×

用戶登入

找回密碼 | 註冊


義工

親子溝通 今日: 17|主題: 12902

查看: 9999 | 回覆: 36
升小一之後 個囡變曳左好多 佢今日既行為令我有D灰心


複式洋房

國民生產總值:432

BKXmas勳章


發表於 16-11-30 00:54 |顯示全部帖子
升小一後 我同奶奶刀留意到囡囡既言行問題:經常駁嘴,冇k3時甘聽話 成日做D野黎激你,對我好冇禮貌;好容易就喊。

今日 同佢睇功課時 佢態度已經好差。話俾佢知边度錯左。佢話:吓。又要改牙 甘你俾支筆我寫囉,筆呢 我都冇筆㸃寫牙。我嗰一刻已經好慶 但都忍住。

跟住 我見佢對爺爺態度好冇禮貌。眀明吾關爺爺時 都要賴。我見到好聲好氣教佢 (肯定冇鬧)佢去到最尾又喊。我費鬼事理佢。又話媽媽最衰 成日話我 我吾鍾意媽咪 媽媽不明白我。我依家冇時間玩啦。(以往佢每日溫完書後 可以有playing time)

跟住 我話依家已經好夜 要訓覺 更何況你喊成甘 你想玩D乜?佢只係不停大喊 嗌:我冇得玩啦 我冇得玩啦 點解我冇得玩?對我講既野完全聽吾入耳。嗰一刻 我好無奈 我嗰囡幾時變得甘野蠻。

究竟 我忽略左D乜野 呢3個月佢變成甘既?

媽媽 你地會點做?請賜教



王國熱話
hourglass粉底
富士Astalift護膚品有jm用開嗎?支moist lotion...
The Ordinary serum 又平又好用
面脫疣後(結焦中)有咩要注意?


禁止訪問

國民生產總值:28

BKXmas勳章


發表於 16-11-30 11:07 |顯示全部帖子
提示: 作者被禁止或刪除 內容自動屏蔽


大宅

國民生產總值:1922

BKXmas勳章


發表於 16-11-30 11:32 |顯示全部帖子

回覆樓主:

我大囝都係剛上小一,好多野都要重新適應,我每日都會問佢係學校點?就算每日都係問果幾樣野,我都會照問,我都覺得佢地係大壓力左,功課又多,又要默書,又要溫習,我囝囝都成日同我講無得玩,我會同佢分配好d時間,同佢講7點前做哂功課溫哂習就有得玩,7點做唔哂就無辦法,同佢傾多d,了解下佢想要d咩,唔過份我都會就下佢


伯爵府

國民生產總值:15494

BKXmas勳章


發表於 16-11-30 17:51 |顯示全部帖子
升小後會變招招積積, 因朋輩之間互學。果D 習慣佢, 糾正佢對長輩要有禮, 間中有朋友聲氣同自己講野我覺得可以接受。
我習慣放學回家比佢自由休息時間半小時, 跟住做功課。小二啱啱而家識自律, 熄電視做功課啦。
做完功課就可以落公園玩。食完飯再溫習下。
咁就無投訴無得玩了。

當然如間學校好谷, 玩左實做唔晒D野, 就無辦法了, 要傾下點樣爭取玩的時間, 多多少少都好, 唔好無左, 心理就平衡D囉。


複式洋房

國民生產總值:149

BKXmas勳章


發表於 16-12-1 18:37 |顯示全部帖子
tw103 發表於 16-11-30 00:54
升小一後 我同奶奶刀留意到囡囡既言行問題:經常駁嘴,冇k3時甘聽話 成日做D野黎激你,對我好冇禮貌;好容 ...

試下搵個輕鬆既時候同佢傾多啲計,聽佢講下佢既感受,我每朝同每晚都會同個女係佢張床度傾下計,乜都好,總之講下嘢,有時無嘢講我就會同個女講,你知唔知媽咪好愛你架,日日都係張床度攬住佢,只要五分鐘就夠啦,我相信佢會感受到媽媽既愛,到而家我個女都十歲啦,每日早晚都要攬幾分鐘


翡翠宮

國民生產總值:87517

開心吸收勳章 2017勳章 BKXmas勳章


發表於 16-12-2 10:01 |顯示全部帖子

回覆樓主:

攰果陣係好易喊,發晒癲咁樣,我d 仔女都係咁。所以你唔駛上心喎,夠鐘就要訓,唔好仲同佢講數。我大二仔六歲時係七點幾最盡八點要訓,二仔而家六歲,八點去訓有時都攰到發脾氣響度喊。


水晶宮

國民生產總值:59283

BKXmas勳章


發表於 16-12-2 14:16 |顯示全部帖子
平時多D同佢溝通,係咪學校發生佐D嘢啊?


伯爵府

國民生產總值:17242

BKXmas勳章


發表於 16-12-8 21:21 |顯示全部帖子
Up


複式洋房

國民生產總值:432

BKXmas勳章


發表於 16-12-10 20:02 |顯示全部帖子
dinosaurmum 發表於 16-12-2 14:16
平時多D同佢溝通,係咪學校發生佐D嘢啊?

你地講得啱 我覺得係溝通問題。因為最近同佢check功課時 要佢改。佢會吾開心 跟住喊起上黎,會突然話:今日係學校到 俾同學踩到隻手已經吾開心 返屋企又要改功课。

噚日,同一處境,又係温書提醒佢串錯字,佢又喊話: 今日學校全班得佢一個網上遊戲壞左 得佢冇得玩,儲埋D吾開心 就trigger 到佢喊起上黎


男爵府

國民生產總值:5080

BKXmas勳章


發表於 16-12-12 15:26 |顯示全部帖子
回覆 tw103 的帖子

我個仔同你個女一樣,我受了足足一年。由出世到讀幼稚園都好乖好好湊,點知一上小一成個變晒,提早反判期,經常駁嘴,好似全世界欠咗佢,事事同我作對。一早起身已經唔想起閙人,早晨下午荼揀食(以前日日下午吃水果),檢查功課更是天天有火花,樣樣都要講數。

小一下學期有改善,之後在健康院上了3P育兒課程,才知道是適應問題。小一生從生活作息、學習、功課量、默書考試,太多轉變,會有情緒問題。

尤其我仔要睡很多,幼稚園下午回家午睡,小學返全日對他來說好大挑戰,有時連功課都未做就睡了,結果被我罵。幼稚園功課少又簡單,上小一真的辛苦多了,又睡少了,所以成日發脾氣。

做媽咪緊張佢,做完功課又要改,當然不高興不喜歡媽媽。

你現在可以做的,自己學習控制情緒(我不斷學習,有時真會失控),彼此是一面鏡子,阿仔話不喜歡我大聲罵他,我真的嘗試改,他也少了發脾氣。多關心他上學其他事,不要只關心功課。做完一齊玩,不好只是打機玩電話。不要夜瞓,休息充足。

努力呀,共勉之。


別墅

國民生產總值:755

BKXmas勳章


發表於 16-12-14 09:37 |顯示全部帖子

回覆樓主:

係咪到小學呢個階段都是咁樣?我女E家小二,又係咁,你講一句佢博十句,激到嘔血
幸福其實好簡單


侯爵府

國民生產總值:22616

BKXmas勳章


發表於 16-12-15 13:03 |顯示全部帖子
我個女上到小三都曳左好多,
博咀博舌,招招積,
不過佢返佢啲同學,自已嗰個都唔係好嚴重,
正常架,朋輩影響,


大宅

國民生產總值:2142

BKXmas勳章


發表於 16-12-20 08:06 |顯示全部帖子

回覆樓主:

超有同感,我女小一,近呢個星期,晚晚都打鬧到喊,有時情緒失控,我會打自己,話自己唔識教好佢,以前k3時,佢會有己律,放學沖涼,食茶點,做功課,完全唔洗我理,但而家,明明得4題數,都做1個鐘,佢唔係唔識,係左yuk右yuk,搞筆,發呆,明明4-3=1佢都話唔識,好難,搞到我火都黎,琴晚又鬧佢時,我話再咁我走啦,佢話你帶埋細佬,你淨係理細佬,聽到呢句,我話原來你一直都覺得我錫細佬(因為咁岩細佬出世係佢升小一,加上細佬餵人奶,成日要埋身抱,但平日佢係好錫細佬,成日攬佢,無野咁),

我唔知佢係無野攞黎講發皮氣,定真係有條剌,覺得分薄左,但我同老公已經盡量以佢為先,星期六日佢想去邊,食咩都由佢話事,我又會湊佢放學,爸爸湊返學,陪佢做功課,但完全感到佢想爆發咁,成日小小事就發皮氣,唉,真係教幾灰吓,唔理功課又唔得,理功課關係就跌到低點,叫佢補習,佢又發皮氣,叫佢自己做,佢又會叫哂,話唔識做,真係好挑釁,明明自己話忍,但到果一刻真係挑釁到你發火打佢鬧佢先識收,我都唔知可以點做


翡翠宮

國民生產總值:94880

BKXmas勳章


發表於 16-12-30 23:41 |顯示全部帖子
先同老師打探下學校發生咩事先?系咪平時屋K有人太就佢,故事書睇得少?旅遊帶佢去D窮國家窮地方感受下自己嘅幸福生活,或者參加下集體活動,同其他小朋友一對比就知道要改了


大宅

國民生產總值:4377

BKXmas勳章


發表於 17-1-4 00:38 |顯示全部帖子
首先,讚下距呢個串得好靚好正確,同媽媽細時候一樣靚/靚過媽媽細時候串既,之後,“咦,果個串得咁奇怪既…”距睇唔出我先提醒距系咪串錯咗
發脾氣由距發,發泄完舒服好多,聽野都易入耳,唔想距發脾氣你就教距心情唔好時應該/可以點發泄


男爵府

國民生產總值:6158

BKXmas勳章


發表於 17-1-5 15:43 |顯示全部帖子

回覆樓主:

女女可能末適應小一生活,你試吓認同佢,係呀!升上小學係多咗功課,不過媽咪會在旁幫你。我地快啲做完就可以玩。


大宅

國民生產總值:3120

BKXmas勳章


發表於 17-1-7 14:20 |顯示全部帖子

回覆樓主:

睇到呢個post好有共鳴,我囡都係上咗小一就曳咗,講野成日好輕佻咁,就嚟考試叫佢温下書都唔願郁咁,我忍唔住日日開火鬧佢,唔話佢又睇唔過眼,話得多又搞到關係差,我收工返嚟又晏,佢又要早訓,親子時間又少咗,都唔知點改善


子爵府

國民生產總值:12844

BKXmas勳章


發表於 17-1-8 07:35 |顯示全部帖子
tw103 發表於 16-11-30 00:54
升小一後 我同奶奶刀留意到囡囡既言行問題:經常駁嘴,冇k3時甘聽話 成日做D野黎激你,對我好冇禮貌;好容 ...

我無法接受,必會剷到佢上天花板(大罵一頓,殺一儆百)


複式洋房

國民生產總值:258

BKXmas勳章


發表於 17-1-8 11:48 |顯示全部帖子
我完全明白!因為之前我覺得個仔又咸又唔聽話。之後,我聽專業人士教我和他玩遊戲,用遊戲傾計,我自己改變一下,我見到佢不斷進步!你也努力呀!


複式洋房

國民生產總值:432

BKXmas勳章


發表於 17-1-8 14:05 |顯示全部帖子

回覆樓主:

多謝jm回覆 引起部分jm共鳴,我嗰心刀有D放鬆左,最近,我做一張月曆咭,一面30格,每一格已預先print 好佢鍾意既公仔,如果佢當日冇喊/冇癸牌氣/有礼貌,就可以得到當日公仔貼纸。可能佢係女仔 又好鍾意little pony ,呢條橋暫時刀work.

同埋 當佢有野想同我講,我盡量放心手上既野,望住佢对眼專心聽佢講,佢感受到被尊重law
你需要登錄後才可以回帖 登錄 | 註冊

分享按钮
© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎