,之後係可接受既痛。但確實之後會點我又唔知,返到屋企有咩事咪又要返醫院?

到上埋病房已經3am,姑娘叫我去廁所要出聲,因為有機會排返d組織出黎。我上到房就話要去,咁岩就係呢次有野排出!係一大夠野!返到床上,我知我真係冇左bb了⋯心好痛好痛!點解我會陀佢唔穩?果刻覺得自己好失敗!結果果晚我訓唔著,個腦係咁亂諗,直到第二朝又抽血。由於我已經唔痛,我好想出院。等到中午駐院醫生黎,佢解釋俾我知,小產係一個要維持大概十日八日既過程,唔係話我排左一夠野就等於完事,因為可能仲有野未排出。如果排唔出就要刮宮!但我堅持要出院,留係醫院好唔舒服⋯佢話可以但要我簽字走。跟住再話我知有機會會再有野排出。佢再幫我檢查過,話我未清晒,之後要返黎抽血同覆診,我話ok,總之我要返屋企!

TBC


大宅

國民生產總值:3122


發表於 5 天前 |顯示全部帖子

回覆樓主:

完全感覺到,其實我都有個post 之前有關小產,我平時絕少喊,但都忍唔住喊左好多次,無錯,媽媽真係有呢個直覺,但我上次無,我係第一次見到閃閃,仲好閃的,估唔到第二次就無了,好似一場夢,我都我諗過會無架……雖然仲好細,但始終係自己骨肉,一定會心痛
點都好,發生了就係發生了,比心機啦,我都開始重新造人了,希望快d 中,支持你


大宅

國民生產總值:3167

動物勳章 ILLUMA Inspired by Nature勳章 吸收力勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 我的育兒心得勳章 想生BB熱投


發表於 5 天前 |顯示全部帖子
願主看顧你


大宅

國民生產總值:3938


發表於 5 天前 |顯示全部帖子
其實有一個算係安慰,我第一胎17w結構問題引左產,第二胎7w自然流產,痾左一大舊野出黎⋯

曾經我以為自己永遠唔會有BB,之後我未黎M就中第三胎,今次終於生左個可愛BB,而家13個月大喇!


複式洋房

國民生產總值:330


發表於 4 天前 |顯示全部帖子
mongmongmeow 發表於 16-11-29 21:58
月初check到懷孕,心情又驚又喜!驚的是,我的囡囡只有8個月大,而家要陀多個應該會好辛苦。喜,唔洗講!我 ...

樓主保重,要好好調理身體,你仲有個bb要俾心機照顧,加油!


民房

國民生產總值:23


發表於 4 天前 |顯示全部帖子
返到屋企後,得個攰字。訓左陣,之後都係攰⋯
出院呢日係唯一一日我冇喊過,太攰太眼訓了!諗起之後仲有連串檢查、抽血要做就覺得辛苦!原來,小產最痛心的是,除了心理上要承受極大痛楚,還有一連串檢查要做,唔好彩的仲有可能要刮宮!係我傷心之際,我老公望住我講左句「成件事最唔公平係,要個媽媽受晒所有痛苦,點解爸爸冇法幫手分擔?」聽完,突然間覺得我唔係一個人的!其實我老公都好傷心,只係佢要照顧我,所以佢唔能夠表現出佢既傷心,因為佢唔想我再擔心返佢。呢幾日,一得閒我就喊,唔知點解突然間就會喊。我都覺得自己好痴線⋯我盡量令自己唔好亂諗。千其唔好埋怨自己係咪做過d乜而發生呢件事,醫生話有1/10機會發生,每次懷孕都有呢個機率,所以唔會係媽媽問題。我知道如果鑽牛角尖,我會更加難走出難關。但有時都會諗,關唔關我成日咩住個囡出街?因為我仲餵人奶?因為⋯?越諗越傷心越喊。所以我選擇適當咁返工,返工我會諗少d容易過d!

剛覆診,亦係一個超難受既挑戰!望住診所中既大肚婆,點解我唔係黎做產檢?點解人地陀得咁好而我又冇左?等候呢段時間又係折磨!不停諗究竟係咪我做錯野導致咁樣!好辛苦⋯終於捱完檢查,醫生話唔係葡萄胎,子宮入而亦清乾淨,冇需再覆診。所有消息都係不幸中的好消息,但我唔覺幾開心⋯醫生話,黎一次m後可以重新黎過再懷孕。但下一次,我會成功嗎?

TBC


複式洋房

國民生產總值:183


發表於 4 天前 |顯示全部帖子
唔好諗咁多,俾咁大壓力自己
情緒會影響到自己架
放鬆d, 小天使會好快黎揾你架啦


民房

國民生產總值:23


發表於 4 天前 |顯示全部帖子
我冇宗教信仰,但我相信每件事發生都係有原因,上天係有樣野想我學。係呢件事上,我諗唔通睇唔透,唔明個天想我學d乜?點解要我開心完又將我掉落地獄?係一個懲罰嗎?我知道終有一日我會釋懷,我亦好期待呢一日。或者終有一日我會明白點解個天會咁做。呢篇文我唔係想博同情,只係想舒法下自己感受。我唔敢同老公講太多,因為佢其實亦有好大壓力亦好傷心。屋企人更加唔會講,唔想佢地擔心。我知呢度好多媽媽都經歷過呢d事好明白我感受,其實可以同你地呻下,我就滿足了。呢件事已經完結,基本上只要黎返m就代表我身體係ok,只係心理上就要睇自己。多謝你地閱讀!


民房

國民生產總值:23


發表於 4 天前 |顯示全部帖子
cwl0313 發表於 16-11-29 23:21
其實有一個算係安慰,我第一胎17w結構問題引左產,第二胎7w自然流產,痾左一大舊野出黎⋯

曾經我以為自己 ...

恭喜您!
你經歷更辛苦,終於守得雲開見月明!你過程一定仲辛苦。不過你都捱得過你好叻


男爵府

國民生產總值:7683


發表於 4 天前 |顯示全部帖子

回覆樓主:

你完全講出晒我嘅感受呀,我啱啱21號都自然排出左,我嘅心情完全同你一樣


子爵府

國民生產總值:10402


發表於 4 天前 |顯示全部帖子
祝福你


男爵府

國民生產總值:6437


發表於 4 天前 |顯示全部帖子
回覆 mongmongmeow 的帖子

我都係過來人, 其實正面D唸, 你已經好彩過好多JM, BB 今次未ready 自己離開總好過我, 而且你已經有一個bb呢~
我比你更慘, 第一次懷孕以為7w照到心跳, 過到12w 就安全, 點知 t21 fail...13w 忍痛放棄佢........
心理陰影到而家仍然有, 不過只能同自己講人算不如天算, 上天會有更好既安排. 加油!!

痛失寶寶........


別墅

國民生產總值:704


發表於 4 天前 |顯示全部帖子
我21週引產, 出院心情同你一樣, 當一個人時無原因地流眼淚, 見到人或朋友就唔會, 過左一段低谷時間, 宜家爬番起身了!!


大宅

國民生產總值:4840


發表於 4 天前 |顯示全部帖子

回覆樓主:

好好休息。一切都係緣份,今次未ready,下次見囉。 我兩年前都試過空心胎,醫生俾我等一個星期後又再一個星期。最後我怕被動等佢排出唔知會點,就叫醫生幫我入院"gwar"宮。嗰日係平安夜 我依家15週喇,可以做嘅都做足去保護bb,希望一切順利啦。

你嘅小寶寶好快會返嚟!


大宅

國民生產總值:4840


發表於 4 天前 |顯示全部帖子
samanthasan 發表於 16-11-30 14:50
我21週引產, 出院心情同你一樣, 當一個人時無原因地流眼淚, 見到人或朋友就唔會, 過左一段低谷時間, 宜家爬 ...

我17週。用咗一年,以為自己冇事但原來仲會暗暗流淚。依家15週,佢由囡囡變咗囝囝返嚟,今次我會用盡我嘅能力保護佢,希望一切順利。


大宅

國民生產總值:3454


發表於 4 天前 |顯示全部帖子
加油呀
我睇到好感動


大宅

國民生產總值:3938


發表於 4 天前 |顯示全部帖子
mongmongmeow 發表於 16-11-30 13:25
恭喜您!
你經歷更辛苦,終於守得雲開見月明!你過程一定仲辛苦。不過你都捱得過你好叻
...

本帖最後由 cwl0313 於 16-11-30 15:42 編輯

嗰段時間同媽咪一齊喊左好多好多次,為左唔想佢地擔心,我都要堅強,只可喺老公前想喊就喊,加上嗰排有單3x週孕婦去產檢途中比樹壓死呢單新聞,我只知道一日有子宮我都唔會放棄。

而家過左兩年,間中都會想起佢,心仍然冇左忽,其實我都有得著,個人樂觀左,同老公穩固左,同家人更加緊密左⋯所以你都唔好鑽牛角尖,會過去的,加油!


民房

國民生產總值:23


發表於 4 天前 |顯示全部帖子
Tinny 發表於 16-11-30 13:51
你完全講出晒我嘅感受呀,我啱啱21號都自然排出左,我嘅心情完全同你一樣
...

共勉之!大家一齊努力養好身子!我打算食一個月中藥調理返!
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎